Kilí niraa buwé

Japi isili Jesús

VIDEO: Jesús ko kilí niraa iʼwiro binoy bonilá

1. Iné echi VIDEO o leeri Juan 7:3-5 alí 1 Corintios 15:3, 4, 7, alí biné jepuná preguntas:

1. ¿Piri anijoli echi Jesús jobóniwala japalí chotásili nawesia echi Jesús?

2. ¿Chúriká ti machí japi Jesús ke riweli iʼwiria Santiago jiti bichíwiami nima?

¿Piri ta biné japi isili Jesús?

2. Ati kilí niraa buwésaré jiti jaré pagótami ko wilí ikira kulí chotásimia binea echi Biblia tamujé yúa.

Isí japi riká Jesús

3. Jarecho si namuti riwiri. Echi rijoi o mukí ma, ke chotásinalaká binea echi Biblia, kiti iʼwérili ané. Nalí be ami mayéaká japi a iʼwírima, riwiri echi video o publicación japoná ruyé chúriká ti bineri echi Biblia alí chúsiá we aʼlá ju japi binema.

4. Kiti natá japi sinéami chopi iyiri ju. Echi pagótami ko suwinárika nata alí noká. Bilé mujé téemala o bilé rijoi o mukí ma, ke machisáaká achi chotásima binea echi Biblia o achi narema japi ta iyiri bineri, nárika isí chúsiá ke machí. ¿A we natéami niraa inéniré echi namuti japi iyiri bichiwi? ¿O echi téemala o japi piré echoná mulipi, ke nakiwi japi chotásima binea echi Biblia? Riwé japi echi rijoi o mukí ma, natama japi riká mi aneli alí a keʼré japi pe aminana natéami niraa inema japi aní echi Biblia.

5. Raʼichá Jeobá yúa. Nikúurili tani Jeobá jiti mi ke natama japi echi pagótami ke siné binema alí ayénachó jiti mi we aʼlá nátika raʼichama echi yúa. Ayénachó ané Jeobá japi mi iʼwírima machiyá chumi kabú ma ke simisáré yúa raʼichasia o binérisia japi ke me natéami niraa iné binea echi Biblia (1 Cor. 9:26).