Kiti riwé bineria

Japi isili Pablo

VIDEO: Pablo ko ke riwé nawesia echomí Éfeso

1. Iné echi VIDEO o leeri Hechos 19:8-10, alí biné jepuná preguntas:

1. Tákoré niruili jaré japi ke kipuli japi nawésili echi Pablo, nalí ¿chúriká ti machí japi echi Pablo ko ke riweli nawesia?

2. ¿Chu kisapi niraa raʼíchili echi Pablo japi a kipuli alí chu kipi bamíali echi riká isili?

¿Piri ta biné japi isili Pablo?

2. Ati iʼwérili nokisáré ku simíaya yúa raʼichasia echi japi a kipujú jiti chotásipo bineria echi Biblia.

Isí japi riká Pablo

3. Simí binérisia japalí ikiro echi pagótami. Nárika isí: “¿Chu kabú a ikírima tamí yúa raʼichia? Alí, ¿kumi niraa aʼlá nima binelia?”. Iʼwérili isí ku simiyá binérisia echi pagótami tákoré mi isini kaachi a we jilí niraa checho ku simiyá.

4. Nari chumi kabú checho ku omérima yúa raʼichia. Ma suwinimia raʼichia echi pagótami yúa, ané piri mi rawé alí chúrikó mi checho ku nawama yúa raʼichasia. Alí ne echi riká isí.

5. Kiti siwé. Japalí mi ke riwisaa echoná bitichí o japalí ke ikírisa binea, kiti natá japi echi pagótami ke binénali (1 Cor. 13:4, 7). Kiti riwé iʼwiria alí aa echi pagótami, nalí be iʼwiri japi a ne bichíwali binénali (1 Cor. 9:26).