We aʼlá binériami nili japalí mi simí nawisasia: Sinéami pagótami japi ikí mi ritiwá bineri

¿CHÚSIÁ WE NATÉAMI JU? Zacarías ko anili japi “suníami kawichí piréami pagótami suwinárika raʼíchami aʼlá ipuma” ruyéliwa raʼíchali kalabé japi Onorúami nawesa (Zac 8:23). ¿Jépuká simama binérisia? (Ro 10:13-15). Tamujé ju japi ta simabo binérisia sinéami pagótami japi aní echi Biblia echi territorio japi olá ibili congregación (od-S pág. 84 párrs. 10, 11).

¿PIRI TA NOKIBÓALÉ?

• Bachá aʼlá biné japi mi animea. ¿Ami yúa raʼíchili echi pagótami japi sinúrika raʼíchami ju? Aa japi aní echoná JW Language jiti mi binema raʼicha japi riká raʼicha echi pagótami. Ayénachó iwiri chúriká aama celular o tableta ma jw.org japi riká raʼíchami ju.

• Bachá aʼlá iné. Japalí mi iyeni nawesia bitichí ayé, kiti riwé yúa raʼicha japi mi ritiwá echomí ayé simárami. Bineri japi carro muchuwi. Japalí mi simí nawisasia predicación pública, aʼlá nata wilí japi mi binérimaré.

• Che cho ku simasi. Iwérika nokisí bineria sinéami pagótami ke bilé kalí ripíuka japoná mi nawesa, ke wesi rijówachi ko echoná bitichí, che cho ku simí baʼáliani ruyesia. Bineri teléfono raʼíchika, osá cartas, raʼichi calle simáriami.

• Yúa raʼicha japi a binénili ko. Sapú ku simí echi bitélachi jiti ke riwema binea. Ami riwisaa ko pagótami japi sinucho riká raʼíchami ju, bilé hermano ruyé japi echi nalí binérima japi echi riká cho raʼíchami ju. A bijí bineri japi iyena ko mujé ma machí japi echi hermano ma bineri echi japi sinucho raʼíchami ju (od-S págs. 93, 94 párrs 39, 40).

INÉ ECHI VIDEO JÉANÍAMI: BINÉRIPO MIKABÉ KAWICHÍ PIRÉAMI PAGÓTAMI; ANÍ JAPI MI NÁRIPORÉ JENAʼÍ:

• 

  ¿Piri nokali echi hermanos jiti simama nawisasia we miká piréami yúa? (1Co 9:22, 23).

• 

  ¿Achi jilika simíali echomí simiba?

• 

  ¿Chúsiá we kanili echi mi simasa?

• ¿Piri mi isima jiti mi yúa raʼichama sinéami pagótami japi mi ritiwá japoná mi iyena nawesa?