CHUTI RIKÁ NOKIBOA JAPI RIKÁ CRISTO
Sinéami ka nakúuripo bineria echi pagótami sinúrika raʼíchami
Echi pagótami we aʼlá ipú echi raʼíchali kalabé japalí binériwa japi riká raʼíchami ju. Pentecostés 33 bamíali, Jeobá ko isili japi echi judíos bichíyami “mapu ne suníami jenaʼí wichimóbachi jonsa auchecho ku sili” jiti machimea echi raʼíchali kalabé japi riká aboni raʼíchami ju, a mayewa japi ayénachó raʼíchami nili hebreo alí griego (Hch 2:5, 8). Jipi rawé ayénachó nirú congregaciones japi echi hermanos bineri echi pagótami japi sinucho riká raʼíchami ju, jiti bela a nirú hermanos japi muchuwa congregaciones japi ayénachó bineri echi pagótami echoná japoná ma bineri jarecho congregaciones muchúwami. ¿Piri nokimea echi publicadores japi echoná congregaciones napawí jiti ke naʼáwali oyéntima echi pagótami?
Busuré tani japi a machí (Pr 15:22): Echi hermanos japi superintendentes de servicio jawi, a katúwika raʼichá jiti machimea chu kabú a simea binérisia echi pagótami japoná jarecho congregaciones muchuwami bineri. Congregaciones japi napawí sinucho riká raʼíchami, isini kaachi ma animéeré japi tamujé ke si binéripa japoná echi congregaciones bineri jiti pe kuaabi ju echi pagótami japi binerima. We be nalí, echomí ayé wiká pirélisa japoná tamí bineri isini bi sisaa binériami echomí ayé, a animéeré japi ta suníami simáripa binérisia echoná piréami ata riwisaa bilé japi a binénali bilé nawisama jiti echi congregaciones muchuwa mi nalí binérima (od-S pág. 93 párr. 37). Echi hermanos japi jarecho congregación muchuwi a animéalé japi machinali achi pirea echi pagótami japi echi binérima (km-S 7/12 pág. 5, recuadro)). Ata machí japi isini kaachi a ma mochima bitichí japi sinucho raʼíchami ju. Echi congregaciones iyásiwa ka dirección japi chu riwéami ju echi japi binénali, echi japi simea binérimia ke machí pásaré echi niwala dirección jiti echi riká aní echi Ley.
Napawika nochabo (Ef 4:16): Né nokisare japi aní echi superintendente de servicio. ¿Ami bineri Biblia japi sinucho raʼíchami ju? Echi binéami ayó binema binérisiwaká japi riká raʼicha binoy, jiti bela ané japi echi congregación muchuwa jiti echi nalí binérima.
Aʼlá biné japi mi animea (Pr 15:28; 16:1): Ami yúa raʼichásaká japi sinucho riká raʼíchami ju, iʼwérika nokisí bineria sinéami pagótami japoná tamí nawesa. Aʼlá biné japi mi animea, ami yúa raʼíchaká echi pagótami isena raʼíchami, descargarili echi Biblia alí jaré videos si japi riká raʼíchami ju. Ayénachó aa echoná japi aní JW Language jiti mi binema chúriká narepa echi suwinárika raʼíchami.