Ata nawesa omáana Wichimóbachi, ¿chúriká ta noká?

Japi riká binérili Jeobá echi pueblo Israel, jipi ayénachó bineri japi echi puéblowala ju jiti nokimea japi riká Jeobá nakí. A binériwa sucursal muchúwami, circuitos, congregaciones alí echi grupos japi simama nawisasia omáana Wichimóbachi, ayénachó japi jarecho idiomas raʼicha (Ap 14:6, 7).

¿Ami kanílisa nili binea bilecho idioma jiti mi binérima echi pagótami japi aní echi Biblia? Nalí, ke mi ikíriaká binea, ami omérima kuaabi raʼicha jiti mi nawesama japi aní echi Biblia néeka JW Language. Ami echi riká raʼichásaká we mi kanílima japi riká echi hermanos primer siglo piréami japalí raʼíchili echi pagótami omáana países piréami echi namuti ne wabé natéami Onorúami jitra (Hch 2:7-11).

MA INESA ECHI VIDEO JEOBÁ AMÍGOWALA LAMI NIMA BA: BINÉ BILECHO IDIOMA NAWESA, ANÍ JAPI MI NÁRIPORÉ JENAʼÍ:

• 

  ¿Chu kabú mi néema JW Language?

• 

  ¿Piri ka namuti uchúwami ju na aplicación?

• 

  ¿Piri idiomas raʼichawa japomí mi nawesa?

• ¿Piri ka mi isima echi pagótami a binénilisa echi Biblia nalí bilecho idioma raʼíchami nisa? (od-S 100 párrs. 39-41).