CHUTI RIKÁ NOKIBOA JAPI RIKÁ CRISTO
Japalí ta ke yúa napawí japi expulsado ju, echi riká ta newa noká japi ta we galé Jeobá
Echi expulsión tibú echoná congregación jiti ke nokimea japi riká echi cha isíami alí iʼwiri echi japi cha isili, jiti natama japi ke aʼlá isili (1Co 5:6, 11). Japalí ta nijewi japi Jeobá nulá, echi riká ta newa noká japi ta we galé. Nalí, ¿chúriká galéami nipo japalí echi expulsado téemala alí echi ancianos we omónisa?
Bachá, echi riká ti néwariwéliti japi ta nakí alí riwiwi Jeobá jiti ke cha riká raʼichárami nima echi jitra alí echi níwala ley (1Pe 1:14-16). Echi riká ti néwariwéliti japi ta nakí echi japi cha isili, ¿chúsiá? Jiti natama japi ke aʼlá isili alí checho ku nijéwima Jeobá (Heb 12:5, 6, 11). Ata yúa napawísaká echi japi ma expulsado ju o desasociado ma, ke ti riwépolé japi Jeobá busuréwima echi. Newalabo japi Jeobá ko sinibí aʼlá isíami ju (Jer 30:11). Nijéwami nipo Jeobá alí nochabo japi Jeobá nijí nóchili alí kilii buwepo jiti ku roʼwima tamujé Onolá Jeobá yúa jiti we natimáami ju (Is 1:16-18; 55:7).
MA INESA ECHI VIDEO NE SULACHÍ JONSA NIJÉWIPO JEOBÁ, ANÍ JAPI MI NÁRIPORÉ JENAʼÍ:
¿Piri nili echi wéntami japalí echi ranala ma ke nijéwi Jeobá?
¿Chúriká iʼwírima echi congregación echi hermanos japalí bilé téemala expulsado nisa?
¿Chu iyiri historia Bíblica ta biné japi Jeobá bi nijéwisaré alí ke me echi téemala ko?
¿Chúriká ta newa noká japi ta we nijéwami ju Jeobá alí ke me tamujé téemala ko?