CHUTI RIKÁ NOKIBOA JAPI RIKÁ CRISTO
We aʼlárika mochibo jiti we chati namuti ikísimi jipi rawé jiti ma “jubá rawé” ju
Jiti ta jubá rawé piré ata machí japi we nirúlisima problemas (2Ti 3:1; nwtsty nota japi mi binema Mt 24:8: “grandes sufrimientos”).Onorúami puéblowala ko sinibí aní piri ta nokiboa jiti ta ke si suwiboa japalí chati namuti ikísiachi. Ata nijéwami nísaká aʼlárika mochibo jipi rawé ayénachó we mi aʼlá binema echi Biblia jiti ke suwiboa japalí ikíachi chati namuti (Lu 16:10).
We aʼlá binéami nika echi Biblia. Sinibí rawé leeri echi Biblia, bineli biné echi Biblia. Aminabi a nawesa carta osaká, teléfono raʼíchika alí jarecho si. Kiti majaa jiti mi ke yúa atí echi hermanos echoná congregación (Is 30:15). Newalá japi Jeobá alí Jesús ke mi bineli riwema (od-S 175, 176 párrs. 15-17).
Ami rakósaré jaré namuti japi mi newalema. Ata olásaré bilé mochila japoná ta kariwepo echi namuti japi ta newalebo, ayénachó ibili niraa machimea chu ikí koʼwáami newalema, bawí, ówami alí jarecho si japi newalebo ata wilí nokisáaká kecho ku buyaa bitichí jonsa (Pr 22:3; g17.5-S 4, 6).
MA INESA ECHI VIDEO JÉANÍAMI ¿PIRI TA NOKIBOA JAPALÍ TA KARÚA IKISAA?, ANÍ JAPI MI NÁRIPORÉ JENAʼÍ:
¿Chúriká nokiboa jiti we aʼlá binéami nipo echi Biblia jipi rawé kecho chati namuti ikíachi?
¿Chúsiá we natéami ju...
... japi mi echi ancianos iyama muje níwala número teléfono?
... japi ta olabo bilé mochila japoná ta kariwepo echi namuti japi ta newalebo?
... japi ta raʼichabo chu iyiri chati namuti ikimea japoná ta piré alí piri ta nokiboa?
Anisí bikiá namuti japi ta nokiboa jiti iʼwíripo jarecho hermanos japalí karú ikisaa.
NÁRIKA ISÍ: “Jiti nirúampá echi nawilí COVID-19, ¿ani biné chúriká we aʼlárika mochibo?”.