¿Achi mi ma aʼlá machí piri mi isima japalí nirúlisa nakówami?

Jiti jubá rawé piré, aminabi che nirúlisima nakówami, guerras alí pagótami we chati (Ap 6:4). ¿Piri ta nokisáré kecho echi riká ikíachi?

• We aʼlá biné echi Biblia. Natá jaré versículos japi mi iʼwírima bichiwia alí Jeobá bi nijewia ayénachó echi organización (Pr 12:5; jr-S 125, 126 párrs. 23, 24). Jipi we natéami ju japi ta amigos olabo echoná congregación (1Pe 4:7, 8).

• Ami natásaré japi mi isima. Ami olásaré namuti japi mi newalé japi riká koʼwáami alí mi natásaré chúriká mi isima echoná mi bitichí a ripísaká alí ayénachó chúriká mi machíinima. Iné piri mi namuti muchúwali echoná mochila de emergencia alí jariwé equipo de protección personal alí winomí. Ami olásaré echi números de teléfono echi ancianos níwala alí echi ayénachó olásaré mujé níwala (Is 32:2; g17.5-S 3-7).

Japalí nirúachi nakóliami, ke mi riwésaré isía japi Jeobá aní (Flp 1:10). Ke mi anajumi iyénisaré ke mi newalésaká (Mt 10:16). Nachuti japi mi olá jarecho yúa (Ro 12:13).

INEPO ECHI VIDEO ¿PIRI TA NOKIBOA JAPALÍ TA KARÚA IKISAA?, ALÍ ANISÍ JAPI TI MI NÁRIPORÉ JENAʼÍ:

• ¿Chúriká tamó iʼwírima Jeobá japalí ta karúa ikisaa?

• ¿Piri ta nokiboa japalí kecho nirúlisa echi nakóliami?

• ¿Chúriká iʼwíripo jarecho?