¿Ma mi machí piri mi isima japalí mi ke olasa winomí?

Tamujé machí japi omáana Wichimóbachi ke nirú echi winomí alí jarecho si namuti japi ta newalé, ¿chúsiá? Jiti ta jubá rawé piré alí echoná Biblia aní japi “echi wikabé namuti [...] ketasi sinibí niráa nirúlama” (1Ti 6:17; 2Ti 3:1). Japi riká isili Jehosafat, ¿chúriká tamó iʼwiri aʼlá machiyá japi ta nokiboa japalí ke olasa winomí alí jarecho si namuti japi ta newalé?

Japalí echi sayérala simíali Jehosafat yúa nakosia, echi ko bichíwili Jeobá (2Cr 20:9-12). Ayénachó echi ko isili jaré namuti tibumia echi Judá piréami alí aʼlá aneli echi sontarsi japi nokisaa riweili (2Cr 17:1, 2, 12, 13). Tamujé ayénachó bichíwisaré Jeobá alí jipi jonsa ati nokisáré jaré namuti jiti anachabo japalí karúa ikisaa.

MA INESA ECHI VIDEO ¿AMI MA KARIWEKA ATÍ KARÚA IKISAA?, ANISÍ JAPI TI MI NÁRIPORÉ JENAʼÍ:

• ¿Piri nokiboa jiti aʼlá machiká mochibo japalí karúa ikisaa?

  Bilé namuti japi mi ruyema

• ¿Piri nokiboa jiti oméripo iʼwiria jarecho?

  Bilé namuti japi mi ruyema