CHUTI RIKÁ NOKIBOA JAPI RIKÁ CRISTO
Iné mujé binoy japi riká Jeobá mi iné
“Jeobá ko we kanila binoy puéblowala jitra” (Sl 149:4). Tákoré ti ke sébali aʼlá nokáami ju, Jeobá ko nalí iné echi namuti japi ta aʼlá noká alí japi ta oméripo nokayá. Nalí, isini kaachi ati jilí niraa binoy inea japi riká Jeobá tamó iné. Ati níliporé japi ta ke natéami ju o japi Jeobá ke tamó galé jiti jarecho ke aʼlá noká tamó yúa o jiti chabéi chati namuti nokali. Echi riká mi níliaká, ¿piri mi iʼwírima?
Newalá japi Jeobá ke iné echi namuti japi riká echi pagótami iné (1Sa 16:7). Japalí Jeobá tamó iné, echi ko iné echi namuti japi tamujé aboi ke ritiwá. Echi Biblia jitra tamujé ko omeri machiyá piri nalí iné Jeobá. Ami leérisaká jaré versículos o ejemplos japi echoná Biblia uchuwi, ami machimea chu yena galé Jeobá echi japi we nijéwami ju.
MA INESA ECHI VIDEO BICHIWI JAPI JEOBÁ WE MI GALÉ, ANISÍ JAPI TI MI NÁRIPORÉ JENAʼÍ:
Japi riká isimí bilé onolá echi nolá yúa japi máami ju, ¿piri ta biné Jeobá jitra?
Bilé japi we cha isili riwesa ko cha isiá alí iʼwérili isísakó ku Jeobá amígowala niya, ¿piri iʼwírima bichiwia japi Jeobá a bijí we galé? (1Jn 3:19, 20).
¿Chúriká iʼwírili echi hermano leeria alí natia echi ejemplo Jehosafat alí David jitra?