Ruyé jarecho japi mi bineli

Binea echi Biblia we tamó kaníliti, nalí be wabé tamó kaníliti ruyea jarecho echi namuti we natéami japi ta bineli. Proverbios 11:25 aní: “Japi iʼwérili iyá jarecho, echi binoy iʼwérili iyárami nima”.

Ata ruyésaká jarecho japi ta bineli, aminabi we aʼlá moʼabo alí we sapú newalabo echi namuti. Ayénachó we tamó kaníliti machiyá japi echi namuti we natéami japi ta bineli, omeri iʼwiria jarecho jiti aminabi aʼlá bichíyami nima (Hech. 20:35).

Isí jepuná: Biléala tarali raʼichá jarecho yúa echi jitra japi mi bineli. Japi riká bilé mujé téemala, bilé hermano echoná congregación nirúami, bilé pagótami japoná mi nocha o japoná mi simí echi escuela, o bilé pagótami japi mulipi mi yúa bité. Nee echi raʼíchali japi a machí echi pagótami alí raʼichá japi riká mi raʼicha.

Newalá: Ati ruyénali jarecho japi ta bineli jiti ta iʼwérili iyabo alí ke ko jiti echi pagótami natama japi tamujé we machíami ju (1 Cor. 8:1).