We aʼlá nee bilé namuti japi nirú echoná Biblia Traducción del Nuevo Mundo

Echoná Biblia Traducción del Nuevo Mundo español niraa, ami riwimea japi chukú bilé taa letra japoná suwía wiká raʼíchali. ¿Chúsiá echoná uchuwi echi kuuchi letras? Jiti ta machiboa japi nirú jarecho versículos japi ayénachó raʼicha echi namuti jitra japi aní echi versículo japi ta leeria muchuwi. Ayénachó tamó iʼwiri machiyá japi jaré libros Bíbliachi uchúwami chopi iyiri namuti raʼicha. Ami leériaká echi Biblia oselí niraa, ami áasaré echi kuuchi letras nasipa echoná página. O ami leériaká echi Biblia néeka echi página internet jw.org o echi aplicación JW Library^®, rachiná echi taa letra irápimia echi versículos japi ayénachó raʼicha echi namuti jitra.

Jenaʼí nirú jaré ejemplos japi ruyé chúsiá echoná jaré versículos machina echi kuuchi letras:

Japalí jaré libros raʼicha chopi iyiri namuti jitra japi ikili o chopi iyiri historia ruyé. Japi riká, echoná 2 Samuel 24:1 nirú bilé taa letra japoná machina 1 Crónicas 21:1, alí ayénachó echoná 1 Crónicas 21:1 nirú bilé taa letra japoná machina 2 Samuel 24:1, jiti echi okuá versículos chopi iyiri historia ruyé.

Japalí echoná bilé versículo oserúa chukú bilé namuti japi aní bilecho versículo. Japi riká, echoná Mateo 4:4 ami riwimea bilé taa letra japoná machina Deuteronomio 8:3, jiti echoná oserúa chukú japi jitra raʼicha echi versículo.

Japalí bilé versículo raʼicha bilé profecía jitra o chúriká ikili bilé profecía. Japi riká, echoná Mateo 21:5 nirú bilé taa letra japoná machina Zacarías 9:9, jiti echoná oserúa chukú echi profecía japi ikili japi riká ruyé Mateo.