Natchigagü i Ngutaqueꞌearü Nguꞌarü Popera Maü̃ rü Puracücaꞌ

7-13 NOWẼBRUARÜ

TUPANAARÜ ORE I MEÜ̃GÜ UIRURÜÜ̃ IĨÜ̃ | 2 REIS 5-6

‘Ngẽma Tupanaarü tchuraragü i tamaã ngẽmagüü̃ rü ngẽma Chíriaanecü̃ãꞌarü tchuraragüarü yeera narümumae’

it-1 797wa 5tchimaü̃

Yeguma Yoráü̃ ãẽꞌgacü niĩgu, Chíriaanecü̃ãꞌgü Iraéuanecü̃ãꞌgümaã nügü nadaitchaü̃. Notürü Erichéu nüü̃ nanagutchaü̃ẽẽ ga yema Chíriaanecü̃ãꞌgü nanawaꞌegüü̃, rü ãẽꞌgacü ga Yoráü̃maã nüü̃ niu ga taꞌacü ga yema Chíriaanecü̃ãꞌgü nanaügütchaü̃ ga Iraéuanecü̃ãꞌgümaã. Béü̃-adá nagu rüĩnü ga norü tchuraragü nüü̃ niugü ga yema. Notürü yeguma nüü̃ nacuaꞌgu na Erichéu Iraéuanecü̃ãꞌgüarü ãẽꞌgacümaã yemaü̃ niuü̃, rü norü tchuraragümaã Dotaü̃wa naĩ na Erichéuü̃ ínayangaugüü̃caꞌ. (Natchicünaꞌã, Vol. 1, naátü 950wa) Rü Erichéuarü ngü̃ẽẽruü̃ namuü̃, rü yemacaꞌ Erichéu nayumüẽ rü nhanagürü: “Pa Corix, Pa Tupanax, cuxna chaca nax cunango̱xetüxẽẽxü̃ca̱x ya daa chorü ngü̃xẽẽruxü̃ nax nüxü̃ nadauxü̃ca̱x i ngẽma curü churaragü i torü dauruxü̃ ixĩgüxü̃”. Rü yemawena, yeguma yema tchuraragü ga Chíriaanecüãꞌ Erichéucaꞌ ibumütchaü̃gu, rü nüma ga Erichéu rü Tupanana naca rü nhanagürü: “Pa Tupanax, ẽcü ¡yangexetüxẽxẽ i ngẽma duü̃xü̃gü!”. Rü yeguma ga Erichéu rü ínaũũgu ga napatawa rü yema Chíriaanearü tchuraragüü̃ nhanagürü: “Pa Churaragüx, rü ípetüe rü tama daa nixĩ ya yima ĩane ya naxca̱x pedauxü̃ne. Rü ẽcü ¡nua chowe perüxĩ!”. Yema tchuraragü tama nüü̃ nacuaꞌgü ga yema duü̃ü̃ ga nüü̃ rüngü̃ẽẽü̃ rü Erichéu niĩ. — 2 Reis 6:8-19

w13 15/08 30wa 2tchimaü̃

Woo norü uwanügü Dotaü̃ itchomaegüãtchiü̃, Erichéu nameãẽmare rü tama namuü̃, erü Yeuwagu nayaõ. Rü ngẽgumarüü̃ tá, inawaꞌegü tüü̃́ nangẽma i õ i Erichéurüü̃. Rü ngẽmaãcü, inawaꞌegü Yeuwacaꞌ tayumüẽgü rü nacaꞌ tacagü i naãẽ i üüneü̃ na tanaweꞌgüü̃caꞌ i õ rü to i nacümagü na naãẽ i üüneü̃wa ne naĩ. — Luca 11:13, Gár 5:22, 23

it-1 463wa 5tchimaü̃

Yeguma tchuraragü ga Chíriaanecü̃ãꞌ nangeetügu, yema rü nangupetü i naãẽwa. Rü Tupanaarü Orewa Erichéu nüü̃ niu i nhaü̃: “Pa Churaragüx, rü ípetüe rü tama daa nixĩ ya yima ĩane ya naxca̱x pedauxü̃ne. Rü ẽcü ¡nua chowe perüxĩ!” Rü ngẽmatchiga, William James, i norü popera Principles of Psychology (Princípios de Psicologia, 1981, Vol. 1, p. 59) rü nhanagürü: “Tama nüü̃ nadau i naãẽwa, nangupetüü̃ ngẽguma wüi duü̃ü̃ nüü̃ nadaugu, . . . notürü tama nüü̃ nacuaꞌ i taꞌacü nüü̃ nadauü̃.” Bemana ngẽma rü nangupetüü̃ yeguma Yeuwa nayangeetüẽẽgu ga yema tchuraragü ga Chíriaanecü̃ãꞌ. — 2 Reis 6:18-20

Nguꞌẽẽtaegü uirurüü̃ iĩü̃

w05 01/08 9wa 2tchimaü̃

Erichéu tama nanayau i Naamáü̃arü ãmare erü nüma rü nüü̃ nacuaꞌ ga Yeuwaarü poramaã nanameẽẽ ga yema daꞌawe. Rü yemagagu Erichéucaꞌ tama name nanayau ga yema ãmare. Ngẽgumarüü̃, Yeuwaarü duü̃ü̃gü tama nanayaugütchaü̃ i ngẽmaü̃gü rü dĩẽru nagagu i norü puracü i Yeuwacaꞌ. Nümagü aicuma naga naĩnüẽ i Ngetchutchuarü ucuꞌẽ i nhaü̃: “Rü tama name i penaxãtanü ega texéxü̃ perümexẽẽxgu, erü pema rü pexü̃́ nangetanümare i ngẽma pora.” — Mat 10:8

14-20 NOWẼBRUARÜ

TUPANAARÜ ORE I MEÜ̃GÜ UIRURÜÜ̃ IĨÜ̃ | 2 REIS 7-8

“Yeuwa nanangupetüẽẽ i taꞌacü duü̃ü̃gücaꞌ taucürüwa iĩü̃”

it-1 798wa 1tchimaü̃

Béü̃-adá rü nananutaqueꞌe ga norü tchuraragü rü Chamarícaꞌ ínayaüãtchi, rü guma ĩaneü̃ ínatchomaeguãtchi na yemaãcü namaã nügü nadaiü̃caꞌ. Rü yemagagu poraãcü taiya nanguꞌ ga Chamaríawa. Rü yemacaꞌ ãẽꞌgacü ga Yoráü̃ nüü̃ niu ga Eríaü̃ nayamaꞌtchaü̃. Notürü tama naü ga yema. Rü yeguma Eríapataü̃wa nangugu, Yoráü̃ nüü̃ niu na tama nagu nayaõ ga Yeuwaarü ngü̃ẽẽ. Rü Erichéu nüü̃ niu na moü̃arü nguneü̃gu nangẽma muü̃tchiü̃ i õna na natchibüeü̃caꞌ. Notürü, ãẽꞌgacüarü ngü̃ẽẽruü̃ Erichéugu nidaucüraü̃, rü yemacaꞌ Erichéu nhanagürü nüü̃: “Cuma rü tá cuxetümaxãxüchi nüxü̃ cudau natürü taxũtáma cunangõ̱x i ngẽma nüxü̃ cudauxü̃.” Rü Yeuwa Chíriaarü tchuraragüü̃ nüü̃ naĩnüẽẽ ga naga ga carugü ga dairuü̃gü, rü yemagagu Chíriaanecü̃ãꞌ namuü̃ẽ rü paãma norü ĩanecaꞌ nawoegu rü nüü̃ ínawogü ga guü̃ma ga norü ngẽmaü̃gü rü õnagü. Yeguma ãẽꞌgacü ga Yoráü̃ nüü̃ nacuaꞌgu ga yematchiga, rü nüma ga ãẽꞌgacü rü guma ĩanearü ĩãꞌwa nanamu ga norü ngü̃ẽẽruü̃ na nüna nadauü̃caꞌ. Notürü nüma ga duü̃ü̃gü rü yema nanapuꞌcutchigü rü yema nayu. — 2 Reis 6:24–7:20

Nguꞌẽẽtaegü uirurüü̃ iĩü̃

it-2 188wa 7tchimaü̃

Yeuwa Dawíü̃ nauneta na Iraéutanüü̃güarü ãẽꞌgacü niĩü̃caꞌ. Rü Dawí meü̃ i ãẽꞌgacü niĩ rü meã Iraéutanüü̃gümaã ínacuá i Tupanaarü ngü̃ẽẽmaã. (2 Sam 21:17) Rü yeguma Yeuwa namaã iunetagu, rü nhanagürü: “Rü ñu̱xma nax ãẽ̱xgacü quixĩxü̃ i cuma rü ngẽxgumarüü̃ ta rü tagutáma nataxu nax wüxi i cutaxa cuchicawa rütoxü̃ nax ãẽ̱xgacü yixĩxü̃.” (2 Sam 7:11-16) Rü ngẽmagagu, guü̃ma i Iraéutanüü̃güarü ãẽꞌgacü Dawítaagü niĩgü. — 1 Reis 11:36, 15:4, 2 Reis 8:19 rü 2 Crô 21:7

21-27 NOWẼBRUARÜ

TUPANAARÜ ORE I MEÜ̃GÜ UIRURÜÜ̃ IĨÜ̃ | 2 REIS 9-10

“Nüma rü tama namuü̃, tama nüü̃ narütchau rü tchieü̃tchi naai”

w11 15/11 3wa 2tchimaü̃

Yeuwa Yeúna nanaã ga wüi puracü yeguma Iraéutanüü̃güarü õ naturagu. Yechabé ga Yoráü̃arü mama guü̃ma i iraéutanüü̃güü̃ natchiewe na Baáü̃ nicuaꞌüü̃güü̃caꞌ. Rü ta, ngĩma rü nüü̃ tayamaꞌ i guü̃ma i Tupanaarü Orearü Uruü̃gü. (2 Reis 9:22, 1 Reis 18:4, 13) Rü Yeuwa nüü̃ niu ga guü̃ma ga Acátanüü̃gü rü nayuetchi. Rü yemacaꞌ Yeuwa nanamu ga Yeú nanaücaꞌ ga yema.

w11 15/11 4wa 2-3tchimaü̃gü

Yeguma Yeú tama nüü̃ niugu ga tare ga tchuraragümaã, nüma rü nügü nangaugü ga ãẽꞌgacü ga Yoráü̃ rü Acachía. Rü Yoráü̃ rü nhanagürü nüü̃: “Pa Yeúx, tama i nuwa nua cuxũxü̃?” Rü nüma ga Yeú rü nanangãü̃ rü nhanagürü: “Ta̱xacü rü ngechaxü̃ i naxca̱x ícuca̱xaxü̃ ega ngẽma cué i Yechabé rü nagu ínamaxü̱̃xgu i ngẽma nax naxchicünãxa̱xgüxü̃ yacua̱xüüxü̃xü̃ rü naguxü̃raxü̃xü̃ i to i chixexü̃ nax naxüxü̃?” Yoráü̃ namuü̃ rü yegumatama nüma rü nadauegu rü ninha. Notürü nüma ga Yeú rü norü würa nayau rü Yoráü̃ü̃ namaü̃. Rü Yoráü̃caꞌwena ningai ga nane rü norü maü̃newa nayarügo. Rü yema naweü̃gu nayu ga Yoráü̃. Woo Ocachía Yeútchawa ninha, Yeú rü nawe nangẽ rü norü tchuraragüü̃ namu na yamaꞌgüãü̃caꞌ. — 2 Reis 9:22-24, 27

To i Acátanüü̃ ga nayutchi Yechabé yiĩ erü ngĩma rü ngeü̃ i tchieütchiü̃ yiĩ. Yeguma Yeú rü ĩane ga Yeráwa naũgu, nüma rü weü̃tanagu ga ãẽꞌgacüpata nadawenü ga Yechabé. Rü paãma Yeú tchuraragüerugüü̃ namu na ngĩü̃ narütae. Rü yemawena, ngĩwa nangagü ga cowarugü. Rü nhuꞌmatchi, Yeú nanamu ga nanadai ga guü̃ma ga Acátanüü̃gü. — 2 Reis 9:30-34, 10:1-14

w11 15/11 5wa 3-4tchimaü̃gü

Aicuma niĩ ga Yeú muü̃tchi i duü̃ü̃güü̃ nayamaꞌ. Notürü, Tupanaarü Ore nüü̃ niu na nüma rü tama namuü̃ rü Iraéutanüü̃güü̃ ínanguutchiẽẽ ga guü̃ma i tchieü̃gü ga Yechabé rü tatanüü̃gü naügüü̃. Yema Iraéutanüü̃güarü ãẽꞌgacü meãma naü ga taꞌacü Yeuwa namaã nüü̃ iuü̃ erü nüma rü tama namuü̃ rü tama nüü̃ narütchaü̃ rü ta tchieü̃tchi naaiü̃. Wüi popera i Tupanaarü Oretchiga rü nhanagürü: “Yema puracü rü nagutchaü̃tchi niĩ, notürü meãma naüü̃ ga yema puracü. Tchi tama meã naügu ga yema, bemana tama nüü̃ narüoe ga Baáarü cuaꞌüü̃.”

Cuma rü nüü̃ nacuaꞌ na nümaü̃ i gutchaü̃güwa nanawaꞌe na yiemagü nanaweꞌ i nacümagü i Yeúrüü̃. Cuaꞌãtchiruü̃, taꞌacü tá iugüü̃ ngẽguma tüna naügu na tchieü̃ taügüü̃caꞌ i Yeuwapeꞌewa? Ngẽguma ngẽma rü nangupetügu, inawaꞌegü tama imuü̃ẽ rü tchieü̃na tiĩgatchi. Rü yiemagü tama imuü̃ẽãcüma Yeuwaégaü̃ ítapoü̃.

Nguꞌẽẽtaegü uirurüü̃ iĩü̃

w11 15/11 5wa 7tchimaü̃

Yeuwa nüü̃ niu ga Yeú ‘naétüpeꞌewa meü̃ naü’. Notürü “nüma ga Yeú rü tama aixcüma Cori ya Iraétanüxü̃güarü Tupanaarü mugü ninguxẽxẽ”. (2 Reis 10:30, 31) Ngẽma rü tüü̃ nanguꞌẽẽ na inawaꞌegü guü̃ i nguneü̃gu yeera Yeuwamaã iãmücügüü̃. Rü guü̃ i nguneü̃gu norü Orewa iugütae rü nagu rüĩnüẽ i taꞌacü nawa icuaꞌgüü̃. Rü ta, nacaꞌ iyumüẽgü i guü̃ma i torü maü̃nemaã. Rü ngẽmaãcü, ngiã meã yigüna idaugü na guü̃guma Yeuwaga iĩnüẽü̃caꞌ i guü̃ma i torü maü̃nemaã. — 1 Cor 10:12

28 NOWẼBRUARÜ – 4 DEZẼBRUARÜ

TUPANAARÜ ORE I MEÜ̃GÜ UIRURÜÜ̃ IĨÜ̃ | 2 REIS 11-12

“Wüie tchieü̃ ga nge ga ngútchaü̃ãü̃ rü pocu tümacaꞌ íngu”

it-1 247wa 10tchimaü̃

Yechabérüü̃ Ataría nüü̃́ nanangútchaü̃ẽẽ ga Yoráü̃ ga tümate na tchieü̃ naüü̃caꞌ ga Yeuwapeꞌewa yeguma ãẽꞌgacü niĩgu ga 8 ga taunecüguyane. (1 Reis 21:25, 2 Crô 21:4-6) Ngĩerüü̃, Ataría rü tayuẽẽ i duü̃ü̃gü i meü̃. Yeguma Ocachía ga ngĩne nayugu, tüma rü duü̃ü̃güü̃ tamu na nüü̃ nimaꞌü̃caꞌ ga guü̃ma ga Ocachíaacügü, notürü Yoá ga Ocachía nane tama nayu erü Yochába Ataríatchaꞌwa iyacuꞌ ga nüma. Rü yemawena, Ataría tügü iyamucutchi na ãẽꞌgacü yiĩü̃caꞌ ga 6 taunecüguyane, bemana 905-899 naü̃pa ya Cristu. (2 Crô 22:11, 12) Rü tümaacügü nanayaugü ga Tupanapataarü ngẽmaü̃gü rü Baána nanaãgü ga yema. — 2 Crô 24:7

it-1 247wa 11tchimaü̃

Yeguma Yoá 7 taunecü nüü̃́ yemagu, Yoiáda ga tchaterdótegüarü ãẽꞌgacü nayamucutchi ga Yoá na ãẽꞌgacü yiĩü̃caꞌ. Rü yeguma Ataría nüü̃ ĩnügu ga taꞌacü ngupetüü̃, rü Tupanapatawa iũ rü tüma rü nhatarügü: “Taechitawa̱egüxü̃. Taechitawa̱xegüxü̃”. Rü yemagagu, tchatcherdóte ga Yoiáda tchuraragüéruü̃ namu na tüü̃ nimaꞌü̃caꞌ ga Ataría ga Acátanüü̃gü. (2 Reis 11:1-20, 2 Crô 22:1–23:21) Yema ngupetüü̃ nanaweꞌ na nhuãcü aicuma yiĩ i ngẽma Tupanaarü Ore i nhaü̃: “Rü aixcüma guxü̃ma ga yema Cori ya Tupana Acáxtanüxü̃gümaxã ueguxü̃ ga poxcu rü ningu.” — 2 Reis 10:10, 11, 1 Reis 21:20-24

Nguꞌẽẽtaegü uirurüü̃ iĩü̃

it-2 31wa 6tchimaü̃

Rü yeguma Yoiáda tchatcherdótegüarü ãẽꞌgacü niĩgu, nüma rü Yoáarü ucuꞌẽruü̃ niĩ rü meã duü̃ü̃gümaã ínacuá. Rü guma ga Yoá nüü̃́ nayema ga tare ga namaꞌ rü yemagagu nüma rü nüü̃́ nayema ga naacügü rü nanegü. Rü yema ngupetüü̃ nüü̃ ínapoü̃ ga Dawítaagü erü wigütaꞌa yagúü̃, rü yema nataagüwa ne naũ ga Cristu. — 2 Reis 12:1-3, 2 Crô 24:1-3, 25:1

5-11 DEZẼBRUARÜ

TUPANAARÜ ORE I MEÜ̃GÜ UIRURÜÜ̃ IĨÜ̃ | 2 REIS 13-15

“Teé tümaarü maü̃nemaã rü tügü taporaeẽẽü̃ rü tanayau i muü̃tchi i meü̃gü”

w10 15/04 26-27wa 11tchimaü̃

¹¹ Wüi cuaꞌruü̃ niĩ na nhuãcü inawaꞌegü meã puracü iügüü̃ i Yeuwacaꞌ i taꞌacü ãẽꞌgacü ga Yoámaã ngupetüü̃. Nüma rü naoegaãẽ erü Chíriaanecü̃ãꞌ Iraéuanecü̃ãꞌgüü̃ narüpomaẽtchaü̃ rü yemacaꞌ nüma rü naauãcüma Erichéuü̃tawa naũ. Erichéu nhanagürü nüü̃: ‘Nayau ya wüi ya würa namaã ya nhure ya nae! Nüü̃ naü na icumanetaü̃! Daa nanewa rü Tupana cuü̃ nüü̃ nacuaꞌẽẽ rü cuma rü tá nüü̃ curüporamae i ngẽma Chíriaanecüãꞌgü.’ Rü yemawena, Erichéu nüü̃ naucuꞌẽ i nhaü̃: ‘Nhuꞌma, rü yima nanemaã nhatüanewa nacuaꞌica!’ Notürü ãẽꞌgacü rü tamaẽꞌpüꞌcünatama nhatüanewa nanacuaiꞌca rü nhuũtchi ínayatchaãtchi. Rü yemagagu Erichéu poraãcüma ãẽꞌgacümaã nanu, rü nhanagürü nüü̃: ‘Rü ngẽguma tchi 5 rü eꞌna 6 eꞌpüꞌcüna tchi ícunacuaꞌicagu rü wüicana tchi icuyanaoẽẽ i ngẽma Chíriaanecüãꞌgü notürü i nhuꞌma rü tamaeꞌpüꞌcüna tátama nüü̃ curüporamae.’ Nüma rü tama meã puracü ücü niĩ. (2 Reis 13:14-19) Taꞌacü nawa icuaꞌgüü̃? Yeuwa ãũrima taétü nawémeꞌ ngẽguma guü̃ma i torü maü̃nemaã nacaꞌ tapuracüegu.

w13 01/11 11wa 5-6tchimaü̃gü

Teé Yeuwa taétü nawémeꞌ? Rü “yíxema naxca̱x daugüxe” nhanagürü ga Pauru. Wüi popera nüü̃ niu na ngẽma ore i gregugawa ‘nacaꞌ daugüe’ nhaü̃tchiga niĩ tama Yeuwaü̃ nacuaꞌmare, notürü ngẽma ore nüü̃ niutchaü̃ ta teé tügü naporaẽẽ na nüü̃ yacuaꞌüü̃ü̃caꞌ. To popera nüü̃ niu na ngẽma ore nanaweꞌ na duü̃ü̃ nawaꞌe poraãcü nügü naporaẽẽ. Aicuma niĩ na Yeuwa naétü nawémeꞌ rü teé aicuma nagu tayaõ rü aicuma nüü̃ ticuaꞌüü̃ i tümaarü poramã. — Mat 22:37

Nhuãcü Yeuwa naétü nawémeꞌ i norü duü̃ü̃gü? Nüma rü namaã iunetaü̃ na wipeꞌewa norü duü̃ü̃gü aicuma taãẽãcü namaü̃ i meẽtchiü̃ i naãnewa, ngẽma rü wüi ngetchaü̃arü weꞌ niĩ. (Apo 21:3, 4) Nhamaãcüü, teé aicuma Yeuwacaꞌ daugüe inayaugü i muü̃tchi i meü̃gü i Yeuwawa ne naũ. Nümagü rü meãma namaẽ erü Yeuwa nüna naã i naãẽ i üüneü̃ rü ta nüü̃́ nangẽma i cuaꞌ i norü Orewa ne naũ. — Sal 144:15, Mat 5:3

Nguꞌẽẽtaegü uirurüü̃ iĩü̃

w05 01/08 11wa 3tchimaü̃

Tama, ngẽma ngupetüü̃ tama nanaweꞌ i ngẽma. Tupanaarü Ore tama nüü̃ niu na nüü̃ yacuaꞌüü̃güü̃ ga Erichéutchinaꞌa. Tupanaarü poramaã nanaügü ga yema meü̃, ngẽgumarüü̃ i guü̃ma i taꞌacü Erichéu naüü̃ ga Tupanaarü poramaã.

12-18 DEZẼBRUARÜ

TUPANAARÜ ORE I MEÜ̃GÜ UIRURÜÜ̃ IĨÜ̃ | 2 REIS 16-17

“Yeuwa meã yana naĩnüwaꞌe”

it-2 908wa 6tchimaü̃

Yeguma Ochéa Iraéutanüü̃güarü ãẽꞌgacü niĩgu (bemana 758-740 naü̃pa ya Cristu), Charimanácha rü norü tchuraragümaã Iraéuanecü̃ãꞌgüarü ãẽꞌgacü ga Ochéacaꞌ inayangootchi rü nüü̃ narüporamaẽ. (2 Reis 17:1-3) Rü yemawena, Ochéa tama nüü̃́ ngĩü̃ naütanü ga yema diẽru ga wüitchigü ga taunecü nüna ngĩü̃ naãgücü. Rü yemacaꞌ nüma ga Charimanácha rü norü tchuraragüü̃ namu na Ochéaü̃ yayaugüü̃caꞌ rü napocugüãü̃caꞌ. Rü ta, Chamaríaarü ĩanecaꞌ ínayaüãtchi rü tamaepüꞌ ga taunecü rü yemawena nanagagü ga Iraéuanecü̃ãꞌgü. — 2 Reis 17:4-6, 18:9-12, rü nüü̃ nadau ta Os 7:11 rü Eze 23:4-10

it-1 450wa 9tchimaü̃

Rü tchieü̃ namaã nangupetüü̃ ga Iraéuanecü̃ãꞌgü rü Yudáanecü̃ãꞌgü erü tama aicuma Yeuwaü̃ nicuaꞌüü̃güü̃ rü togü i tupananetagüü̃ nicuaꞌüü̃güü̃. (Deut 28:15, 62-68, 2 Reis 17:7-18, 21:10-15) Yeuwa mueꞌpücüna nanamu ga norü Orearü uruü̃gü na nüü̃ naucuꞌẽgüü̃caꞌ ga nümagü. Notürü tama naga naĩnüẽtchaü̃. — 2 Reis 17:13

Nguꞌẽẽtaegü uirurüü̃ iĩü̃

it-2 924wa 8tchimaü̃

Tupanaarü Ore nüü̃ niu i ngẽma ore “chamáriaanecü̃ãꞌgü” yeguma Achíriaanecü̃ãꞌgü Iraéutanüü̃güü̃ narüporamaẽgügu nagu ga 740 naü̃pa ya Cristu. Rü nagu nanauéga ga yema Iraéutanüü̃gü, erü yema ngupetüü̃wena Iraéuanewa nayema to i duü̃ü̃gü i to natchiü̃ãnecü̃ãꞌgü. (2 Reis 17:29) Rü nümaü̃ i taunecüguwena, yema “chamáriaanecü̃ãꞌgü” niĩ ga duü̃ü̃gü ga yemágu nabue nawena ga Achíriaanecü̃ãꞌgü Iraéutanüü̃güü̃ narüporamaẽgü rü ta ga duü̃ü̃gü ga Chamáriaanewa ínagaütchigüü̃. Rü nhuꞌmatchi, Ngetchutchuarü nguneü̃gu, “chamáriaanecü̃ãꞌgü” niĩ wüi natücumü i yaõgüü̃neta ga Chamáriaanewa rü Chiquéü̃anewa ne naĩ, rü tama nawüigu ga Yudáanecü̃ãꞌgü. — Juã́ũ 4:9

19-25 DEZẼBRUARÜ

TUPANAARÜ ORE I MEÜ̃GÜ UIRURÜÜ̃ IĨÜ̃ | 2 REIS 18-19

“Nhuãcü torü uwanügü tüü̃ naturaẽẽtchaü̃?”

w05 01/08 11wa 5tchimaü̃

Tama. Achíriaanearü tchuraragüeru doraü̃ niu yeguma tchiri Echequíatchiga nideagu. Rü ta, doraü̃ niu yeguma nüü̃ niugu ga Yeuwa namaã nidea. Notürü, nüma ga Echequía, naguicatama nayaõ ga Yeuwa.

w10 15/07 13wa 3tchimaü̃

Achíriaanearü tchuraragüeru doraü̃ niu na duü̃ü̃güü̃ nawomüẽẽü̃caꞌ. Nüma rü nhanagürü: “Rü tü̱xcüxü̃ ga Echequía rü nagu napogüxü̃ ga yema nachicagü ga nawa Tupanaca̱x nangutaqu̱e̱xegüxü̃ rü yema nachicagü ga nawa Tupanaca̱x yagugüxü̃ ga ãmaregü? . . . Rü, dücax, nüma nixĩ i choxü̃ namuxü̃ nax pexca̱x íchayagoõchixü̃ nax pexü̃ chadaixü̃ca̱x.” (2 Reis 18:22, 25) Rü yemaãcü, nüma rü nüü̃ iu na Yeuwa tama norü duü̃ü̃güü̃ ínapoü̃ erü tama namaã nataãẽ. Yema rü dora niĩ erü Yeuwa Iraéutanüü̃gümaã nataãẽ erü wenaarü aicuma nüü̃ nicuaꞌüü̃güü̃. — 2 Reis 18:3-7

w13 15/11 19wa 14tchimaü̃

¹⁴ Hebraicogawa, Achiríaanecü̃ãꞌgüarü tchuraragüeru yudeugümaã naunetaneta na tama tchieü̃ namaã nangupetüü̃ tchi tama yudeugüarü ãẽꞌgacütanügu naãgu. (Nawa naugütae 2 Reis 18:31, 32.) Rü ta nüü̃ niu na ngẽgumarüü̃ i to tupananetagü Yeuwa tama nüü̃ ínapoü̃ ga nümagü. Yudeugü cuaꞌ nanaweꞌgü erü tama nanangãü̃gü ga yema oregüneta. Nhuꞌma rü ta, Yeuwaarü duü̃ü̃gü narüü̃ naügüü̃. — Nawa naugütae 2 Reis 18:35, 36.

yb75 177wa 2tchimaü̃

Nũcüma ga purítchiagü ga SS arü, guü̃guma nüü̃ nawomüẽẽtchaü̃ ga taenegü na nüü̃ naoü̃caꞌ ga norü õ. Taene Karl Kirscht ngẽmatchiga nhanagürü: “Rü guü̃guma i pocupataü̃wa, nüü̃ nawomüẽẽtchaü̃ rü nüü̃ natchiewe ga Yeuwaarü Orearü Uruü̃gü. Nümagü rü nagu rüĩnüẽ ga Yeuwaarü duü̃ü̃gü nüü̃ nao ga norü õ nagagu ga norü unetagü.

Nguꞌẽẽtaegü uirurüü̃ iĩü̃

it-1 203wa 3tchimaü̃

Tupanaarü Ore nüü̃ niu ga Chenaquerí nanegü ga Adameré rü Chareché nayamaꞌgü ga nüma, rü yemawena ga nane ga Echaradóũ rü Chenaquerítchicüü ãẽꞌgacüü̃ ningucutchi. (2 Reis 19:36, 37) Notürü, Babiróniaanecü̃ãꞌarü popera nüü̃ niu na wüirica ga Chenaquerí nane nüü̃ nayamaꞌ. Rü ta, século norü tamaẽꞌpügu naü̃pa ya Cristu, Beroso ga babiróniaarü tchatcherdóte rü século 6gu naü̃pa ya Cristu, Babiróniaarü ãẽꞌgacü ga Nabonido, rü norü poperagüwa yema Babiróniaarü poperarüü̃ nüü̃ niu ga taꞌacü Chenaqueríamaã nangupetüü̃. Notürü, nhamaãcüü, nüü̃ inayangau i wüi ngẽmaü̃ ga Echaradóũ ga Chenaquerí nane niĩ, rü nawa nüü̃ niu ga naenegümaã nayamaꞌgü ga nanatü. Rü yatü Philip Biberfeld, nawa i popera Universal Jewish History (História Universal Judaica; 1948, Vol. I, p. 27), ngẽmatchiga nhanagürü: “Ngẽma poperagü i Babiróniaarü, rü Nabonido arü rü Beroso arü tama nametchinü niĩ. Notürü taꞌacü Tupanaarü Ore ngẽmatchiga yau rü aicuma niĩ.”

26 DEZẼBRUARÜ – 1 YANERUARÜ

TUPANAARÜ ORE I MEÜ̃GÜ UIRURÜÜ̃ IĨÜ̃ | 2 REIS 20-21

“Wüi yumüẽ rü Yeuwaü̃ nanangútchaü̃ẽẽ na meü̃ naüü̃caꞌ”

ip-1 394wa 23tchimaü̃

²³ Yeguma Chenaquerí Yudáanecü̃ãꞌmaã nügü nadaitchaü̃gu, Echequía poraãcü nidaꞌawe. Rü Ichaía namaã nüü̃ niu ga nüma rü nayutchi. (Isa 38:1) Yema ãẽꞌgacü 39 taunecü nüü̃́ yemagu rü poraãcü narümaãtchi. Nüma rü tama nügücaꞌicatama nagutchaãẽẽ, notürü norü duü̃ü̃gücaꞌ nagutchaãẽẽ ta. Yerucharéü̃anecü̃ãꞌgü rü Yudáanecü̃ãꞌgü ãũcümaü̃wa nayemagü nagagu ga Achiríaanecü̃ãꞌgü. Tchi Echequía nayugu, teé nüü̃ narüngü̃ẽẽgü? Yema nguneü̃gu, Echequía tama nanegü nüü̃́ yema na ãẽꞌgacü niĩgüü̃caꞌ. Rü wüi yumüẽwa, Echequía Yeuwaü̃ nacaaꞌü̃ na nüü̃́ nangetchaü̃tümüü̃caꞌ. — Isa 38:2, 3

w 03/17 21wa 16tchimaü̃

¹⁶ Echequía poraãcü nidaꞌawe rü paãma nayutchi. Nüma rü Yeuwacaꞌ nayumüẽ rü nüü̃ nacaaꞌü̃ na nüna nacuaꞌãtchiü̃caꞌ na nhuãcü nüma rü aicuma naga naĩnü. (Nawa naugütae 2 Reis 20:1-3.) Yeuwa Echequíaü̃ naĩnü rü nacaꞌ nitaane. Tupanaarü Ore nüü̃ iuruü̃, marü nüü̃ icuaꞌgüü̃ na nhamaãcüü Yeuwa tama tacaꞌ nitaane na yeera tamaẽamaü̃caꞌ. Woo i ngẽma, name Yeuwacaꞌ tayumüẽgü i Echequíarüü̃ rü nhaü̃: “Rü guxü̃guma chanaxüxü̃ ga yema cuma namaxã cutaãxẽxü̃.” Eꞌna cuma rü Yeuwagu cuyaõ na nüma rü guü̃guma cuna nadau, woo quidaꞌawegu? — Sal 41:3

g01 22/07 13wa 4tchimaü̃

Tupanaarü Orearü nguneü̃gu, nümaũ yatügü nanayau i Yeuwaarü ngãü̃ ga norü yumüẽ. Cuaꞌãtchiruü̃, yeguma ãẽꞌgacü ga Echequía nüü̃ nacuaꞌgu ga poraãcü nidaꞌawe, nüma rü Tupanaü̃ nacaaꞌü̃ na nacaꞌ nayataaneẽẽü̃caꞌ. Tupana nanangãü̃: “Nüxü̃ chaxĩnü i curü yumüxẽ, rü nüxü̃ chadau i cuxgüxü̃etü nax cuxaxuxü̃! Rü choma rü tá cuxca̱x chayataanexẽxẽ.” (2 Reis 20:1-6) To yatügü rü ngeegü ga Tupanaga ĩnüeü̃ nanayau i meü̃ nagagu i Yeuwaarü ngü̃ẽẽ. — 1 Sam 1:1-20, Dan 10:2-12 rü Pur 4:24-31, 10:1-7

Nguꞌẽẽtaegü uirurüü̃ iĩü̃

it-2 478wa 4tchimaü̃

Tupana nüü̃ napocu ga Chamaría rü Acátanüü̃ erü nümagü ãũrima tchieü̃ naügüü̃ i Tupanapeꞌewa. Rü yemacaꞌ, tchieü̃ nacaꞌ ínangu. Ngẽgumarüü̃ ta nangupetüü̃ i Yerucharéü̃anewa rü norü ãẽꞌgacügü erü ãũrima tchieü̃ naügüü̃ i Tupanapeꞌewa. Rü ngẽmagagu, ngẽma ĩane yagúü̃. Ngẽma rü nangupetüü̃ nagu i 607 naü̃pa ya Cristu. — 2 Reis 21:10-13, 10:11