Naguma káwíin náa Egipto asndu índo̱ naxtáa timbáa rey ndrígóo Israel

Moisés ni̱jkha̱ kagu̱u̱n israelitas nákha nijúguariʼin náa Egipto asndu náa kúbá Sinaí, náa rí Dios nixnúún xtángoo Ndrígóo. Nda̱wa̱á, Moisés nikunguinʼ 12 xa̱bekha mu muñama náa ku̱ba̱ʼ ndrígóo Canaán. Mú 10 bi̱ nitangi̱i̱n náa ikhaa ga̱jma̱a̱ mbá ajngáa dí ra̱májánʼ. Ni̱ni̱ rí xa̱bu̱ maʼndún matangi̱i̱n náa Egipto. Dios nikuʼma castigo náa israelitas índo̱ niʼni rí majnguʼun 40 tsiguʼ náa ku̱ba̱ʼ gíná, numuu rí ndiyóoʼ fe ndrígu̱ún.

Nda̱wa̱á kayuʼ, Josué nixtiyáaʼ mú maʼga̱ jagu̱u̱n israelitas náa ku̱ba̱ʼ ndrígóo Canaán. Mu mambáñún maʼni ndrígúun xuajin, Jeobá niʼni mbaʼa milagro. Niʼni rí matumuu iyaʼ náa mañu Jordán, ga̱jma̱a̱ xúgíʼ xtátsí ndrígóo Jericó majngudiri̱ga̱a̱, ga̱jma̱a̱ A̱jkha̱ʼ maguanúu má náa gíiʼ kañiʼ mbiʼi. Majun tsiguʼ nda̱wa̱á, nikajtakaʼñúnʼ ku̱ba̱ʼ xa̱bu̱ bi̱ kuwa náa Canaán.

Náa Israel nitañejunʼ jueces mbá 356 tsiguʼ, Josué nigíʼdu̱u̱ niʼtáñajunʼ ginii. Najmañulúʼ ga̱jma̱a̱ numún mbaʼin dí ikhiin, xóo Barac, Gedeón, Jefté, Sansón ga̱jma̱a̱ Samuel. Ma̱ngoo nuraxnuu ga̱jma̱a̱ numún gu̱ʼu̱ xóo Rahab, Débora, Jael, Rut, Noemí ga̱jma̱a̱ Dalila. Náa NÍʼKHÓO 3 naʼthulú rí nigíʼniin israelitas mbá 396 tsiguʼ.