Xú káʼnii maraxnaxí i̱yi̱i̱ʼ

Xú káʼnii gatagíʼdi̱i̱ mbá estudio timbá sábado ndrígóo gu̱nʼ diciembre

“Mbaʼin xa̱bu̱ nandún dí e̱jñún majmañún ga̱jma̱a̱ numuu Dios ma̱ngaa dí maʼndún kuyáá. Ndiéjunʼ ku̱ma̱ʼ ikháánʼ rí itháan májánʼ: Rí xa̱bu̱ bi̱ guáʼdiin e̱ji̱n ma̱ndoo musngúún ga̱jma̱a̱ numuu Dios, o e̱ji̱n ma̱ndoo muniʼniiʼ i̱ndó ikhiin dxe̱ʼ.” Atatsíñaʼ rí xa̱bu̱ mariʼña̱a̱. Atasngájma náa námbá ináa ndrígóo La Atalaya rí 1 gu̱nʼ diciembre, ga̱jma̱a̱ atraxnuu ga̱jma̱ʼ rí e̱ʼkha̱ raʼthí náa agoo timbá graxe̱ ga̱jma̱a̱ atraxnuu mbá texto ndrígóo Biblia. Araxnáá revista ga̱jma̱a̱ aratháán rí matangaán mbu̱júu̱ mu ma̱ta̱ya̱a̱ imbo̱o̱ graxe̱.

La Atalaya 1 gu̱nʼ diciembre

“Kúwáanʼxu̱ rutamíjná mbégu̱ʼ gajmiúxu̱ xa̱bu̱ ga̱jma̱a̱ numuu Dios. Mámbáa xa̱bu̱ mixtiʼkhu endxa̱ʼóo edxu̱u̱ ga̱jma̱a̱ numuu ikhaa, mú lá naku̱ma̱ʼ dí xa̱bu̱ nduyáá xóo mbáa bi̱ tsígawiinʼ a̱jkiu̱u̱n kaʼyulúʼ, o xóo mbáa bi̱ nambáxu̱u̱ gajmiúlú bi̱ naxmiéjunʼ kaʼyulúʼ ráʼ. [Atatsíñaʼ rí xa̱bu̱ mariʼña̱a̱.] Náa Biblia naʼthí xú káʼnii eyoo Dios mambaxúlúʼ gajmiúlú. [Atraxnuu Santiago 4:8a.] Revista rígi̱ naʼthí ajtsú enii rí ma̱ndoo muʼni mu mu̱ʼgua̱ kanuu náa Dios.”

¡Despertad! Diciembre

“Kúwáanʼxu̱ ruta ga̱jma̱a̱ numuu mbá nandii rí naxmiéjunʼ mbaʼin xa̱bu̱. Xó má eʼthí Organización Mundial de la Salud, rí maʼni maraxtaa gíná me̱ndaʼkho, na̱jkha̱nú naʼniu mbáwíi dí a̱jkhu̱u̱n xa̱bu̱. Lá naku̱ma̱ʼ rí nandii rí naraxtaa gíná naʼniún itháan xa̱bu̱ rí mbiʼi xúgi̱ ráʼ. [Atatsíñaʼ rí xa̱bu̱ mariʼña̱a̱.] Náa Biblia naʼthí rí nda̱wa̱á ní xárígá nandii ga̱jma̱a̱ gaʼkhu. [Atraxnuu Revelación 21:3, 4.] Revista rígi̱ naʼthí tikhuu rí gíʼmaa mbuʼyáá xúgiáanʼ ga̱jma̱a̱ numuu rí nakúwi̱i̱n gíná me̱ndaʼkho xa̱bu̱.”