Awan mu miʼnigajmaa xmáná 8 ñajunʼ gu̱nʼ diciembre

Cántico 113 ga̱jma̱a̱ muʼtájkáan

Najmañulú ga̱jma̱a̱ numuu Biblia náa Congregación

bm ináa 3 ga̱jma̱a̱ kíxnuu 1 (30 min.)

Najuiʼsngáa xú Mi̱ʼtháraʼa Májánʼ

Migixnuu Biblia: Josué 1-5 (10 min.)

Núm. 1: 1 Corintios 9:1-14 (4 min. o menos)

Núm. 2: Ndiéjunʼ niʼthí Jesús ga̱jma̱a̱ numún cristianos bi̱ nusngáa rí nduwaʼ rá. (fg ináa 20 kutriga̱ 2) (5 min.)

Núm. 3: Ndiéjunʼ rí gaʼga kaguáanʼ makuwáanʼ kámuu mbiʼi rá. (gf kíxnuu 8 kutriga̱ 3) (5 min.)

Najmañulúʼ xú Miʼni kudun Ñajunʼ Dios

Tema rí kaʼyoo gu̱nʼ: Guxnún eʼwíínʼ ‹rí májánʼ wéñuʼ› rí nikhánalú (Mateo 12:35a).

Cántico 94

10 min. “Kuaʼthi̱i̱n mbuʼyáá rí ‹májánʼ wéñuʼ› gu̱nʼ rígi̱”. Discurso. Arathá tema rí kaʼyoo gu̱nʼ (Mat. 12:35a). Nákha wajyúúʼ, mbáa xa̱bu̱ nixnuluʼ mbá rí gíʼdoo wéñuʼ numuu ga̱jma̱a̱ niʼsngúlúʼ rí gajkhun (atayáá La Atalaya rí 1 ñajunʼ gu̱nʼ abril tsiguʼ 2002, ináa 16, kutriga̱ 5 asndu 7). Ikháanʼ mangáanʼ gíʼmaa muxnún eʼwíínʼ dí nijmañulúʼ rí nindxu̱u̱ ‹májánʼ wéñuʼ› (Gál. 6:6). Atani rí maʼndún mbuyáá xóó itháan bi̱ kuwa ikhí xúgíʼ rí ‹májánʼ wéñuʼ› dí rígá mbuʼyáá gu̱nʼ rígi̱ náa Najmañulúʼ xú Miʼni kudun Ñajunʼ Dios. Mixtambáyulúʼ muʼsngáa itháan májánʼ ga̱jma̱a̱ asndu muʼni ajmúú cántico nuxi̱ʼ.

20 min. “Gajmañaaʼ marataráʼa májánʼ: Atasngájma xú káʼnii miʼnigajmaa Biblia índo̱ najmaa libro Enseña.” Arathá ikháánʼ ga̱jma̱a̱ guthi mbá chíʼgíʼ bi̱ kuwa awúu̱n. Atanda̱ʼa̱a̱ mbáa publicador bi̱ najmañuu májánʼ o mbá precursor mu masngájma xú káʼnii gíʼnigajmaa Biblia índo̱ najmaa libro Enseña.

Cántico 96 ga̱jma̱a̱ muʼtájkáan