Ajmúú ndrígóo Reino naxnúlú tsiakii

Pablo ga̱jma̱a̱ Silas nini ajmúú náa Jeobá índo̱ ikhiin kuwa náa guʼwá e̱jua̱nʼ (Hch 16:25). Xúgínʼ, a̱ngiu̱lú nini ajmúú ndrígóo Reino náa campo de concentración ndrígóo Sachsenhausen náa Alemania nazi ga̱jma̱a̱ índo̱ nigún kudiin xa̱bu̱ náa Siberia. Xkri̱da rígi̱ nasngájma rí ajmúú naxnún tsiakii cristianos mu muraʼníí tsáʼkhá.

Xájyúuʼ má marigá náa mbaʼa ajngáa mbá nuxi̱ʼ libro náa kagu̱ ajmúú, rí nagumbiʼyuu Guʼni ajmúú ga̱jma̱a̱ gagi náa Jeobá. Índo̱ gaguaʼdáá i̱yi̱i̱ʼ ndrígúlú, ma̱ndoo muʼni ajmúú índo̱ guʼnigajmaa mbá guʼwáanʼ mu magida̱ʼ edxu̱lúʼ rí naʼthí (Ef 5:19). Xúʼko̱, índo̱ gaguaʼdáá xkujndu, xi̱ʼ kaʼwu maʼni marmáʼáan a̱jkiu̱lú xú káʼnii ejkha̱ letra ndrígóo. Ajmúú ndrígóo Reino nambáyulúʼ mundxaʼwamíjna̱ náa rí kuaʼti̱i̱n. Naxnúlú tsiakii índo̱ nuraʼníí xkujndu. Ga̱jma̱a̱ índo̱ kuwáanʼ májánʼ, rí naʼthí ikhí maʼni rí “muʼni ajmúú ga̱jma̱a̱ gagi” numuu rí kuwáanʼ tsímáá (1Cr 15:16; Sl 33:1-3). Ikha jngó guʼni xúgíʼ xó má eʼngo̱o̱ mu muʼni ajmúú ndrígóo Reino.

ATAYÁÁ VIDEO MBÁ AJMÚÚ RÍ NIXNÚÚN TSIAKII. GA̱JMA̱A̱ NDA̱WA̱Á ATRIʼÑA̱A̱ GRAXE̱ RÍGI̱:

• Ndiéjunʼ lá nixkaxi̱i̱ ndxájulú Frost mu maʼnirámáʼ mbá ajmúú rá.

• Xú káʼnii nixnúún tsiakii a̱ngiu̱lú bi̱ nikuwa náa campo de concentración náa Sachsenhausen rá.

• Xú káʼnii xkujndu rí gátraʼníí ikháánʼ dí ma̱ndoo maxnáʼ tsiakii ajmúú ndrígóo Reino rá.

• Xú káʼnii ajmúú ndrígóo Reino rí manigua̱ʼ magida̱ʼ náa edxa̱ʼ rá.