Ndiéjunʼ ejmañulúʼ ga̱jma̱a̱ numuu ajmúú rá.

Náa biʼyaa ajmúú rí na̱ʼkha̱ náa JW Broadcasting® rí itháan enigua̱ʼ rá. Náa numuu rá. Lá naku̱ma̱a̱ rí video musical nasngájma rí gajkhun xúʼko̱ rígá ráʼ. Mambá mixtiʼkhu ajmúú dí rígá ga̱jma̱a̱ xóo ewán, mú rígá ajmúú rí itháan nanigulúʼ. Mú ajmúú ga̱jma̱a̱ video musical nindxu̱u̱ itháan ki xóo rí nanigulúʼ muʼni gagimijná ga̱jma̱a̱.

Xúgíʼ ajmúú gíʼdoo rí naʼsngúlúʼ xó makuwáanʼ ga̱jma̱a̱ náa nuʼtáraʼa. Tikhu ajmúú naʼthí ga̱jma̱a̱ numuu rí mundrígúun eʼwíínʼ, rí makuwáanʼ mbá jnduʼ, rí mambáxulu, rí naxnulu tsiakii, ngajua ga̱jma̱a̱ fe. I̱ʼwáʼ naʼthí rí matangáanʼ náa Jeobá, rí mu̱ʼni̱ mba̱a̱ a̱jkiu̱lú kuʼñúún eʼwíínʼ, rí muguajún jmbu xúgíʼ mbiʼi ga̱jma̱a̱ rí mbuʼyáʼ i̱ʼwáʼ xóo muʼni ñajuunʼ Dios. Asndu rígá ajmúú rí nambáyulúʼ mbuʼyáá xóo majmuluʼ celular. Ndiéjunʼ rí nijmañaʼ índo̱ nitadxawíín ajmúú ráʼ.

NDA̱WA̱Á RÍ NITAYÁÁ VIDEO MUSICAL GÍʼ MIJNGÍÍ NÁA XKRUGULÚ, ATRIʼÑA̱A̱ GRAXE̱ RÍGI̱:

• Ndiéjunʼ rí marigá nda̱wa̱á kuwa rundxa̱ʼwa̱míjna̱ xa̱bu̱ gajmii rá. (Gé 12:3).

• Ndiéjunʼ gándoo guʼni mú makumulúʼ kuʼyáá Jeobá rí gajkhun manimbánuu rí naʼthí maʼni rá.

• Tsíin nindxúu̱n bi̱ matangi̱i̱n mbuʼñún mbu̱júu̱ʼ rá.

• Xú kaʼnii embáyuluʼ rí naʼthí maʼni Reino mú maʼngulú náa xkujndu rí numíniiʼ xúgi̱ rá. (Ro 8:25).