Campaña dí marigá gu̱nʼ septiembre mu mugíʼdi̱i̱ musngáa ga̱jma̱a̱ numuu Biblia

Gu̱nʼ septiembre muʼni asndu xó má eʼngo̱o̱ mu muʼsngúún xa̱bu̱ ga̱jma̱a̱ numuu Biblia ga̱jma̱a̱ majmulú folleto Araxtaa gagi kámuu. Gu̱nʼ rúʼko̱ ma̱ndoo ma̱nindxa̱a̱ʼ precursor auxiliar ga̱jma̱a̱ maraxnaxíi 30 hora. Xóo gaguma campaña rígi̱ rá.

• Náa timbá miʼtsú naratámíjná ga̱jma̱a̱ʼ. Gajmaaʼ rí na̱ʼkha̱ kidxuuʼ folleto mu mataxkajxi̱i̱ a̱jkiu̱u̱n xa̱bu̱ o ataniminaʼ matasngajmáá xú kaʼnii nindxu̱u̱ rí nuʼsngáa ga̱jma̱a̱ numuu Biblia. Atanga̱án gáta̱ñu̱u̱ xa̱bu̱ bi̱ nisngajma rí ninigu̱u̱nʼ mudxawíín, xóo revisitas. Asndu xa̱bu̱ bi̱ na̱nguá nindoo maʼniga̱jma̱a̱ nákha ginii, mbáa rí xúgi̱ manigu̱u̱ʼ maʼniga̱jma̱a̱ folleto rígi̱. Folleto xándoo maguanúu náa mbá guʼwá rí nda̱wa̱a̱ nimbáa ni má náa carta á mu xa̱bu̱ tasngájma rí ninigu̱u̱nʼ. Comité bi̱ ndaʼyoo xóo miʼtáraʼa náa Congregación ma̱ndoo maríya̱ʼ awan mu miʼtáraʼa itháan náa gu̱nʼ rígi̱.

• I̱mba̱ rí xóo ma̱ndoo matani̱. Á mu congregación naʼtáraʼa ga̱jma̱a̱ carritos, ma̱ndoo murajthi ikhí folleto Araxtaa gagi kámuu. Á mu mbáa xa̱bu̱ nanigu̱u̱ʼ folleto, aratháán rí ma̱ndoo musngáá ga̱jma̱a̱ numuu Biblia rí asndu xáxtumaa. Ma̱ndoo maratha̱a̱n mbá chíʼgíiʼ xú kaʼnii nindxu̱u̱ rí nuʼsngáa numuu Biblia o rí mi̱dxu̱ʼ gáta̱ya̱a̱ i̱mba̱ miʼtsu mu maratha̱a̱n ga̱jma̱a̱ numuu rígi̱. Comité bi̱ ndaʼyoo xóo miʼtáraʼa ma̱ndoo maʼthúún tikhun publicadores bi̱ tséʼniún mingíjyúuʼ mutaraʼa mu magún náa naxtangu̱jua̱ muthún xa̱bu̱ á mu nandún muni gájmaa Biblia. Xúʼko̱ mangáán, xámbumaaʼ dí marathu̱u̱n bi̱ natiejunʼ gajmiáanʼ o eʼwíinʼ xa̱bu̱ rí marasngúún gájmaa numuu Biblia.

Jesús niʼthúluʼ rí muʼtárúʼúún xa̱bu̱ ga̱jma̱a̱ muʼsngúún (Mt 28:19, 20). Nandulú dí campaña kiejuunʼ rígi̱ náa muxnaxí folleto Araxtaa gagi kámuu mambáyulú muʼnimbaníí rí nijuiʼtáñajulú.