Referencia ndrígóo I̱yi̱i̱ʼ dí najmulú náa reunión xóo kúwi̱i̱n ga̱jma̱a̱ xóo Etaraʼa Cristianos
© 2024 Watch Tower Bible and Tract Society of Pennsylvania
4-10 NOVIEMBRE
GÍʼDOO NUMUU RÍ NA̱ʼKHA̱ NÁA BIBLIA SALMO 105
“Ikhaa narmáʼáan a̱jkiu̱u̱n má xúʼko̱ dí nimbánuminaʼ”
Xú káʼnii guʼni gújkhúʼ fe ndrígúlú dí marigá mbá numbaaʼ nuxi̱ʼ rá.
11 Gundxa̱ʼwa̱míjna̱ ga̱jma̱a̱ numuu tikhu rí nikudaminaʼ maʼni Jeobá gajmíi̱n xa̱bi̱i̱ nákha wajyúuʼ asndu xóo rakáʼnii mambanúu káʼnii. Jeobá niʼthúu̱n Abrahán ga̱jma̱a̱ Sara rí muguaʼdaa mbáa ada̱ maski má guanii (Gén. 17:15-17). Ma̱ngaa niʼthúu̱n Abrahán dí bi̱ gaguwaʼ náa ikhaa maxnún ku̱ba̱ʼ ndrígóo Canaán. Mba̱yu̱u̱ʼ ma tsiguʼ bi̱ niguwááʼ náa Abrahán, xó muʼthá bi̱ israelitas, ninindxu̱ún ñumbáá náa Egipto, mbáa ikhiin nikumu̱ún rí xáʼga̱nú mambanúu xúgíʼ rígi̱. Mú nimbánuu mbayuuʼ tsiguʼ nda̱wa̱á, Jeobá niʼthúu̱n Elisabet, bi̱ nikhi̱i̱ má rí magiʼdaa mbáa ada̱. Ikhaa ma̱ngaa niʼthúu̱n María, bi̱ xóó tséboʼ ga̱jma̱a̱ xa̱bu̱ rí magiʼdaa A̱ʼdióo. Xúʼko̱ gambánuu rí nikudaminaʼ Jeobá mbayuuʼ tsiguuʼ ginii náa ixi̱ ri̱ʼi̱ Edén (Gén. 3:15).
12 Índo̱ nundxa̱ʼwa̱míjna̱ náa xúgíʼ rí nakudaminaʼ maʼni ga̱jma̱a̱ rí xú káʼnii niʼnimbánuu, na̱jkua̱nú nduʼyáá tsiakii ndrígóo. Rígi̱ naʼni gújkhúʼ fe ndrígúlú dí ikhaa gajkhun maʼni mbá numbaaʼ nuxi̱ʼ (atraxnuu Josué 23:14; Isaías 55:10, 11). Ga̱jma̱a̱ numuu rígi̱ makuwáánʼlú xawii mumbáñuun eʼwíinʼ makru̱ʼu̱u̱n rí numbaaʼ nuxi̱ʼ na̱nguá nindxu̱u̱ mbóo xnuʼndaa o mbá dí ragájkhun. Jeobá niʼthí rígi̱ ga̱jma̱a̱ numuu mbá nuxi̱ʼ mekhu ga̱jma̱a̱ mbá nuxi̱ʼ ku̱ba̱ʼ: “Ajngáa rígi̱ [...] nindxu̱u̱ gajkhun ga̱jma̱a̱ jmbu” (Apoc. 21:1, 5).
it-2 581 kutriga̱ 2
Ajngáa
Xúgíʼ dí nigumawíi, xó má bi̱ nduya ga̱jma̱a̱ bi̱ na̱nguá, ma̱ndoo munimbu̱ún ajngóo Dios, ikha jngóo ikhaa ma̱ndoo majmiuu ikhiin mu xúʼko̱ maʼnimbánuu rí nandoo (Sl 103:20; 148:8.) Ajngóo Dios kaʼnii matatsi̱mba̱a̱ʼ, ikha jngóo índo̱ ikhaa nakudaminaʼ maʼni mbá, na̱jkha̱nú naʼnimbánuu (Dt 9:5; Sl 105:42-45.) Mínaaʼ má ikhaa naʼthí, “ajngóo mbajyúuʼ asndu kámuu mbiʼi”, mambanúu tsiaki̱i̱ rí naʼthí maʼnimbánuu (Isa 40:8; 55:10, 11; 1Pe 1:25.)
Guʼyáʼ rí gíʼdoo numuu
Lá nduʼyáá rí ndayóoʼ muʼni itháan ñajunʼ Jeobá ráʼ.
13 Gumbáyumi̱jna̱ náa Jeobá. Á mu mbáa naʼniulú mbá dí ra̱májánʼ, ndiéjunʼ gándoo gúʼni rá. Ma̱ndoo muʼthán xú káʼnii eʼni a̱jkiu̱lú. Mú á mu nusngájma rí nuʼthá ikháanʼ nindxu̱u̱ itháan májánʼ, ma̱ndoo muʼni rí marigá itháan xkujndu. Gundxaʼwamíjna̱ náa xkri̱da májánʼ ndrígóo José. A̱ngui̱i̱n nini̱i̱ dí ra̱májánʼ kayuʼ, ga̱jma̱a̱ nda̱wa̱á niguma tsu̱di̱i̱ mbá rí táʼni ga̱jma̱a̱ ni̱jkhá guʼwá e̱jua̱nʼ. Mú ikhaa nimbáyuminaʼ náa Jeobá. Nindxa̱ʼwáminaʼ ga̱jma̱a̱ numuu rí nikudaminaʼ Dios ma̱ngaa niwi̱ji̱ jmbu (Sal. 105:19). Índo̱ nimínuuʼ, ikhú ninindxu̱u̱ itháan májánʼ xa̱bu̱ rí nda̱wa̱á nimbáyúu índo̱ nigruigú mbá ñajunʼ rí itháan gíʼdoo numuu (Gén. 41:37-44; 45:4-8). Á mu mbáa xa̱bu̱ naʼniulú mbá dí ra̱májánʼ, gunda̱ʼa̱a̱ ku̱ma̱ Jeobá. Ikhaa mambáyulúʼ mu xákiʼnáanʼlú ga̱jma̱a̱ manindxu̱lúʼ májánʼ xa̱bu̱ índo̱ gutamijná gajmiúlú (atraxnuu 1 Pedro 5:10).
11-17 NOVIEMBRE
GÍʼDOO NUMUU RÍ NA̱ʼKHA̱ NÁA BIBLIA SALMO 106
“Nimbumún kuyáá Dios, bi̱ niʼni káwíin”
“Tsáa xtáa náa níjniúu Jeobá rá.”
13 Israelitas nimiñun índo̱ ndiyáá du̱u̱n skuniʼ, rí nixpíbiʼ ga̱jma̱a̱ i̱ʼwáʼ tsiakii ndrígóo Dios rí nikujmaa mbiʼi rúʼko̱. Ikha jngó ninda̱ʼa̱a̱ rí Moisés maʼga̱ gaʼtamíjná ga̱jma̱a̱ Jeobá (Éx. 20:18-21). Ikha jngó ikhaa nitsimuu náa kúbá Sinaí, ga̱jma̱a̱ ikhí nigajyúuʼ mba̱yu̱ʼ mbiʼi. Numuu rí bi̱ kayá edxu̱u̱ bi̱ nakumu̱ún kuyáá nda̱wa̱a̱ náa ikhiin, lá kuwa ndajkuíin náa ku̱ba̱ʼ mixooʼ xáʼ. Nakujmaa rí guáʼdáá fe índo̱ rí Moisés xtáa ga̱jma̱á ni̱ndxu̱ún. Ikha jngó táʼngu̱u̱n guguaʼthi̱i̱n ga̱jma̱a̱ nitháán Aarón: “Atani̱i̱ mbáa dios bi̱ maʼga̱ náa inuxu, numuu rí Moisés, xa̱biya̱ bi̱ niʼni magajnáaʼxu náa ku̱ba̱ʼ ndrígóo Egipto, na̱nguá eya̱a̱xu rí nigíʼnuu” (Éx. 32:1, 2).
Guʼyáʼ rí gíʼdoo numuu
Náa eyexilú rá.
14 Ndiéjunʼ niʼni rí Moisés makuximínáʼ rá. Mbuʼyáá mbu̱júu̱ rí naʼthí náa Salmo 106:32, 33: “Ma̱ngaa, nigiʼdu̱u̱n náa iyaʼ ndrígóo Meribá, ikha jngó Moisés táʼni rí májánʼ ga̱jma̱a̱ numún ikhiin. Numuu rí nini makiʼnáa ga̱jma̱a̱ ikhaa tandxaʼwáminaʼ rí maʼthí”. Maski ajndu israelitas nini makiʼnáa Jeobá, Moisés bi̱ nikiʼnáa itháan. Rí táʼngo̱o̱ gaxpríguminaʼ niʼni rí maʼthí rí asndu xaʼndxaʼwáminaʼ ga̱jma̱a̱ numuu rí gárígá nda̱wa̱á.
15 Moisés niniñaminaʼ maʼni jnga̱a̱ rí nuni eʼwíínʼ, ga̱jma̱a̱ niniñuʼ raʼyoo Jeobá. Timbá miʼtsú rí israelitas nixieʼkhá ga̱jma̱a̱ numuu rí nda̱a̱ iyaʼ, Moisés niʼni rí májánʼ (Éx. 7:6). Mú, rí xúgi̱ néʼngo̱o̱ ga̱jma̱a̱ nakiʼnáa numuu rí mba̱yu̱ʼ tsiguʼ rí xa̱bu̱ xuajen nixuximi̱jna̱. Mbáa nindxa̱ʼwáminaʼ itháan ga̱jma̱a̱ numuu xóo nikumu̱u̱ ikhaa ki xóo rí mbaʼyámajkuu Jeobá.
18-24 NOVIEMBRE
GÍʼDOO NUMUU RÍ NA̱ʼKHA̱ NÁA BIBLIA SALMOS 107, 108
“Guxna̱a̱ núma̱aʼ Jeobá numuu dí ikhaa nindxu̱u̱ májáanʼ”
w07 15/4 20 kutriga̱ 2
Guʼni mba̱a̱ Jeobá náa congregación
2 Náa congregación raʼkháa nagimbíin xa̱bu̱ mu mutha ga̱jma̱a̱ dí narígá náa numbaaʼ, xú káʼni nitsíin xa̱bu̱, numuu dí mbrígún dí nanigu̱u̱n o ndi̱ji̱i̱n ikha̱á má kayuuʼ. Nagimbíin mu muyamajkhuíí Jeobá Dios, nuni̱ rígi̱ asndu nákha wajyúuʼ xó má eʼthí náa libro ndrígóo Salmos. Náa Salmo 35:18 naʼthí “Ikhú maxna̱ʼ núma̱aʼ náa congregación rí mba̱a̱; mani mba̱a̱n náa kúwá mbaʼin xa̱bu̱”. Xúʼko̱ má eʼthí Salmo 107:31, 32: “Dí xa̱bu̱ muxna̱a̱ núma̱aʼ Jeobá numuu rí ngajua ndrígóo tsétumuu ga̱jma̱a̱ numuu dí ra̱ʼkhá tháán mitsaanʼ dí naʼni ga̱jma̱a̱ numún e̱ji̱i̱n xa̱bu̱. Dí gagumaa mba̱a̱ náa majñu̱únʼ xa̱bu̱ xuajen”.
Guxnáa núma̱aʼ Jeobá
4 Mu maʼndulú muxnáa núma̱aʼ, ndayóoʼ mundxaʼwamíjna̱ náa xúgíʼ rí niʼni Jeobá ga̱jma̱a̱ numulúʼ. Ndayóoʼ mundxaʼwáá edxulú rí ikhaa májánʼ a̱jkiu̱u̱n ma̱ngaa nasngájma rí nandoo kaʼyulúʼ wéñuʼ. Índo̱ salmista niʼni xúʼko̱ kaʼnii, niguanúu tsiánguá ga̱jma̱a̱ xúgíʼ rí niʼni Jeobá (atraxnuu Salmo 40:5 ga̱jma̱a̱ 107:43).
Guʼyáʼ rí gíʼdoo numuu
Jeobá “maʼni gújkhiáanʼla”
20 Asndu náa mbiʼi dí nakáguabáanʼlú “Dios maʼni dí muguáʼdáá tsiakii” (Sal. 108:13). Jeobá nixnúlú má xúgíʼ dí ndayúlú mu maʼngulú. Ikha jngóo, índo̱ naʼñaanʼ mingíjyúuʼ matani̱ mbáníí ñajunʼ dí nikhánaaʼ, dí maʼngaaʼ matraʼníí xkujndu o ga̱jma̱a̱ rí matani ñajuunʼ Jeobá ga̱jma̱a̱ gagi, aratakáñíí ga̱jma̱a̱ xúgíʼ a̱jkia̱a̱nʼ, ma̱ngaa atani̱ ga̱jma̱a̱ Biblia mu xúʼko̱ Jeobá maxnáa ikha. Atatsíñáminaʼ dí mumbayáaʼ a̱ngiu̱lú, ga̱jma̱a̱ xátatsiʼñááʼ ratatsaʼwáminaʼ xóo gáraxtaa nda̱wa̱á. Ikhú “tsiakii ndrígóo Dios” maxnála tsiaki̱i̱ “mu maʼngo̱o̱ a̱jkia̱la muraʼníí xúgíʼ ga̱jma̱a̱ gagi” (Col. 1:11).
25 NOVIEMBRE ASNDU 1 DICIEMBRE
GÍʼDOO NUMUU RÍ NA̱ʼKHA̱ NÁA BIBLIA SALMOS 109-112
¡Gúmbayíí Jesús, rey ndrígulú!
w06 1/9 13 kutriga̱ 6
Rí itháan nagájnuriyo̱o̱ʼ náa witsu libro ndrígóo Salmos
110:1, 2. Ndiéjunʼ niʼni “Tátá [ndrígóo David]”, Jesucristo, índo̱ nigi̱ʼi̱ náa níjniú mújúunʼ Dios rá. Nda̱wa̱á dí nigabi̱i̱ Jesús, ni̱jkha̱a̱ náa mekhuíí, ikhí nigi̱ʼthu̱u̱n náa níjniú mújúunʼ Dios asndu índo̱ nigíʼdu̱u̱ niʼtáñajunʼ nákhá 1914. Náa mbá xúgíʼ tsiguʼ dí nigi̱ʼthu̱u̱n, niʼtáʼñájunʼ bi̱ kaxtaʼwíin mu muñégún edxu̱u̱ náa najuiʼtáráʼa, náa najuisgúún xa̱bu̱ ga̱jma̱a̱ niʼnirathi̱i̱ bi̱ kaxtaʼwíin mu mutañajunʼ Reino ndrígóo (Mateo 24:14; 28:18-20; Lucas 22:28-30).
w00 1/4 18 kutriga̱ 3
Bi̱ nagiʼdu̱u̱n gajmiún Dios, xáʼngu̱u̱n
3 Asndu nákhá nigi̱ʼdu̱u̱ tsiguʼ 1900, ra̱ʼkhá tháán nini̱ ngínáa xuajñuu Jeobá. Náa mbaʼa xuajen, mbaʼin xa̱bu̱ nindúún murikháá dí najuiʼtáraʼa o asndu dí ni xájuiʼtáraʼa ajngáa rí májánʼ ga̱jma̱a̱ numuu Reino ndrígóo Dios, nini̱ rígi̱ numuu dí Gixa̱a̱ jngruigo̱o̱ “randxaʼwá xóo mbáa león bi̱ ndayáaʼ mbáa tsáa mikhu̱u̱” (1 Pedro 5:8). Nákhá 1914, ‹índo̱ nirámuuʼ mbiʼi dí kaʼyoo›, Dios nigíiʼ maʼtáñajunʼ A̱ʼdióo xóo bi̱ nuxi̱i̱ʼ Rey ndrígóo Ku̱ba̱ʼ, mu maʼga gáxmína̱ʼ mú, maʼga ‹raʼngo̱o̱ náa majñúnʼ xa̱bu̱ sia̱nʼ ndrígóo› (Lucas 21:24; Salmo 110:2). Cristo nijmuu tsiaki̱i̱ ndrígóo ga̱jma̱a̱ nixkriyaaʼ Gixa̱a̱ náa mekhuíí ga̱jma̱a̱ nidatiguíi náa Ku̱ba̱ʼ. Numuu dí Gixa̱a̱ ndaʼyoo rí i̱mbá chíʼgíiʼ mbiʼi guanúu maxtáa, ni̱jkha̱ raxkún bi̱ kaxtaʼwíin ga̱jma̱a̱ eʼwíinʼ a̱ngiu̱ún (Apocalipsis 12:9, 17). Ndiéjunʼ erígá ga̱jma̱a̱ xúgíʼ dí nuni̱ xa̱bu̱ sia̱nʼ ndrígóo Dios rá.
Atiémbáá náa congregación ndrígáaʼ
1. Xú káʼnii gándoo gatiembáá náa congregación ndrígáaʼ rá.
Xúgiáánʼ ma̱ndoo muñambáá náa congregación ndrígúlú. Mbá xkri̱da, á mu dí kúwi̱i̱n a̱ngiu̱lú bi̱ wanii o bi̱ nandoo kháñuun náa congregación, ma̱ndoo matambáñun mu mi̱dxu̱ʼ xtiin náa reunión. O i̱ʼwáʼ rí ma̱ndoo matani ga̱jma̱á nindxu̱ún, xóo mi̱dxu̱ʼ garatsi rí ndañuúnʼ o matambáñun ga̱jma̱a̱ i̱ʼwáʼ ñajunʼ dí rígá náa guʼwún (atraxnuu Santiago 1:27). Ma̱ngaa ma̱ndoo muxnájximijna̱ rí muñambáá maguma kaʼwii náa guʼwá nagimbáanʼ o i̱ʼwáʼ rí naguma ikhí. Nuxnájximijná ga̱jma̱a̱ xúgíʼ a̱jkiu̱lú mu̱ʼni ñajunʼ rígi̱ numuu rí nandulú kuʼyáá Dios ga̱jma̱a̱ a̱ngiu̱lú, nimbáa na̱nguá etsudáánʼ (Salmo 110:3).
Testigos de Jeobá bi̱ nijngún má iyááʼ, rígá i̱ʼwáʼ náa ma̱ndoo muñambáá náa congregación. A̱ngiu̱lú bugi̱ bi̱ káʼnii muñambáá xóo má naʼthí náa Biblia, ma̱ndoo mani̱ndxu̱ún siervos ministeriales ga̱jma̱a̱ nda̱wa̱á ma̱ndoo mani̱ndxu̱ún bi̱ kuya̱ edxu̱u̱. Ma̱ngaa xúgiáanʼ ma̱ndoo manindxu̱lú precursor mu muñambáá náa najuiʼtáraʼa. Ma̱ngaa tikhun testigos nuyambáá náa naguma guʼwá náa nduyamajkuíí Dios. Ga̱jma̱a̱ kúwi̱i̱n tikhun a̱ngiu̱lú bi̱ nagún i̱mba̱ níʼkhá náa imbo̱o̱ congregación náa ndayóoʼ mixtiembáá.
Guʼyáʼ rí gíʼdoo numuu
Xa̱bu̱ buanii gumbáñuun e̱jña̱la mu majmañún munikríyami̱jna̱
12 Náa volumen 2 ndrígóo libro Perspicacia naʼthí rí náa Biblia, ku̱ma̱ najma̱a̱ “mu mundxaʼwamíjna̱ rí májánʼ ga̱jma̱a̱ makru̱ʼu̱lú mu muʼnimbánii xkujndu, muʼni níjni o muʼni gaʼduunʼ gamíi, muxkamaa tikhuu rí nandulúʼ muʼni o muʼthúún eʼwíínʼ rí muni ikháá má. Mixtiʼkhu nindxu̱u̱ rí skagunʼ”. Náa Biblia naʼthí rí “náa a̱jkiu̱u̱n dxámá gíwanʼ rí nindxu̱u̱ skágunʼ; mú á mu nataxpriguii ga̱jma̱a̱ xkuiya maʼni rí matsíngunʼ náa ikhaa” (Prov. 22:15). Mú mixtiʼkhu nindxu̱u̱ rí skágunʼ ga̱jma̱a̱ rí ku̱ma̱. Ku̱ma̱ nindxu̱u̱ mbá rí nasngájma rí nandxa̱ʼóo májánʼ edxu̱u̱. Ikha jngó rí nandxa̱ʼóo májánʼ edxu̱u̱ mbáa xa̱bu̱ tsíyoo gáʼthi numuu rí nikhi̱i̱, rí phú ikhaa rí mamiñúu kaʼyoo Jeobá ga̱jma̱a̱ maʼnimbo̱o̱ ikha ndrígóo (atraxnuu Salmo 111:10).
2-8 DICIEMBRE
GÍʼDOO NUMUU RÍ NA̱ʼKHA̱ NÁA BIBLIA SALMOS 113-118
Xú káʼnii gúʼni numa̱a̱ Jeobá rá.
w01 1/1 11 kutriga̱ 13
Gagajáánʼlú eʼni ngajua
13 Ajngáa dí niʼthí Jesús nasngájmaa kaʼwu dí bi̱ itháán gíʼmaa maʼndulú kuʼyáá nindxu̱u̱ Jeobá. Ikháánʼlú na̱nguá nindulú kuʼyáá Jeobá asndu nákhá nigumáanʼ, ndiyóo rí muʼni mba̱ja̱a̱. Timbá míʼtsú dí nidxawíín ga̱jma̱a̱ numuu Dios, ninigulú dí nidxawíín. Mañuu mañúú nijmañulúʼ xú káʼnii niʼni mújúunʼ Ku̱ba̱ʼ mu makuwíin xa̱bu̱ (Génesis 2:5-23) ga̱jma̱a̱ nijmañulú xú káʼnii niʼniúún xa̱bu̱ numbaaʼ índo̱ nikiéʼkhún ga̱jma̱a̱ xú káʼnii niʼni mu maʼni káwíin (Génesis 3:1-5, 15). Niʼniún dí májánʼ bi̱ niguájún jmbu ga̱jma̱a̱ nda̱wa̱á nixnájxi̱i̱ A̱ʼdióo mu maʼni mba̱a̱ a̱jkiu̱u̱n aʼkhá ndrígún (Juan 3:16, 36). Índo̱ niniʼníiʼ itháan májánʼ Jeobá, itháan nindulúʼ kuʼyáá (Isaías 25:1). Rey David niʼthí dí nindoo kaʼyoo Jeobá numuu dí ra̱ʼkhá tháán májánʼ niñewu̱u̱n (Salmo 116:1-9). Rí mbiʼi xúgi̱, Jeobá nañewu̱nlú, naxnulú ikha, naxnulú tsiaki̱i̱ ga̱jma̱a̱ naʼni̱i̱ a̱jkiu̱lú. Índo̱ najmañulú itháan ga̱jma̱a̱ numuu Jeobá, itháan naʼni mba̱a̱ dí nandulúʼ kuʼyáá (Salmo 31:23; Sofonías 3:17; Romanos 8:28).
w09 15/7 29 kutriga̱ 4, 5
Guxnáa núma̱aʼ dí nundrígulú ga̱jma̱a̱ gaʼndulúʼ muxnáa rí guáʼdáá
Bi̱ niʼnirámáʼ Salmo nirajximínáʼ: “Xú káʼnii gáni numa̱a̱ Jeobá ga̱jma̱a̱ xúgíʼ dí naʼni ga̱jma̱á ni̱ndxu̱ʼ rá.” (Sal. 116:12.) Ndiéjunʼ nindrigúu ikhaa rá. Jeobá niñewu̱u̱n índo̱ ikhaa niraʼnuu ‹gamiéjunʼ ga̱jma̱a̱ nixtáa ngíná›. Ma̱ngaa ‹niʼni kríyaaʼ náa inu makhañúu›. Ikha jngóo bi̱ niʼnirámáʼ Salmo nindoo maxnáa núma̱aʼ. Xú káʼnii gáʼni rá. Ikhaa niʼthí: “Ma̱ni̱ numa̱a̱ Jeobá rí nikuʼdáminaʼ ma̱ni̱” (Sal. 116:3, 4, 8, 10-14). Salmista bugi̱ niraʼwíi maʼnimbánuu rí nikudaminaʼ maʼni náa Jeobá ga̱jma̱a̱ maʼnimbánuu rí kaʼyoo maʼni.
Ikháanʼlú ma̱ngaa ma̱ndoo muxnáa núma̱aʼ Dios índo̱ nuʼnimbulú xúgíʼ xtángoo ga̱jma̱a̱ ikha ndrígóo. Ikha jngóo rí nduʼyamajkuíí gíʼmaa mani̱ndxu̱u̱ rí itháán gíʼdoo numuu ga̱jma̱a̱ guniʼñááʼ rí maxnúlú ikha espíritu santo ndrígóo (Ecl. 12:13; Gál. 5:16-18). Gajkhun má dí xáʼngulú muʼni numa̱a̱ xúgíʼ dí niʼni Jeobá gajmá nindxu̱lú, mú, ma̱ndoo muʼni rí maxtáa gagi á mu nuʼni tsiakimíjna̱ muʼni ñajuunʼ ga̱jma̱a̱ xúgíʼ a̱jkiu̱lú (Pro. 27:11). ¡Phú mitsaanʼ dí kajkuáa ñawúnlú!
Ikha rí na̱ʼkha̱ náa libro ndrígóo Levítico
9 Raga̱jma̱ rí najmañulúʼ: Nuʼni ñajuunʼ Jeobá numuu rí nuxnálú núma̱aʼ. Guʼyáá imbo̱o̱ rí gíʼdoo numuu, xóo ndiyamajkuíí Dios xa̱bu̱ Israel: Tsigijñaʼ rí makuwá tsímáá gajmiún Dios. Náa libro ndrígóo Levítico, najmañulúʼ rí israelitas ma̱ndoo muxnaxi tsigijñaʼ mu makuwá tsímáá gajmiún Dios nindxu̱u̱ mbá rí ‹nusngajma xóo rí nuxnáa numa̱a̱ Dios› (Lev. 7:11-13, 16-18). Tuxnajxii tsigijñaʼ rígi̱ ga̱jma̱a̱ numuu rí gíʼma muni, nixnaxi numuu rí ikhiin nandún muni. Ikha jngó nuxnaxi tsigijñaʼ rí nandún ikhiin ga̱jma̱a̱ numuu ngajua rí guáʼdáá náa Dios Jeobá. Bi̱ naxnáxi tsigijñaʼ rígi̱, bi̱ kuwa náa goʼwóo ga̱jma̱a̱ ndxajkun naʼphu̱ xuyuuʼ xujkhúʼ bi̱ nitsikaramaaʼ. Mú mbá xíʼtáa xujkhú i̱ndó Jeobá kaʼyoo. Ndiéjunʼ nindxu̱u̱ rá.
10 Ajtsú rí najmañulúʼ: Nuxnáá rí itháán májánʼ Jeobá numuu rí nandulú kuʼyáá. Jeobá ndaʼyoo rí xtangoo xujkhúʼ nindxu̱u̱ mbá rí itháan májánʼ. Ma̱ngaa niʼthí rí tikhu dí rígá náa xuyuuʼ gíʼdoo numuu, xó má roniu̱u̱ (atraxnuu Levítico 3:6, 12, 14-16). Ikha jngó naxtáa gagi Jeobá índo̱ mbáa israelita naxnaxi tsigijñaʼ rí nagájnuu náa a̱jkiu̱u̱n xó má xuyuuʼ rí gíʼdoo numuu ga̱jma̱a̱ xtangoo. Israelita bi̱ naxnaxi tsigijñaʼ rígi̱ nasngájma rí nandoo maxnúu rí itháan májánʼ Jeobá. Xúʼko̱ má kayuuʼ, Jesús nixnúu mbá rí itháan májánʼ Anu̱u̱, rí niʼni ñajuunʼ ga̱jma̱a̱ xúgíʼ a̱jkiu̱u̱n ma̱ngaa numuu rí nindoo kaʼyoo (Juan 14:31). Mu Jesús, ndiʼyoo rí maʼni ñajuunʼ Anu̱u̱ nindxu̱u̱ mitsaanʼ wéñuʼ, ga̱jma̱a̱ nindoo kaʼyoo xtángoo ndrígóo (Sal. 40:8). ¡Ra̱ʼkhá tháán nidxuu Jeobá índo̱ ndiʼyoo rí a̱ʼdióo xtáa raʼni ñajuunʼ!
11 Tsigijñaʼ dí makuwíin tsímáá gajmiún Dios ga̱jma̱a̱ rí musngajma ngajua rí guaʼdáá náa ikhaa. Rí nu̱ʼni̱ ñajuunʼ Jeobá nindxu̱u̱ ikháá má xóo tsigijñaʼ, numuu rí nagájnuu asndu náa a̱jkiu̱lú rí nandulú kuʼyáá ikhaa. Nuxnáá rí itháán gíʼdoo numuu ga̱jma̱a̱ xúgíʼ a̱jkiu̱lú. Ikhaa nadxuu índo̱ ndaʼyoo rí mbaʼin wéñuʼ xa̱bu̱ nuni ñajuunʼ numuu rí nandún kuyáá ma̱ngaa xúʼko̱ má ikha ndrígóo. Naʼni̱i̱ a̱jkiu̱lú índo̱ nduʼyáá rí ikhaa ndaʼyoo ga̱jma̱a̱ ndaʼyamajkuu raʼkháa i̱ndó rí nu̱ʼni̱, ma̱ngaa náá numuu rí nu̱ʼni̱. Mbá xkri̱da, á mu ga̱jma̱a̱ numuu rí niganiánʼ tséniñulú mu̱ʼni̱ xúgíʼ rí nanigulúʼ, ma̱ndoo mbuʼyáá gajkhun rí Jeobá tseʼyoo rúʼko̱. Mbáa mundxaʼwamíjna̱ dí tséʼngulú gúʼni wéñuʼ ñajuunʼ, mú ikhaa ndaʼyoo ngajua rí naxkaxáanʼ mu mu̱ʼni̱ xúgíʼ rígi̱. Nadxuu rí nuxnáá rí itháán májánʼ asndu xó má naʼngo̱o̱.
Guʼyáʼ rí gíʼdoo numuu
Ngajua ndrígóo Jeobá nambáyulú mu xámiñulúʼ
3 Dí mbuʼyáá gajkhun dí Jeobá xtáa ga̱jma̱á ni̱ndxu̱lú ga̱jma̱a̱ rí nandoo kaʼyulúʼ, rúʼko̱ gámbáyulú dí xáʼngo̱o̱ gáʼnimíñulú Gixa̱a̱ (Sal. 118:6). Mbá xkri̱da bi̱ niʼnirámáʼ Salmo 118, niraʼnuu mbaʼa gamiéjunʼ. Náa versículo 9 ga̱jma̱a̱ 10 naʼthí dí nigiʼdiin xa̱bu̱ sia̱nʼ ndrígióo, tikhunʼ dí ikhiin ninindxu̱ún xa̱bu̱ bi̱ guáʼdáá wéñuuʼ numún. Náa versículo 13 naʼthí dí nguáná ikhaa ndiyóoʼ maʼngo̱o̱ rí nutháán eʼwíinʼ. Ma̱ngaa náa versículo 18 naʼthí dí Jeobá ndiyóoʼ maxprígúu. Maski asndu xúʼko̱ ikhaa niʼthí náa ajmúú dí niʼni: “Nditháan xamiñuʼ”. Náá numuu niʼthí xígi̱ xá. Numuu rí ndaʼyoo dí maski ajndu Anu̱u̱ bi̱ xtáa mekhuíí nixprígúu, mú niʼni ga̱jma̱a̱ ngajua. Ikha jngóo bi̱ niʼnirámáʼ rígi̱ ndiʼyoo gajkhun, dí garigá má dí gárígá, mú Dios ndrígóo xtáa xawii mu mambáyúu (Sal. 118:29).
9-15 DICIEMBRE
GÍʼDOO NUMUU RÍ NA̱ʼKHA̱ NÁA BIBLIA SALMO 119:1-56
“Xú káʼni gándoo maʼni kaʼwu má xúʼko̱ kambo̱o̱ mbáa dxámá rá.”
w87 1/11 18 kutriga̱ 10
Lá naraxtaa kaʼwu ikháanʼ rí mbiʼi xúgi̱ rá.
10 Náa Efesios 5:5 Pablo niʼthí: “Ikháanʼ má ndu̱ya̱a̱ ga̱jma̱a̱ nakruaʼa̱la májánʼ rí nimbáa bi̱ nabóoʼ xkawiʼ kayuuʼ gajmíi̱n eʼwíinʼ, nimbáa bi̱ mitsagaa, nimbáa bi̱ nagua̱ʼa̱ magiʼdoo dí nindxu̱u̱ xóo matayamajkhún xándú, magruigúu rí kaʼyoo náa Naʼtáñajunʼ Cristo ga̱jma̱a̱ Dios.” Mámbá tsiguʼ, mbaʼin wéñuuʼ xa̱bu̱ ndayóo muxprigún o magumiin expulsar náa congregación, ga̱jma̱a̱ numuu dí nubúúnʼ xkawiʼ kayuuʼ gajmiún eʼwíinʼ. (1 Corintios 6:18.) Nguáná rígi̱ narígá ga̱jma̱a̱ numuu dí xa̱bu̱ na̱nguá niʼnimbo̱o̱ Ajngá rawuunʼ Dios (Salmo 119:9). Mbá xkri̱da, mbaʼin a̱ngiu̱lú tseñewu̱míjna índo̱ nagájnún nagún pasiáa. Nuniñanʼ rambájxu̱u̱ gajmiún eʼwíinʼ a̱ngiu̱lú ga̱jma̱a̱ nugíʼdi̱i̱ nambájxu̱u̱n gajmiún xa̱bu̱ bi̱ tséni rí nandoo Dios. Tikhuun cristianos, naku̱mu̱ún rí nindxu̱ún mijíin xa̱bu̱. Xúʼko̱ eguáʼníí bi̱ nugíʼdi̱i̱ nambájxu̱u̱n májánʼ gajmiún bi̱ kúwá náa nuñajunʼ. ¡Mbáa ndxájulú bi̱ kayá edxu̱u̱, índo̱ nigíʼdu̱u̱ nimbájxu̱u̱ ga̱jma̱a̱ a̱ʼgu̱ bi̱ nañajunʼ mbo̱o̱ ga̱jma̱a̱, niniñúnʼ bi̱ kúwá náa goʼwóo, ma̱ngaa ni̱jkhá gaxtáa ga̱jma̱a̱ a̱ʼgu̱ buʼko̱! Ikha jngóo ndiyóo maguma expulsar náa congregación. ¡Ajngáa dí naʼthí náa Biblia nindxu̱u̱ gajkhun: “Rí mambajxála gajmiála bi̱ nuni̱ dí raʼkhí, maʼni rí muniʼñááʼ ru̱ni̱ rí májánʼ”! (1 Corintios 15:33).
w06 15/6 25 kutriga̱ 1
“Nanga̱jo̱ʼ ka̱yo̱o̱ ikha ndrígáaʼ, ikhí náa nagruígú consejos”
JEOBÁ naʼni marmáʼán a̱jkiu̱lú ikha dí mambáyulú mu maʼngulú muguajún jmbu náa mbiʼi mingíjyúuʼ. Tikhuu dí ikhaa nundrígú índo̱ nuraxnuu Biblia ga̱jma̱a̱ índo̱ nudxawíín comentario o discurso dí nuxná a̱ngiu̱lú náa reunión. Mbá mbaʼa dí nudxawíín o dí nuraxnuu nindxu̱u̱ dí nduʼyáálú má. Mú ga̱jma̱a̱ numuu dí tséjyúu embumulú ikha jngóo ndayóo dí muni̱ marmáʼáan a̱jkiu̱lú ga̱jma̱a̱ numuu rí nandoo Jeobá muʼni, xtángoo ndrígóo ga̱jma̱a̱ ikha ndrígóo. Nuxnáalu wéñuuʼ numaaʼ Jeobá numuu rí ikhaa naʼni marmáʼán a̱jkiu̱lú dí nambáyulú mu xámbumulú náá numuu rí nigíʼdi̱i̱ niʼni ñajuunʼ Dios. Ikha jngóo salmista niʼni ajmúú náa Jeobá: “Nanga̱jo̱ʼ ka̱yo̱o̱ ikha ndrígáaʼ, ikhí náa nagruigú consejos” (Salmo 119:24).
w10 15/4 20 kutriga̱ 2
Maxúʼyááʼ nimbá dí ra̱májánʼ
2 Gíʼmaa muñewa̱a̱n dí nduʼyáá numuu dí rígi̱ gamíi maʼni rí mundxaʼwamíjna̱ dí ra̱májánʼ. Xúʼko̱ erígá índo̱ nuyejxi̱ dí ra̱májánʼ, náa rí naxkaxáanʼ muʼni dí xuyulúʼ nagua̱ʼa̱ maʼni. Numbaaʼ rígi̱ náa naʼtáñajunʼ Gixa̱a̱ naʼni rí makujmaa xtiʼkhuu asndu náá má ga̱jma̱a̱ i̱ʼwáʼ dí maʼni gadxulú wéñuuʼ maski ajndu káaʼ ma núngoo gúʼyáá (1 Juan 5:19). Ikha jngóo mbáa bi̱ niʼnirámáʼ Salmo nindo̱ʼo̱o̱ Dios: “Atani rí iduʼ maxáʼyoo nimbá dí ra̱májánʼ; atani maxtáá má xúʼko̱ náa kamba̱a̱ʼ” (Sal. 119:37).
Guʼyáʼ rí gíʼdoo numuu
w05 15/4 10 kutriga̱ 2
Gákumulú kuʼyáá ajngóo Jeobá
2 Náa Salmo 119, na̱ʼkha̱ raʼthí nguáthá gíʼdoo numuu ajngóo Dios. Mbáa mu xámbumulú, bi̱ niʼnirámáʼ ajmúú rígi̱, niʼni mbá 176 versos náa mbá 22 estrofas, náa mámbá estrofa niʼnirámáʼ mbá migiñuʼ versos dí nagi̱ʼdu̱u̱ ga̱jma̱a̱ letra hebrea. Niʼnirámáʼ mbaʼa ajngáa dí nambríguii, xóo ajngóo Dios, xtángoo, majmakuma̱a̱, kamba̱a̱, awan, kiʼtáñajunʼ, rí najuiʼthá maguma, rí nuthi xa̱bu̱. Náa artículo rígi̱ ga̱jma̱a̱ náa artículo dí ma̱ʼkha̱ majuiʼthá dí na̱ʼkha̱ náa Salmo 119, rí xóo phú nijuiʼtájuíi Biblia náa ajngáa hebrea. Índo̱ nundxa̱ʼwa̱míjna̱ rí xóo niguáʼníí xa̱bi̱i̱ Jeobá nákhá wajyúuʼ ga̱jma̱a̱ rí mbiʼi xúgi̱, makru̱ʼu̱lú májánʼ ma̱ngaa mangajulú kuʼyáá itháán Ajngá rawuunʼ Dios, dí Biblia nigumaraʼmáʼ ga̱jma̱a̱ espíritu santo.
16-22 DICIEMBRE
GÍʼDOO NUMUU RÍ NA̱ʼKHA̱ NÁA BIBLIA SALMO 119:57-120
Xú káʼnii gáʼngulú gúraʼníí gamiéjunʼ rá.
w06 15/6 20 kutriga̱ 2
“¡Nandoʼ ka̱yo̱o̱ xtángoo ndrígáaʼ!”
2 Xú káʼnii niʼni̱i̱ a̱jkiu̱u̱n xtángoo ndrígóo Dios bi̱ niʼnirámáʼ Salmo rá. Ikhaa ndiʼyoo kaʼwu dí Jeobá gajkhun naxmiéjuunʼ kaʼyoo. Maski ajndu xa̱bu̱ sia̱nʼ nuni̱ ngínáa ikhaa naxtáa gagi numuu rí ndaʼyoo dí nambáyúu xtángoo ndrígóo Dios. Ndiʼyoo dí Jeobá niñewu̱u̱n májánʼ, ma̱ngaa xtángoo ndrígóo Dios niʼni rí majmañuu itháán ki xóo xa̱bu̱ sia̱nʼ ndrígóo dí asndu niʼngo̱o̱ niʼni kríyaaʼ, numuu rí naʼnimbo̱o̱, naxtáa tsímáá ga̱jma̱a̱ tséʼni gawúunʼ ku̱ma̱ ndrígóo (Salmo 119:1, 9, 65, 93, 98, 165).
w00 1/12 14 kutriga̱ 3
Lá nandulúʼ kuʼyáá xtángoo ndrígóo Dios xó má kaʼyoo rá.
3 Ra̱ʼkhá tháán nindoo kaʼyoo Xtángoo ndrígóo Dios bi̱ niʼnirámáʼ Salmo, dí asndu niʼni ajmúú: “Mbá nacha̱ enimboʼ kiʼtáñajunʼ ndrígáaʼ. Nuruguruʼúún ga̱jma̱a̱ ñuñuu xa̱bu̱ sia̱nʼ, mú ikhúún tsémbumuʼ xtángoo ndrígáaʼ” (Salmo 119:60, 61). Naxnúlú tsiaki̱i̱ ajngáa rígi̱ mu maʼngulú muraʼníí gamiéjunʼ, numuu rí nduʼyáá dí Anu̱lú Dios maʼngo̱o̱ maʼni gámbóo dí nugíʼ muniulúʼ xa̱bu̱ sia̱nʼ. Dios naʼni káwáanʼ náa xúgíʼ rúʼko̱ mu ma̱ndoo muʼtáraʼa (Marcos 13:10).
w06 1/9 14 kutriga̱ 4
Rí itháan nagájnuriyo̱o̱ʼ náa witsu libro ndrígóo Salmos
119:71. Xú káʼnii ma̱ndoo mambáyulú rí numíniiʼ rá. Xkujndu dí nuraʼníí ma̱ndoo mambáyulú rí makumulú kuʼyáá itháán Jeobá, dí muʼtákáñii itháán ga̱jma̱a̱ dí muríyaʼ mbiʼi muʼnigajma̱a̱ Biblia ma̱ngaa rí muʼgíʼ muʼnimbáníí xtángoo ndrígóo náa vida ndrígulú. Xóo gúʼni̱ índo̱ gúmíniiʼ, rúʼko̱ gámbáyulú mbuʼyáá náa ndayóoʼ muriʼkumijná. Rí mumíniiʼ ma̱ndoo mambáyulú mu manindxu̱lú itháán májáanʼ xa̱bu̱.
“Gumbiyaʼ gajmiála xa̱bu̱ bi̱ numbiyaʼ”
3 Nduʼyáá májánʼ rí náa Jeobá na̱ʼkha̱ rí naʼni̱i̱ a̱jkiu̱lú, Anu̱lú bi̱ nagáwiinʼ a̱jkiu̱u̱n (atraxnuu 2 Corintios 1:3, 4). Ikhaa nindxu̱u̱ bi̱ nakro̱ʼo̱o̱, xóo muʼthá, bi̱ najmaa mbaʼyoo xú káʼnii eku̱mu̱u̱ mbáa xa̱bu̱. Dios naʼthúún xa̱bi̱i̱: “Ikhúúnʼ ni̱ndxu̱ʼ Bi̱ xtáa raʼni̱i̱ a̱jkia̱la” (Is. 51:12; Sal. 119:50, 52, 76).
5 Ma̱ndoo makumulúʼ rí Jeobá má gambáyulú. Ikha jngó xúʼni̱ a̱jma̱ a̱jkiu̱lú índo̱ muʼtháán xúgíʼ rí nakumulú. Naʼni̱i̱ a̱jkiu̱lú índo̱ nduʼyáá rí ikhaa nakro̱ʼo̱o̱ rí naʼni gawúnlú ga̱jma̱a̱ naʼni maʼni̱i̱ a̱jkiu̱lú. Mú, xú káʼnii eʼni xá.
Guʼyáʼ rí gíʼdoo numuu
Xúniʼñáʼ maxa̱a̱ rí nandulúʼ kuʼyamijná
11 Bi̱ cristianos nandulúʼ kuʼyáá rí gajkhun. Ga̱jma̱a̱ rí gajkhun muxkamaa náa Ajngá rawunʼ Dios. Jesús niʼthúu̱n anu̱u̱: “numu ajngaʼ ñajun ri gako” (Juan 17:17). Ikha jngó maʼndulú kuyáá rí naʼthí Biblia, gíʼmaa mbuʼyáá rí naʼsngáa (Colosenses 1:10). Mú ma̱ngaa gíʼmaa muʼni mbá rí gíʼdoo numuu. Bi̱ niʼnirámáʼ Salmo 119 nambáyulúʼ makru̱ʼu̱lú ndiéjunʼ gíʼmaa muʼni (atraxnuu Salmo 119:97-100). Kañiʼ mbiʼi, gíʼmaa mundxaʼwamíjna̱ rí nuraxnulú náa Biblia. Á mu nundxa̱ʼwa̱míjna̱ xú kaʼnii gambáyulú rí muʼnimbánii rí naʼthí náa Biblia, maʼndulú kuʼyáá itháan.
12 Bi̱ niʼnirámáʼ Salmo 119 ma̱ngaa niʼthí: “¡Majphú taun ajngáaʼ náa rawunʼ, itháan ki xóo yááʼ náa rawunʼ!” (Sal. 119:103). I̱yi̱i̱ʼ rí naʼni mújúúnʼ xuajñu Dios nindxu̱u̱ xóo mbá ganitsu miʼtsí wéñuʼ. Índo̱ naphu mbá rí nanigulúʼ, nandulúʼ mu̱ʼphu̱ mañúú. Xúʼko̱ má gíʼmaa muʼnigajmaa. Mu manigulúʼ ‹ajngáa mitsaan› rí gajkhun ga̱jma̱a̱ marmáʼáan a̱jkiu̱lú xúgi̱ rí gúraxnuu ma̱ngaa majmulúʼ mu mumbáñún eʼwíínʼ (Ecl. 12:10).
23-29 DICIEMBRE
GÍʼDOO NUMUU RÍ NA̱ʼKHA̱ NÁA BIBLIA SALMO 119:121-176
Ndiéjunʼ gándoo ma̱ni̱ mu xáminu̱ʼ mbaaʼ mamínuʼ rá.
Gajmulú xtángoo ga̱jma̱a̱ ikha ndrígóo Dios mu muʼsngáá májánʼ ku̱ma̱
5 Mu mambáyulúʼ xtángoo ndrígóo Dios, raʼkháa i̱ndó muraxnuu o muniʼnuʼ. Gíʼmaa maʼndulú kuʼyáá ga̱jma̱a̱ mbuʼyamajkuíí. Ajngá rawunʼ Dios naʼthí: “Gaguiyala ku̱ya̱a̱ dí ra̱májánʼ ga̱jma̱a̱ gaʼndala ku̱ya̱a̱ rí májánʼ” (Amós 5:15). Mbá rí xóo ma̱ndoo matani nindxu̱u̱ rí majmañaaʼ ma̱ta̱ya̱a̱ xóo eʼyoo Jeobá. Gundxaʼwamíjna̱ rí mba̱yu̱ʼ má mbiʼi tséʼnuʼ májánʼ. Ikhú, médico naʼthúlúʼ rí gíʼmaa muñewa̱a̱n rí mu̱ʼphu̱ rí muʼni ejercicio ga̱jma̱a̱ muriʼkhu̱u̱ rí xóo kuwáanʼ. Á mu nduʼyáá rí májánʼ kuwáanʼ índo̱ nuʼnimbánii xúgíʼ rí naʼthúlú muʼni médico, lá ragájkhun rí mbuʼyamajkuíí wéñuʼ ga̱jma̱a̱ xtágabu ndrígóo xáʼ.
6 Xúʼko̱ má kayúʼ, bi̱ Niʼniáanʼ naxnúlú xtángoo rí nañewu̱nlú mu xuxuʼdámíjná aʼkhá ga̱jma̱a̱ naʼni makuwáanʼ itháan májánʼ. Mbá xkri̱da, gundxaʼwamíjna̱ nguáthá mba̱a̱ embáyulú rí muʼnimbulúʼ rí naʼthí náa Biblia ga̱jma̱a̱ numuu xtujtaa, nduwaʼ, tsikúwáʼ, rí mataba̱ʼ ga̱jma̱ʼ mbáa, rí nuxnamijná xa̱bu̱ ga̱jma̱a̱ xawan (atraxnuu Proverbios 6:16-19; Rev. 21:8). Índo̱ nduʼyáá nguáthá mba̱a̱ embáyulú rí muʼnimbulúʼ kuʼyáá Jeobá, ngajua ndrígúlú nda̱ja̱ ga̱jma̱a̱ itháan eyulú kuʼyáá ga̱jma̱a̱ xtángoo ndrígóo.
w93 15/4 17 kutriga̱ 12
Jiámá ga̱jma̱a̱ wa̱ʼxa̱ʼ, ndiéjunʼ e̱jkua̱ kidxuuʼ ikháanʼla rá.
12 Gíʼdoo numuu dí majmañaaʼ, mawiya̱a̱ʼ xtayáá dí ra̱májánʼ (Salmo 97:10). Xú káʼnii gándoo gawiya̱a̱ʼ xtayáá dí nakujmaa dí nindxu̱u̱ nagui̱i̱ ga̱jma̱a̱ májánʼ rá. Rí ma̱ta̱ya̱a̱ ndiéjunʼ gárígá á mu natani̱ dí ra̱májánʼ. “Xúni̱ nduwamijnála: Nimbáa xándoo matsíjmaa Dios. Rí xtáa raʼdu mbáa, rúʼko̱ má gágujxi̱i̱. Numuu rí á mu natadu náa ikháán rí nandoo xuwiʼ matadrígúu rí xuyaaʼ maʼchúu” (Gálatas 6:7, 8). Índo̱ gáwa̱ʼa̱ mata̱ba̱a̱ʼ ga̱jma̱a̱ mbáa, atatsaʼwáminaʼ dí phú itháán gíʼdoo numuu: Jeobá maxtáá ngíná á mu natraʼwíí matani̱ dí ra̱májánʼ (Atanimbríguii ga̱jma̱a̱ Salmo 78:41). Ma̱ngaa atatsaʼwáminaʼ ga̱jma̱a̱ numuu dí gamíi maraʼdáá ada̱ maski asndu ikháánʼ na̱nguá eyáá o dí maraʼdáá mbá nandii mbiʼ, xóo dí nindxu̱u̱ SIDA. Atatsaʼwáminaʼ ga̱jma̱a̱ numuu xóo gátaminii. Ma̱ngaa, rígi̱ gamíi maʼni gachúu xóo gáraxtaa nda̱wa̱á. Mbáa ndxájulú a̱ʼgú naʼthí: “Nákha xóo tseniʼnumijnáxu, ikhúún gajmuʼ jmbayiiʼ nixuʼdamijna aʼkhá gajmiúxu eʼwíinʼ xa̱bu̱. Maski má xúgi̱ nindxu̱xu̱ cristianos, aʼkhá rí nini̱xu nakha ginii nindxu̱u̱ mbá rí naʼni dí ni xakuwáanʼxu tsímáá mbá najmanxuʼ”. Ma̱ngaa xámbumaaʼ dí gamíi mandáti̱ga̱a̱ rí natani̱ ñajuunʼ Dios o dí asndu magumaa expulsar náa congregación (1 Corintios 5:9-13). Lá gíʼdoo numuu dí matani̱ mbáti̱ga̱ rí natani̱ ñajuunʼ Dios ga̱jma̱a̱ numuu dí nandaaʼ maraxtaa gagi káaʼ mbáxngaa rá.
Guʼyáʼ rí gíʼdoo numuu
Nduʼyáálú dí Ajngóo Dios nindxu̱u̱ gajkhun
2 Ikháanʼ bi̱ nindxu̱lú xa̱bi̱i̱ Jeobá, nduʼyáá gajkhun dí ikhaa nindxu̱u̱ mbáa “Dios bi̱ gajkhun” ga̱jma̱a̱ dí ikhaa nandoo makuwáanʼlu májánʼ má xúʼko̱ (Sal. 31:5; Is. 48:17). Ma̱ndoo makumulú dí gajkhun mambanúu dí na̱ʼkha̱ raʼthí náa Biblia numuu dí ikhí naʼthí: “Nambiʼi ajngáaʼ numuu dí gajkhun nindxu̱u̱” (atraxnuu Salmo 119:160). Mangáánʼ nduʼyáálú dí gajkhun nindxu̱u̱ ajngáa rígi̱ dí niʼthí mbáa bi̱ niʼnirámáʼ Biblia: “Xúgíʼ dí Dios niʼthí gajkhun nambánuu, xúgíʼ dí nikudaminaʼ mambanúu. Xa̱bi̱i̱ ikhaa nakumu̱ún dí gajkhun mambanúu dí ikhaa naʼthí, numuu dí nakumu̱ún kuyáá Dios bi̱ niʼthí ajngáa rúʼko̱”.
30 DICIEMBRE ASNDU 5 ENERO
GÍʼDOO NUMUU RÍ NA̱ʼKHA̱ NÁA BIBLIA SALMO 120-126
Nidu ga̱jma̱a̱ xtambiyaʼ mú nirajxi̱i̱ ga̱jma̱a̱ gagi
w04 1/6 16 kutriga̱ 10
Gagi kúwá bi̱ nuni̱ mba̱a̱ Dios
10 Índo̱ nundrígú dí manindxu̱lú discípulo ga̱jma̱a̱ guguajún jthi̱i̱n Gixa̱a̱. Rígi̱ naʼthí náa Santiago 4:7: “Guguajún jthi̱i̱n Gixa̱a̱ ga̱jma̱a̱ ikhaa maʼni tsíngumínáʼ náa ikháanʼla”. Gajkhun má maʼni gakhi̱i̱. Ikha jngóo mbaʼyóoʼ muʼni mbá tsiaki̱i̱ mba̱a̱ mu ma̱ndoo muʼni ñajuunʼ Dios (Lucas 13:24). Náa Biblia naʼthúlúʼ rígi̱, náa Salmo 126:5 “Bi̱ nudu ga̱jma̱a̱ xtambiyaʼ, ikhiin murajxi̱i̱ ga̱jma̱a̱ gagi”. Nduʼyamajkuíí mbáa Dios bi̱ naʼni tsajkurámáánʼ. “Ikhaa maʼni numi̱ín bi̱ nduyáaʼ” ga̱jma̱a̱ naʼni tsajkurámiinʼ bi̱ nuni mba̱a̱ (Hebreos 11:6).
Lá xtaʼdáá mba̱a̱ fe ikháán ráʼ.
17 Lá nikháñuu mbáa bi̱ nandaaʼ xtayáá ikháán ráʼ. Atríyaʼ mbiʼi matraxnuu Biblia náa naʼthí ga̱jma̱a̱ numún xa̱bu̱ bi̱ nituxi̱ín mú xúʼko̱ maʼni itháan gujkhuʼ fe ndrígáʼ rí matuxi̱ín xa̱bu̱ nda̱wa̱á. Lá xtaa ngíná wéñuʼ ga̱jma̱a̱ numuu rí mbáa bi̱ xtayáá nijkha̱ expulsado ráʼ. Atanigajmaa mu ma̱ta̱ya̱a̱ gajkhun dí índo̱ Dios naxná xkuíyá nindxu̱u̱ májánʼ. Tséʼniuu má asndu xkáʼnii xkujndu xtaʼdáá, atayáá xóo mbá náa maʼsngáa maraʼdáá itháan gujkhuʼ fe. Aratháán xúgíʼ rí gíwanʼ náa a̱jkia̱nʼ Jeobá. Xídxúʼ kaníí náa kúwá a̱ngia̱nʼ, ataxuʼmaminaʼ mijngii náa kúwá (Prov. 18:1). Maski ajndu ga̱jma̱a̱ xtambiyaʼ, atani má xúʼko̱ ñajunʼ dí mambáyaʼ maʼngaaʼ (Sal. 126:5, 6). Xátatsiʼñáʼ mi̱dxu̱ʼ reunión, marataráʼa ga̱jma̱a̱ matraxnuu Biblia. Ga̱jma̱a̱ atatsaʼwáminaʼ má xúʼko̱ náa xúgíʼ rí mitsaanʼ dí Jeobá nikudaminaʼ maʼni. Índo̱ gátaya xóo embáyaʼ Jeobá ikhú fe ndrígáʼ maʼni itháan gujkhuʼ.
w01 15/7 18, 19 kutriga̱ 13, 14
¡Guʼdu má xúʼko̱!
13 Bi̱ nuñajunʼ gajmiún Dios, mú itháán bi̱ numíniiʼ naʼni̱i̱ a̱jkiu̱ún ajngáa dí na̱ʼkha̱ náa Salmo 126:5, 6: “Bi̱ nudu ga̱jma̱a̱ xtambiyaʼ, ikhiin murajxi̱i̱ ga̱jma̱a̱ gagi. Bi̱ nagájnuu ga̱jma̱a̱ xtambiyaʼ, na̱jkha̱ kayoo murioo náa kajti tsígáʼ, ikhaa matanga̱a̱ ga̱jma̱a̱ gagi kagu̱ gáʼkha̱a̱ rí niʼdu”. Ajngáa dí niʼthí Salmista gi̱i̱ ga̱jma̱a̱ numuu rí matadu ma̱ngaa dí marajxi̱i̱ rí nitadu, nasngájma kaʼwu xú káʼnii Jeobá niñewu̱u̱n ga̱jma̱a̱ niʼni tsajkurámiinʼ israelitas bi̱ niguwáa̱nʼ náa Babilonia. Ikhiin nikúwá gagi ga̱jma̱a̱ numuu rí niguma káwíin, mú mbáa asndu nimbiyaʼ nidu tsígáʼ náa ku̱ba̱ʼ rí niguanáa, numuu rí na̱nguá niñejunʼ náa ku̱ba̱ʼ rúʼko̱ mbá 70 tsiguʼ. Mú bi̱ túniñaaʼ rudu tsígáʼ ga̱jma̱a̱ bi̱ nini̱i̱ guʼwá nikúwá gagi ga̱jma̱a̱ numuu ñajunʼ rí nini̱.
14 Mbáa mumbiyaʼ índo̱ gánujngúlú náa xkujndu o índo̱ mbáa ndxájulú o ikháánʼ mumíniiʼ ga̱jma̱a̱ numuu mbá dí raʼkhí (1 Pedro 3:14). Mbáa nákha nugíʼdi̱i̱ nuʼdu najmulú numuu rí nakujmaa rí tsígáʼ dí niʼdu xájma̱a̱. Mú, á mu tséniʼñááʼ ruʼdu ga̱jma̱a̱ nuxijyááʼ má xúʼko̱, Dios maʼni mba̱ja̱a̱, ga̱jma̱a̱ rígi̱ nindxu̱u̱ dí ikháanʼ nandulúʼ (1 Corintios 3:6). Xkri̱da rígi̱ nasngájma kaʼwu dí narígá índo̱ ikháánʼ nusngúún xa̱bu̱ ga̱jma̱a̱ Biblia ma̱ngaa índo̱ najmulú i̱ʼwáʼ i̱yi̱i̱ʼ.
Guʼyáʼ rí gíʼdoo numuu
Náa eyexilú rá.
1 KUWÁANʼ náa “mbiʼi gakhi̱i̱ ga̱jma̱a̱ maʼni mingíjyúuʼ”, ga̱jma̱a̱ rí makuwáanʼ maʼni itháan mingíjyúuʼ nákha xóó tséjtsi ga̱jma̱a̱ nda̱wa̱á marigá mbu̱júu̱ rí tsímáá náa tsu̱du̱u̱ Ku̱ba̱ʼ (2 Tim. 3:1). Ikha jngó gíʼmaa muraximíjna̱: “Náa eyexilú rá.” Xóo muʼthá, tsáa eʼyááʼ mu mambáyulúʼ ga̱jma̱a̱ maxnúlúʼ ikha rá. Mbáa nacha̱ guriʼña̱a̱: “Jeobá”. Ga̱jma̱a̱ májánʼ nindxu̱u̱ rí muriʼña̱a̱ rígi̱.
2 Ndiéjunʼ eyoo gáʼthúu̱n rí mbuʼyáá Jeobá rá. Ga̱jma̱a̱ xú káʼnii gándoo gúʼyáá á mu nduʼyáá ikhaa índo̱ kuwáanʼ ranújngulú xkujndu rí mingíjyúuʼ náa mbiʼi rí kuwáanʼ rá. Niʼni tsiguʼ, bi̱ niʼnirámáʼ salmo niʼthí rí ndayúlú muyexi má xúʼko̱ náa Jeobá mu mbuʼyáá rí mambáyulúʼ náa mbiʼi gakhi̱i̱ (atraxnuu Salmo 123:1-4). Niʼni mbríguii rígi̱ ga̱jma̱a̱ rí naʼni mbáa yumbáá. Xóo muʼthá raʼkháa i̱ndó na̱jkha̱ gáʼyoo xa̱bu̱ bi̱ nañajunʼ, ga̱jma̱a̱ mu maxnúu ganitsu ga̱jma̱a̱ rí mañewu̱u̱n ma̱ngaa gíʼmaa mbaʼyoo má xúʼko̱ mu mbaʼyoo ndiéjunʼ eyóoʼ ga̱jma̱a̱ maʼnimbánuu. Xúʼko̱ má kayúʼ, ndayóoʼ muʼnigajmaa tsejtsí mbiʼi Ajngá rawunʼ Dios mu makru̱ʼu̱lú ndiéjunʼ eyoo Jeobá ga̱jma̱a̱ rí maxná ikhulú. I̱ndó xúʼko̱ ikhaa mambáyulúʼ (Efes. 5:17).