Lá maʼngo̱o̱ gitsíin fútbol maʼni rí makuwá jnduʼ xa̱bu̱ ráʼ. | Ndiéjunʼ eʼthí náa Biblia rá.

Itháan rí 5,000 millones xa̱bu̱ bi̱ ndiyáá programa índo̱ bi̱ niʼngu̱u̱n nidaaʼ Copa Mundial ndrígóo FIFA, dí nigi̱ʼdu̱u̱ nákha 20 ñajunʼ gu̱nʼ noviembre asndu 18 ñajunʼ gu̱nʼ diciembre tsiguʼ 2022. Mbaʼin naku̱mu̱ún dí na̱nguá nindxu̱u̱ i̱ndó gitsíin numuu dí rígi̱ gaʼni dí ma̱ndoo maruwiin xa̱bu̱ náa xúgíʼ numbaaʼ.

• Rígi̱ niʼthí Nelson Mandela, bi̱ ni̱jkha̱ presidente náa Sudáfrica: “Gitsíin gíʼdoo tsiaki̱i̱ mu mariʼkhu̱u̱ xóo nundxa̱ʼwa̱míjna̱ xa̱bu̱, ma̱ngaa rí mundxaʼwamíjná rí muni ga̱jma̱a̱ maʼngo̱o̱ maʼni rí makuwá mbá kambájxu̱u̱n xóo nimbá miʼtsú xóó tárígá”.

• Rígi̱ niʼthí Gianni Infantino, presidente ndrígóo FIFA:a “Gitsíin naruwiin xa̱bu̱, naʼni rí makuwíin gagi, dí marigá mbá dí muguaʼthi̱i̱n, rí maʼndún kuyamijná ga̱jma̱a̱ rí mbóó dí gánigu̱u̱nʼ”.

Lá maʼngo̱o̱ dí índo̱ nawiín xúgíʼ numbaaʼ mu mutsíin fútbol o i̱ʼwáʼ gitsíin maʼni rígi̱ ráʼ. Lá rígá i̱mba̱ xóo maʼni rí makuwáánʼ tsímáá ga̱jma̱a̱ mbá kambájxu̱lú ráʼ.

Gajkhun dí naʼni makuwá jnduʼ xa̱bu̱ ráʼ.

Fútbol dí nirígá tsiguʼ rígi̱ ninindxu̱u̱ itháán ki xóo mbá gitsíin, niʼni dí xa̱bu̱ magi̱ʼdu̱u̱n ga̱jma̱a̱ numuu dí naguáʼníín ma̱ngaa xóo numíniiʼ ga̱jma̱a̱ numuu dí nuni̱ xa̱bu̱ ñajunʼ, numuu dí nánguá eñún kuyamijná, naʼni gakhi̱i̱ ga̱jma̱a̱ numuu mbújkha̱a̱.

Maski ajndu xígi̱ xtáa rarígá, mbaʼin naku̱mu̱ún dí índo̱ nawiín xúgíʼ numbaaʼ mu mutsíin, xó má Copa Mundial dí nirígá xíkhoo naʼni rí muni gagimijná xa̱bu̱. Maski ajndu nuni tsiakimijná, gitsíin xáʼngo̱o̱ gáʼni rí xa̱bu̱ makuwá mbá kambájxu̱u̱n kámuu. Dí phú narígá, nusngajma xóo nundxaʼwamíjna̱ ga̱jma̱a̱ rí nuni̱ wajímijná. Náa Biblia niʼthí má dí xúʼko̱ kaʼnii ganindxu̱ún xa̱bu̱ ga̱jma̱a̱ rúʼko̱ gasngájma rí kuwáanʼ náa “iwáá mbiʼi” (2 Timoteo 3:1-5).

Rí gajkhun maʼni makuwá jnduʼ xa̱bu̱

Náa Biblia naʼthí mbá rí gajkhun maʼni makuwá mbá jnduʼ xa̱bu̱. Naʼthí rí xúgíinʼ xa̱bu̱ bi̱ kúwá náa Ku̱ba̱ʼ munimbu̱ún kuyáá gobierno celestial llamado “el Reino de Dios” (Lucas 4:43; Mateo 6:10).

Rey bi̱ naʼtáñajunʼ náa Reino rúʼko̱ nindxu̱u̱ Jesucristo, ikhaa maʼni rí makuwá tsímáá xa̱bu̱ náa mbá xúgíʼ numbaaʼ. Náa Biblia naʼthí:

• “Makuwá mbaʼin xa̱bu̱ bi̱ muni rí jmbu, ga̱jma̱a̱ marigá wéñuʼ rí tsímáá” (Salmo 72:7).

• “Ikhaa naʼni kríya̱a̱ʼ bi̱ gínáa índo̱ na̱nda̱ʼa̱ dí mixtambáyíí [...] Maʼni káwíin náa rí najma gíníi ga̱jma̱a̱ náa rí najuixnún” (Salmo 72:12, 14).

Asndu nákha mbiʼi xúgi̱ mbaʼin wéñuʼ xa̱bu̱ náa rí mbá 239 países ga̱jma̱a̱ xuajen nambáñún kiʼsngáa ndrígóo Jesús rí makuwá mbá kambájxu̱u̱n ga̱jma̱a̱ rí tséwi̱ñu̱u̱ kuyamijná. Mu ma̱ta̱ya̱a̱ itháán, atraxnuu artículo “Atani̱ gámbáa dí nawiya̱a̱ʼ xtañún eʼwíinʼ”.