Lá xnuʼndáá nindxu̱u̱ rí ní xáwiñu̱u̱nʼ kuñún xa̱bu̱ bi̱ mixtiʼkhu rázu̱ún ráʼ. | Ndiéjunʼ eʼthí náa Biblia rá.

Mbaʼin xa̱bu̱ nguáʼthi̱i̱n mbiʼi dí ní xáwiñu̱u̱nʼ kuñún xa̱bu̱ bi̱ mixtiʼkhu rázu̱ún.

• “Náa guʼwá ñájunʼ mba̱ʼu̱, náa nambájxu̱u̱n xa̱bu̱ o asndu náa má mbiʼi, kujmaa dí tsíñún gúñún xa̱bu̱ bi̱ mixtiʼkhu náa guwáʼ o mixtiʼkhu color ndrígún. Rígi̱ nindxu̱u̱ dí naʼni dí mbaʼin xa̱bu̱ xúniu̱u̱n dí májánʼ ikháá má xóo eniu̱u̱n eʼwíinʼ” (António Guterres, secretario general de las Naciones Unidas).

Lá maʼga̱nú mbá mbiʼi dí xúgínʼ xa̱bu̱ ma̱ndoo mambájxuun májánʼ rá. Ndiéjunʼ eʼthí náa Biblia rá.

Xú káʼnii ndaʼñún xa̱bu̱ Dios rá.

Biblia naʼthí xóo ndaʼñún xúgíinʼ xa̱bu̱ Dios.

• Dios “náa mbáwíí xa̱bu̱ niʼni rí makuwá eʼwíinʼ xa̱bu̱ ga̱jma̱a̱ majtíin náa tsu̱du̱u̱ ku̱ba̱ʼ” (Hechos 17:26).

• “Dios tséraʼwíin xa̱bu̱, ikhaa nagruiguíin xúgíinʼ bi̱ namíñúún kuyáá, bi̱ nuni̱ rí májánʼ, tséʼniuu má náá xuajen eguwáʼ” (Hechos 10:34, 35).

Biblia naʼthí dí xúgínʼ xa̱bu̱ nindxu̱ún mbá familia ma̱ngaa dí Dios nagruiguíin xúgíʼ enii xa̱bu̱, tséʼñuu má náa guwáʼ.

Xú káʼnii ma̱ndoo makuwi̱i̱n mbríguu xúgíinʼ xa̱bu̱ rá.

Reino ndrígóo Dios nindxu̱u̱ mbá Reino dí rígá náa mekhuíí, ikhaa maʼni dí xúgíinʼ gakúwi̱i̱n mbrígúún. Xa̱bu̱ Ñajunʼ bugi̱ maʼsngúún xa̱bu̱ mu majmiin muniu̱u̱ rí májánʼ eʼwíinʼ. Á mu dí tsíñún gúñún eʼwíinʼ, xa̱bu̱ majmañún xú káʼnii ma̱ndoo muniña̱a̱nʼ dí ku̱mu̱ún.

• Xa̱bu̱ bi̱ gákuwá náa tsu̱du̱u̱ Ku̱ba̱ʼ “majmañún muni dí jmbu” (Isaías 26:9).

• “Á mu narígá dí jmbu marigá rí tsímáá, ga̱jma̱a̱ náa rígá dí jmbu naʼni dí xárígá gamíi kámuu mbiʼi” (Isaías 32:17).

Dí mbiʼi xúgi̱, ra̱ʼkhá tháán mbaʼin xa̱bu̱ kúwi̱i̱n rajmañún dí eʼthí náa Biblia ga̱jma̱a̱ numuu xú káʼnii ma̱ndoo mbuyamajkún eʼwíinʼ xa̱bu̱.

• Á mu nandaaʼ ma̱ta̱ya̱a̱ itháán, atraxnuu i̱yi̱i̱ʼ ¡Awaxunʼ! dí kayá edxu̱u̱ “Dí mayambáá maʼndún kuyamijná”

• Mu ma̱ta̱ya̱a̱ xú káʼnii xabuanii ma̱ndoo mutamijná gajmíi̱nʼ e̱jñu̱ún ga̱jma̱a̱ numuu tema rígi̱, atraxnuu artículo “¿Cómo hablar con sus hijos sobre el racismo?”