Científicos niba̱a̱n itsu̱u̱ Reloj del Juicio Final | Ndiéjunʼ eʼthí náa Biblia rá.

Nákhá 24 ñajunʼ gu̱nʼ enero tsiguʼ 2023, científicos nixnáá maʼga itsu̱u̱ reloj dí mbiʼyuu Reloj del Juicio Finala náa itháan maʼni tikhu nduʼun, dí nandoo gáʼthúu̱n mambáa numbaaʼ.

• “‹Reloj del Juicio Final›, nandoo gáʼthúu̱n rí gamíi mambíin xa̱bu̱ numbaaʼ. Numuu dí martes rígi̱ itsu̱u̱ reloj ni̱jkha̱ tunguunʼ itháan mijngii náa tikhu nduʼun ga̱jma̱a̱ numuu guerra dí narígá náa Ucrania, dí gamíi magi̱ʼdu̱u̱n ga̱jma̱a̱ bombas nucleares, ma̱ngaa dí naxtiʼkhuu wéñuʼ dí xóo naʼni mijkha ga̱jma̱a̱ migúwán náa numbaaʼ” (Servicio internacional de noticias de la agencia AFP).

• Martes rígi̱, científicos nithi dí itsu̱u̱ ‹Reloj del Juicio Final› niʼba̱a̱n asndu náa 90 segundos itháan maʼni tikhu nduʼun, itháan mijngii kúwá xa̱bu̱ numbaaʼ náa armagedón (ABC News).

• “Mbá nguéjmi̱i̱n científicos bi̱ kúwá náa mbájndi numbaaʼ nithi rí mbiʼi xúgi̱, itháan gamíi rígá dí mambíin xa̱bu̱ ki xóo nákhá ginii” (The Guardian).

Lá natumuu mbiʼi rí mambíin xa̱bu̱ ga̱jma̱a̱ numbaaʼ náa kuwáánʼ ráʼ. Lá ndayóoʼ mamiñúlú gáʼni dí na̱ʼkha̱ marigá ráʼ. Ndiéjunʼ eʼthí náa Biblia rá.

Dí marigá nda̱wa̱á

Náa Biblia naʼthí dí “ku̱ba̱ʼ mbajyúuʼ kámuu mbiʼi” ga̱jma̱a̱ “makuwá kámuu xa̱bu̱ ikhí” (Eclesiastés 1:4; Salmo 37:29). Ikha jngóo xa̱bu̱ numbaaʼ xúni̱ gámbáa ku̱ba̱ʼ ga̱jma̱a̱ xúni̱ rí asndu nánguá kaʼnii maraxtaa.

Mú, náa Biblia naʼthí dí maʼga̱nú mbiʼi rí matumuu. Mbá xkri̱da, naʼthí dí ‹numbaaʼ na̱jkha̱ mambáa› (1 Juan 2:17).

• Mu ma̱ta̱ya̱a̱ ndiéjunʼ eyoo gáthúu̱n dí náa Biblia naʼthí dí mambáa numbaaʼ, atraxnuu artículo “¿Se acerca el fin del mundo? ¿Qué es el apocalipsis?”

• Mu ma̱ta̱ya̱a̱ ndiéjunʼ dí naʼthí náa Biblia dí inuu marigá náa xúgíʼ numbaaʼ, atraxnuu artículo ¿Cuándo será el fin del mundo?

Xáxmiéjuanʼ

Biblia ma̱ndoo mambáyúlú mu xáxmiéjunlú maski ajndu narígá xkujndu náa numbaaʼ rí kuwáánʼlú. Xú káʼnii rá.

• Biblia naxnúlú consejo dí nambáyúlú (2 Timoteo 3:16, 17). Mbá xkri̱da, atraxnuu artículo “Qué puedo hacer para no preocuparme tanto” Mu ma̱ta̱ya̱a̱ xú káʼnii Biblia ma̱ndoo mambáyaaʼ maski ajndu naʼni gakhi̱i̱ xóo maraxtaa.

• Náa Biblia naʼthí La esperanza real de un mañana mejor (Romanos 15:4). Naʼthí mbájmbu ¿Cuál es la señal de “los últimos días” o “los tiempos finales”? dí kua̱ʼthi̱i̱n marigá xúgi̱ ga̱jma̱a̱ nda̱wa̱á, mu xúʼko̱ xámíñulú muraʼníí dí wíji̱ marigá náa mbájndi numbaaʼ.

Mu ma̱ndoo majmañaaʼ itháan dí naʼthí náa Biblia, nutháanʼxu dí xúgi̱ má ma̱ndoo ma̱tri̱gú dí miʼsngáaʼ ga̱jma̱a̱ Biblia dí xáxtumán.