Phú i̱wa̱á i̱ka̱ ra’ne mba’iin xa̱bo̱ tsí na̱ju̱mu̱ú rí júwe̱e̱ʼ ndakhúu̱n | Dí iʼthán Ajngóo Ana̱ʼlóʼ rá.

Ná mbaʼa xuajen watraxu̱ún tikhun xa̱bo̱ xáne ini̱i̱ nambáxu̱ún gajmíí iʼwíin xa̱bo̱,a jamí waʼyáá rí mbaʼiin xa̱bo̱ na̱ju̱mu̱ú rí júwe̱e̱ʼ ndakhúu̱n.

• “Ngamí rí mbáa xa̱bo̱ ma̱ʼne janíí mina̱ʼ inúú iʼwíin xa̱bo̱, jámba̱a̱ xa̱bo̱ asndo náá máʼ xtáa̱, tsíʼne máʼ xí dxáma̱ o xa̱bo̱ nikhi̱i̱ ñajuu̱n ngamí magíʼnuu̱ ríge̱ʼ” (Ajngóo nána̱ Chido Mpemba, mbo̱ copresidenta de la Comisión de la Organización Mundial de la Salud sobre Conexión Social).

Ra̱ʼkhá i̱ndo̱ó xa̱bo̱ buanuu o tsí júwa̱ʼ tsíngua̱ʼ inúú iʼwíin xa̱bo̱ na̱ju̱mu̱ú rí júwe̱e̱ʼ ndakhúu̱n, rí asndo jiáma jamí i̱jín go̱ʼo̱ mangiin, xa̱bo̱ tsí gúkúun na̱nguá guáʼdáa nandi, tsí nidamijná máʼ jamí májánʼ júwe̱e̱ʼ na̱ju̱mu̱ú xkuaʼnii mangiin. Ído̱ rí mbáa xa̱bo̱ naʼne janíí mina̱ʼ inúú iʼwíin, ngamí mbayóo nandi jamí phú mathájuíin a̱kui̱in.

• “Ra̱ʼkhá i̱ndo̱ó nathájuíin a̱kui̱in xa̱bo̱ tsí nu̱ju̱mu̱u̱ rí xtáa̱ mbáwíi [...]. Xó máʼ phú ngamí rí ma̱ja̱ñúu xa̱bo̱ tsí natsikhá mbámbá mbiʼi mbá 15 ndíí, xkuaʼnii máʼ mangaa phú ngamí rí ma̱ja̱ñúu xa̱bo̱ tsí na̱ju̱mu̱u̱ rí xtáa̱ mbáwíi” (Ajngóo táta̱ Vivek Murthy, mbo̱ director general de Salud Pública ná xuajen Estados Unidos).

Rí naʼthán Ajngóo Ana̱ʼlóʼ

Mbo̱ neʼne ku̱máaʼlóʼ tsíyoo rí mu̱ʼne̱ janíí mijnálóʼ inúú iʼwíin. Ana̱ʼlóʼ nandoo rí mambáxa̱ʼlóʼ gajmiálóʼ iʼwíin xa̱bo̱ mu̱ndxákulóʼ ma̱ʼdxu a̱kia̱nʼlóʼ.

• Kíxnuu: “Ana̱ʼlóʼ Mikhuíí niʼthán: «Ra̱máján ma̱xtáa xa̱biya̱ mbáwíi»” (Génesis 2:18).

Ana̱’ló’ Mikhuíí nandoo rí ma̱mbáxa̱’ló’ gajmiáló’. Ana̱ʼlóʼ naxuʼda mina̱ʼ rí maxuʼma mine̱ʼ inalóʼ xí ikháanʼlóʼ nu̱ʼne̱ tsiakhe̱ mijnálóʼ ma̱xu̱ʼmá mijnálóʼ inuu̱ (Santiago 4:8). 

• Kíxnuu: “Gagi júwa̱ʼ xa̱bo̱ tsí nduyáá rí na̱mbu̱jmúú inuu Ana̱ʼlóʼ, numuu rí ikhii̱n jaʼñúu̱ mi̱ʼthán ñájúu̱n gáʼne Ana̱ʼlóʼ” (Mateo 5:3).

Ana̱ʼlóʼ nandoo rí mu̱ʼne̱ mba̱a̱lóʼ jambáxa̱ʼlóʼ gajmiálóʼ iʼwíin xa̱bo̱. Ído̱ rí nu̱ʼne̱lóʼ ríge̱ʼ, gagi eʼne a̱kia̱nʼlóʼ.

• Kíxnuu: “Gaxná gamiéjuanlóʼ rí mumbáyú mijnálóʼ kajngó ma̱wa̱ʼa̱ a̱kia̱nʼlóʼ rí ma̱galóʼ juʼñúú xa̱bo̱ jamí rí mu̱ʼne̱lóʼ rí máján […]. A̱gi̱mbáanʼlóʼ gajmiálóʼ a̱ngia̱nʼlóʼ […] kajngó mu̱ʼxna mijnálóʼ tsiakhe̱” (Hebreos 10:24, 25).

Xí nandaaʼ ma̱ma̱ñaaʼ i̱wa̱á xóó náá numuu jngó phú gíʼdoo numuu rí mu̱ʼne̱ tsiakhe̱ mijnálóʼ ma̱xáju̱ma̱ʼlóʼ rí juwa ndakhuáanʼlóʼ, araxnuu ná naʼthán “Xa̱bo̱ xóó na̱ju̱mu̱ú rí júwe̱e̱ʼ ndakhúu̱n”.