Náá e̱ʼkha̱ mbújkha̱a̱ rí najmún xa̱bi̱i̱ Jeobá rá.

Nandoo naguma ñajunʼ ndrígúxu núma̱a̱ má dí xa̱bi̱i̱ Jeobáa nuxna mbújkha̱a̱. Mbújkha̱a̱ rígi̱ ma̱ndoo mijkuáa mbájmbu náa caja dí rígá náa guʼwá nagimbáanʼxu o ma̱ndoo mixná xó má e̱ʼkha̱ raʼthí náa ináa ndrígúxu náa naʼthí donaciones. Xa̱bu̱ ma̱ndoo maraʼwíí á mu nandoo maxná mbújkha̱a̱ mu majmaa náa naguma ñajunʼ ndrígúxu náa mbájndi numbaaʼ, mu majmaa náa ndayooʼ náa nagimbáanʼxu o náa mbá nájma̱ má.

Nimbáa xa̱bi̱i̱ Jeobá na̱nguá ejuiʼtháán nguáthá mbújkha̱a̱ gíʼmaa maxná. Ni má nda̱wa̱a̱ tsáa exná diezmo o i̱ʼwáʼ (2 Corintios 9:7). Náa nagimbáanʼxu na̱nguá extanda̱ʼa̱ mbújkha̱a̱ ni má tséxtuma rí mata̱ʼa̱a̱ʼ. Bi̱ nusngúxu̱ na̱nguá eruma dí muxumiinʼ iyááʼ xa̱bu̱, rí muxna discurso índo̱ nakháñuu mbáa, náa nunigu̱nʼ o i̱ʼwáʼ rí naguma. Tségujua̱xu ganitsu ni má i̱ʼwáʼ mu mugímbóo mbújkha̱a̱. Ni má tsénixu marigá loterías, rifas, ndxa̱a̱ o i̱ʼwáʼ mu xúʼko̱ makhánuxu̱ mbújkha̱a̱, ni má tséndu̱ʼu̱u̱n xa̱bu̱ rí muxnuxu̱ mbújkha̱a̱. Ga̱jma̱a̱ nditháan tségríguxu pajnu mbiʼñún bi̱ nuxna mbújkha̱a̱ (Mateo 6:2-4). Ma̱ngaa, nimbá náa ináa ndríguxu tséʼkha̱ anuncio rí nuxudanʼ bi̱ nugujua̱.

Mámbá igu̱nʼ, mámbá náa nagimbáanʼxu náa kúwá xa̱bi̱i̱ Jeobá nuxna informe xú káʼnii ejmaa mbújkha̱a̱, rí nandoo nudxawíín xúgíinʼ. Mámbá nguáthá mba̱yu̱u̱ʼ naguma mbá auditoría náa najuiʼyáá xkáʼnii ejmaa mbújkha̱a̱ dí najuixná mu mbiʼyáá á mu najmaa xóo gíʼmaa (2 Corintios 8:20, 21).

Xóo maraxna mbújkha̱a̱

• Caja náa najthi mbújkha̱a̱: Ma̱ndoo matrajkuáa mbújkha̱a̱ o cheque náa caja dí rígá náa guʼwá nagimbáanʼxu, indo̱ narígá Asambleas o i̱ʼwáʼ náa nagimbáanʼxu.

• Xóo maraxna náa internet: Náa mbaʼa país ma̱ndoo maraxna mbújkha̱a̱ náa internet “Maraxnu̱u̱n xa̱bi̱i̱ Jeobá” mu maraxna mbújkha̱a̱ ga̱jma̱a̱ tarjeta de crédito o débito, matrajkuáa náa banco o majmaaʼ i̱ʼwáʼ dí rígá mu maraxna.b Tikhun xa̱bi̱i̱ Jeobá nuyejxi̱i̱ “mbá chíʼgíiʼ mbújkha̱a̱” dí muxna mámbá igu̱nʼ, ikha jngóo najmún tikhu dí rígá mu muni̱ dí maxná ikháá dí mámbá igu̱nʼ (1 Corintios 16:2).

  

• Dí nandaaʼ maraxna: Mu ma̱ndoo maraxna tikhuʼ rígá rí ndayóoʼ matríyaʼ wapha̱á awan ga̱jma̱a̱ dí maxtáa abogado bi̱ maʼniginuu. Rígi̱ ma̱ndoo mambáyaaʼ mu majmaaʼ májánʼ dí rígá náa xtaa. Mbaʼin nduyáá dí májánʼ nindxu̱u̱ rí mbuyáá xú káʼnii gándoo gúxna rí kuáʼdáá xúgi̱ ó índo̱ gákháñun. Ma̱ndoo marataráʼa náa Sucursal ndrígu̱ún xa̱bi̱i̱ Jeobá dí rígá náa mijngii xtaa mu ma̱ndoo ma̱ta̱ya̱a̱ xú káʼnii gándoo gáraxna dí xtaʼdáá:

  • cuenta náa banco

  • seguros ga̱jma̱a̱ rí nakánáaʼ índo̱ natani̱i̱ jubilar

  • mbaaʼ ga̱jma̱a̱ guʼwá

  • acciones ga̱jma̱a̱ bonos

  • testamentos ga̱jma̱a̱ fideicomisos

Á mu nandaaʼ mata̱ya̱a̱ itháan xóo ma̱ndoo maraxna mbújkha̱a̱ náa xtaa, ayuʼ náa naʼthí “Maraxnu̱u̱n xa̱bi̱i̱ Jeobá”.