2. Lá kuaʼdáá aʼkhúlúʼ ikha jngó numíniiʼ ráʼ.

Ndíjkha gíʼdoo numuu mbuʼyáá xóo extiʼña̱a̱ rá.

Á mu kuaʼdáá aʼkhúlúʼ ga̱jma̱a̱ numuu rí numíniiʼ, ikháanʼ má gáʼngulú guʼni gámbáa.

Atatsaʼwáminaʼ rígi̱

Gi̱i̱ najuiʼthá tikhu rí naʼni mumíniiʼ. Náa numuu rí mangáanʼ nuʼni marigá xkujndu rígi̱ rá.

• 

  Rí naguma gíníi

  Organización Mundial de la Salud (OMS) naʼthí rí náa mbá a̱jkhu̱u̱n xa̱bu̱ mbáa dí ikhiin niguma gínáa nákha chíʼgíiʼ ga̱jma̱a̱ dí náa ajtsúun gu̱ʼu̱ mbáa niguma gínáa o nitsijmaa (o mbá nájma̱ má) náa vida ndrígóo.

• 

  Bi̱ nakháñun

  Náa Estadísticas sanitarias mundiales 2018 (náa inglés), dí niríyaʼ OMS, “nakujmaa rí nákha tsiguʼ 2016 niradíin mbá 477,000 xa̱bu̱ náa xúgíʼ numbaaʼ”. Ma̱ngaa nakujmaa xóo mbá 180,000 nikháñun náa guerra ga̱jma̱a̱ náa i̱ʼwáʼ xkujndu ikháá má tsiguʼ rúʼko̱.

• 

  Nandii

  Náa mbá artículo ndrígóo revista National Geographic, mbáa a̱ʼgu̱ bi̱ mbiʼyuu Fran Smith niʼthí: “Kúwá itháan dí mil millón xa̱bu̱ bi̱ nutsikha ndíí náa numbaaʼ, ga̱jma̱a̱ naʼni maku̱mu̱u̱ mbá witsu nandii rí naʼni makhañún xa̱bu̱ xóo, nandii rí naxnúu náa ámiu̱ún, náa edxu̱ún, nánguá ñajunʼ májánʼ xtíjtiu̱ún, naʼni gakhi̱i̱ mbu̱ya̱ xi̱ʼ ga̱jma̱a̱ naxnún cáncer náa xtíjtiu̱ún”.

• 

  Rí na̱nguá mbríguiin xa̱bu̱

  Mbáa psicóloga Jay Watts naʼthí: “Tsingíná, rí nda̱a̱ mbújkha̱a̱, dí ni̱ndxu̱ún mixtiʼkhu raza, numuu rí ni̱ndxu̱ún xa̱bekha o gu̱ʼu̱, rí nandún maguaʼdáá ga̱jma̱a̱ rí ndayóoʼ muniñaʼ guʼwún naʼni rí xa̱bu̱ mamiñún wéñuʼ o maxmiéjúnʼ wéñuʼ”.

  MU MA̱TA̱YA̱A̱ ITHÁAN

  Ayuʼ náa jw.org ma̱ngaa atayáá video Náá numuu rí Dios ni’ni ku̱ba̱ʼ rá.

Rí naʼthí náa Biblia

Xa̱bu̱ guáʼdáá má aʼkhúun ga̱jma̱a̱ numuu rí numíniiʼ

Nguáná numíniiʼ ga̱jma̱a̱ numún Xa̱bu̱ Ñajunʼ bi̱ nuni gíníi xa̱bu̱ bi̱ nutañajúúnʼ.

“Xa̱biya̱ naʼtáñajunʼ xa̱biya̱ mu maʼniu dí raʼkhí” (ECLESIASTÉS 8:9).

Ma̱ndoo muʼni rí xáguaʼdáá wéñuʼ xkujndu

Consejo rí naxná Biblia ma̱ndoo maʼni rí xáʼniulú wéñuʼ nandii ga̱jma̱a̱ maʼni rí mambáxulu itháan májánʼ gajmiúlú eʼwíinʼ.

“Mbáa bi̱ guabaaʼ a̱jkiu̱u̱n naʼni rí maxtáa májánʼ xuyuuʼ, mú tsíxígú naʼni rí mi̱ga̱ itsu̱” (PROVERBIOS 14:30).

“Ní xuyéʼgua sia̱nʼ ga̱jma̱a̱ ní xágigáanʼ, ní xákiʼnáanʼ, ní xúndxaʼwajmíin eʼwíínʼ ga̱jma̱a̱ ní xúta wéñúúnʼ eʼwíínʼ ga̱jma̱a̱ xúgíʼ rí ra̱májánʼ” (EFESIOS 4:31).