5. Lá maʼga̱nú mambáa rí numíniiʼ ráʼ.
Ndíjkha gíʼdoo numuu mbuʼyáá xóo extiʼña̱a̱ rá.
Dí nduʼyáá rí gajkhun mambáa rí numíniiʼ ma̱ndoo mambáyulúʼ mu makuwáanʼ tsímáá ga̱jma̱a̱ rí xúndxaʼwamíjna̱ dí ra̱májánʼ ga̱jma̱a̱ numuu Dios.
Atatsaʼwáminaʼ rígi̱
Mbaʼin xa̱bu̱ nandún muni gámbáa tsingíná, mú nda̱a̱ rí eʼngu̱u̱n muni. Atayáá rígi̱:
Maski ajndu médico nagún rajmañún itháan...,
nandii rí nawi̱ji̱ a̱jkiu̱ún naʼni rí makhañún wéñuʼ xa̱bu̱.
cáncer nagudíin mbaʼin wéñuʼ xa̱bu̱ mámbá tsiguʼ.
“xa̱bu̱ naʼniún nandii gakhi̱i̱ rí na̱jkha̱roʼoo. Ma̱ngaa narígá nandii nuxi̱ʼ o nandii rí nikumulú rí nindáti̱ga̱a̱”, rígi̱ niʼnirámáʼ doctor David Bloom náa revista científica (Frontiers in Immunology).
Maski ajndu náa i̱ʼwáʼ país rígá wéñuʼ mbújkha̱a̱...,
mú xúgíʼ tsiguʼ mbaʼin wéñuʼ e̱ji̱n nakháñun, itháan náa xuajen rí migíná wéñuʼ.
mbaʼin wéñuʼ xa̱bu̱ kúwá náa nda̱a̱ náa maʼga̱ iyaʼ tsaga.
mbaʼin wéñuʼ xa̱bu̱ na̱nguá guáʼdáá iyaʼ mu muwan.
Maski ajndu nduyáá itháan ga̱jma̱a̱ numuu xtángoo ndrígóo xa̱bu̱...,
náa mbaʼa xuajen, xóó naxtangujui̱i̱n xa̱bu̱. Mbá informe rí nixná Naciones Unidas, xuajen náa tséni gámbáa xkujndu rígi̱ “nuni asndu xóo tséyáá o na̱nguá kúwá xawii mu muraʼníí”.
MU MA̱TA̱YA̱A̱ ITHÁAN
Ayuʼ náa jw.org ma̱ngaa atayáá video Ndiéjunʼ nindxu̱u̱ Reino ndrígóo Dios rá.
Rí naʼthí náa Biblia
Dios naxmiéjunʼ kaʼyulú
Dios nagawúunʼ índo̱ ndaʼyoo rí numíniiʼ.
Dios “tseguiyuʼ kaʼyoo índo̱ mbáa xa̱bu̱ namínuuʼ, tsérkaʼuminaʼ náa inuu. Índo̱ ikhaa nindxaʼóo mu mambáyúu, ikhaa niʼdxuun” (SALMO 22:24).
“Gutha̱a̱n xúgíʼ Dios rí naxmiéjuanla, numuu rí ikhaa naxmiéjunʼ kaʼyala” (1 PEDRO 5:7).
Xúminiiʼ asndu kámuu mbiʼi
Náa Biblia naʼthí rí Dios maʼni gámbáa rí numíniiʼ.
Dios “margujndooʼ xúgíʼ iyooʼ idún, ní xákháñún itháan, ní xarígá tsingíná, ni xtambiyaʼ asndu má gaʼkhu” (APOCALIPSIS 21:3, 4).
Dios maʼni gámbáa xúgíʼ rí naʼni numíniiʼ
Majmuu Reino ndrígóo mu maʼni gámbáa, xó má eʼthí náa Biblia, rí nindxu̱u̱ mbáa Xa̱bu̱ Ñajunʼ gajkhun.
“Dios bi̱ xtáa mekhuíí magíiʼ mbá reino rí xáʼga̱nú mambáa, ni má xánújnga̱a̱ náa eʼwíinʼ xa̱bu̱. [...] Ga̱jma̱a̱ i̱ndó ikhaa maxtáa asndu kámuu mbiʼi” (DANIEL 2:44).