Ndiéjunʼ endxa̱ʼwáminaʼ Dios ga̱jma̱a̱ numuu tsingíná rá.

Tikhun xa̱bu̱ nakumu̱ún rí na̱nguá eʼyoo ga̱jma̱a̱ tsixmiéjunʼ.

ATATSAʼWÁMINAʼ RÍ NAʼTHÍ NÁA BIBLIA

• Dios ndaʼyoo ga̱jma̱a̱ naxmiéjunʼ

  “Jeobá ndiʼyoo rí xa̱bu̱ kuwa runi dí ra̱májánʼ wéñuʼ náa tsu̱du̱u̱ ku̱ba̱ʼ [...] ga̱jma̱a̱ nixtáa gíná wéñuʼ” (Génesis 6:5, 6).

• Dios maʼni gámbáa tsingíná

  “Ilájuíin má tígo̱o̱ dí xa̱bu̱ xkawiʼ maguma gámbáa; ga̱jma̱a̱ índo̱ ikháánʼ gátaʼyáaʼ ikhaa ní xáxtáa. Mú xa̱bu̱ bi̱ májánʼ a̱jkiu̱ún makuwá náa tsu̱du̱u̱ ku̱ba̱ʼ, ga̱jma̱a̱ makuwá tsímáá wéñuʼ” (Salmo 37:10, 11).

• Rí nandoo Dios maraʼdáá ikháánʼ

  “Numuu rí i̱ndó ikhúúnʼ eyo̱o̱ rí endxaʼwamínáʼ ga̱jma̱á numala —eʼthí Jeobá—, nandxaʼwamínáʼ rí májánʼ, raʼkháa dí ra̱májánʼ, mu makuwáanʼ májánʼ nda̱wa̱á ga̱jma̱a̱ makánala mbá rí wíji̱ ma̱ʼkha̱. Ikháanʼ mundxa̱ʼwo̱ʼ ga̱jma̱a̱ mutakháñuʼ, ga̱jma̱a̱ ikhúúnʼ madxawanlaʼ” (Jeremías 29:11, 12).

  “Guxu̱ʼmámíjná náa Dios ga̱jma̱a̱ ikhaa makuʼmaminaʼ náa ikháanʼ” (Santiago 4:8).