Rí nagi̱ʼdu̱u̱ náa sección 11

Náa sección rígi̱, mugíʼdi̱i̱ muraxnuu rí na̱ʼkha̱ náa Escrituras Griegas Cristianas. Mbuʼyáá rí Jesús nixtáa náa mbá xuajen náa mbá guʼwíin rí táguaʼdáá wéñuʼ mbújkha̱a̱ ga̱jma̱a̱ niñajunʼ ga̱jma̱a̱ anu̱u̱, bi̱ niʼtóo ixi̱. Jesús maʼni káwíin xa̱bu̱ numbaaʼ. Jeobá niraʼwíi mu mani̱ndxu̱u̱ Rey náa Reino dí rígá mekhuíí. Á mu ikháánʼ xtaʼdiin e̱ji̱n, atambáñun makru̱ʼu̱u̱n rí Jeobá niraʼwíin ga̱jma̱a̱ tsu̱ma̱ bi̱ maxtáa gajmíi̱n Jesús mu mbaja̱a̱ májánʼ. Arathún rí Jeobá niñewu̱u̱n Jesús índo̱ Herodes nindoo maxíyáa. Nda̱a̱ nimbá rí maʼngo̱o̱ marikhoo rí mambanúu rí Jeobá nikudaminaʼ maʼni. Arasngúún rí Jeobá niraʼwíi Juan mu maʼniratoo kambo̱o̱ Jesús. Arathá rí asndu nákha chíʼgíʼ, Jesús niniguʼ wéñuʼ ku̱ma̱ ndrígóo Jeobá.