Rí nagi̱ʼdu̱u̱ náa sección 12

Jesús niʼthí ga̱jma̱a̱ numuu Reino bi̱ xtáa mekhuíí. Ma̱ngaa niʼsngáa rí munda̱ʼa̱ rí maguma kaʼwi̱i̱ mbiʼyuu Dios, rí ma̱ʼkha̱ Reino ndrígóo ga̱jma̱a̱ maguma rí eyoo náa tsu̱du̱u̱ ku̱ba̱ʼ. Á mu ikháánʼ xtaʼdiin e̱ji̱n, atambáñun makru̱ʼu̱u̱n ndiéjunʼ eyoo gáʼthúu̱n tsajkhun rúʼko̱ náa ikháanʼ. Jesús tániñuʼ rí Satanás maʼniu rí xánindxu̱u̱ jmbii, ikhaa nisngájma rí niniguʼ wéñuʼ mbaʼyamajkuu Jeobá. Niraʼwíin apóstoles ndrígóo, ga̱jma̱a̱ nixnúún ñajunʼ kiejunʼ muni. Ga̱jma̱a̱ numuu rí Jesús nindoo mambáñun eʼwíínʼ, niʼni thanún bi̱ guáʼdáá nandii, nixniʼtsun bi̱ nixkidxu̱u̱n ga̱jma̱a̱ nikuxi̱ín tikhun bi̱ nikháñun. Ga̱jma̱a̱ xúgíʼ milagros, nisngájma rí maʼni Reino ga̱jma̱a̱ numún xúgínʼ xa̱bu̱ numbaaʼ.