1914-2014 Naʼni cien tsiguʼ rí xtáa raʼtáñajunʼ Reino

Nákha tsiguʼ 1922, ndxájulú Rutherford niʼthí gakhii ajngáa rígi̱: “¡Gu̱ya̱a̱, Rey xtáa raʼtáñajunʼ! [...] Gutaráʼa numuu Rey ga̱jma̱a̱ reino ndrígóo”. Tsiguʼ rígi̱ naʼni mbá cien tsiguʼ rí xtáa raʼtáñajunʼ Reino, ga̱jma̱a̱ ajngáa rígi̱ naʼni rí makuwáanʼ gagi. Guʼni mbá tsiakii mba̱a̱ mu agosto manindxu̱u̱ mbá gu̱nʼ rí marigá wéñuʼ ñajunʼ xóo nimbá miʼtsu tárígá ga̱jma̱a̱ gumbáñuun eʼwíínʼ xa̱bu̱ majmúún ináa ndrígóo Internet jw.org mu xúʼko̱ majmañún ga̱jma̱a̱ numuu Reino.