Guríyaʼ itháan rí mambáyulúʼ náa nuʼnigajmaa ndajkuáanʼ

NDÍJKHA RÍ GÍʼDOO NUMUU. Rí muʼnigajmaa ndajkuáanʼ Ajngá rawunʼ Dios nambáyulúʼ makru̱ʼu̱lú májánʼ “xú káʼnii ma̱ja̱nʼ ga̱jma̱a̱ rí mbaʼ, rí mitsidaanʼ ga̱jma̱a̱ rí mi̱jnu̱ʼ” rí gajkhun (Ef 3:18). Nambáyulú mu xaguaʼdáá aʼkhúlúʼ ga̱jma̱a̱ nda̱a̱ rí gáʼni tígulú náa numbaaʼ xkawiʼ rígi̱, rí muʼnimbulúʼ ‹má xúʼko̱ ajngáa rí naʼni makuwáanʼ› (Flp 2:15, 16). Rí muʼnigajmaa ndajkuáanʼ Ajngá rawunʼ Dios mambáyulúʼ muraʼwíí rí muʼni. Xú káʼnii gándoo gajmulú májánʼ mbiʼi rí nuríyaʼ mu muraxnuu ga̱jma̱a̱ muʼnigajmaa Biblia rá.

XÚ KÁʼNI GÚʼNI

• Guxnííʼ tikhu versículos ga̱jma̱a̱ guʼniraʼmáʼ notas náa Biblia rí nuʼnigajmaa, tséʼniuu á mu nindxu̱u̱ i̱yi̱i̱ʼ o náa formato electrónico.

• Gundxaʼwáá edxu̱lú xú guriʼña gra̱xe “tsáa”, “ndiéjunʼ”, “náa mínaaʼ”, “nguáná”, “xú káʼnii” ga̱jma̱a̱ “náá numuu” índo̱ nuraxnuu.

• Muruwa̱a̱ xúgíʼ rí ndayúlú. Ma̱ndoo mbuʼyááʼ mámbá tema o mámbá versículo, gajmúlú herramientas rí kuáʼdaa mu mbuʼyáá itháan.

• Gundxaʼwamíjna̱ rí nuraxnuu mu mbuʼyáá xú káʼnii gándoo gambayúlú.

• Guʼgíʼ muʼnimbaníí rí najmañulúʼ náa xúgíʼ mbiʼi rí kuwáanʼ. (Lu 6:47, 48).

NDA̱WA̱Á RÍ NITAYÁÁ VIDEO RÍ MUʼNIGAJMAA NDAJKUÁANʼ NAMBAYULÚ MURAJTUMIJNAA NÁA AJNGÁ RAWUNʼ DIOS, ATRIʼÑA̱A̱ GRAXE̱ RÍGI̱:

• Ndiéjunʼ endxaʼwamíjna̱ tikhun ga̱jma̱a̱ numuu rí munigajmaa ndajkuíin rá.

• Ndíjkha jngó gíʼmaa muʼtájkáan nákha xóo tsegíʼdi̱i̱ muʼnigajmaa rá.

• Ndiéjunʼ gándoo gambáyulú mú makru̱ʼu̱lú májánʼ rí naʼthí náa Biblia rá.

• Ndiéjunʼ gándoo gúrama náa Biblia dí najmulú mu muʼnigajmaa rá.

• Náa numuu rí gíʼmaa mundxaʼwamíjna̱ índo̱ nuʼnigajmaa Ajngá rawun Dios rá.

• Ndiéjunʼ gáʼyóoʼ muʼni ga̱jma̱a̱ rí najmañulúʼ rá.