Xú káʼnii gándoo guʼyáʼ rí gíʼdoo numuu rí ma̱ndoo mambáyulú

Índo̱ nuraxnuu Biblia, mbá rí xóo ma̱ndoo mambáyulú mu muxkamaa rí gíʼdoo numuu, nindxu̱u̱ rí mbuʼyáʼ má xúʼko̱. Mú, ndiéjuunʼ rí ma̱ndoo muʼni, mu mambáyulú rí kuwáanʼ runigajma̱a̱ rá.

Guʼyáʼ itháán dí kuwáanʼ ruraxnuu. Mbá xkri̱da, tsáá niʼnirámáʼ, nguáná nigumaraʼmáʼ ga̱jma̱a̱ tsáá ejkha̱ inuu rá. Xú káʼnii nixtáa ikhaa xá. Ndiéjuunʼ nirígá ginii ga̱jma̱a̱ nda̱wa̱á rá.

Gundxaʼwamíjna̱ rí najmañulú. Guʼyáʼ xóo naxtiʼña̱a̱ graxe̱ rígi̱: “Xú káʼnii nikumu̱ún xa̱bu̱ bi̱ naʼthí náa Biblia rá. Xú káʼnii cualidades nisngajmá ga̱jma̱a̱ náá numuu rí gíʼmaa mbayaridúún xá. Náá rí nijngawi̱i̱n ga̱jma̱a̱ ndíjkha dí ragíʼmaa ma̱ni̱ mangúún rá.”

Guʼgíʼ muʼni dí nijmañulúʼ. Mbá xkri̱da, índo̱ nagájnulú gúʼtaraʼa o índo̱ kuwáánʼ gajmiúlú eʼwíinʼ. Xúʼko̱ makuwáanʼ rúʼgíʼ muʼni dí naʼthí náa Salmo 107:43: “Xa̱bu̱ bi̱ najmañuu mbaʼyoo dí gajkhun nindxu̱u̱ rígi”.

• Rí ma̱ndoo matani̱: Atayáá náa níʼkhóo “Gíʼdoo numuu rí na̱ʼkha̱ náa Biblia”, rí nduʼyáá náa reunión dí naguáʼdáá ta̱pha̱ xmáná, naʼthí itháán ga̱jma̱a̱ numuu xóo matani̱ ga̱jma̱a̱ atagíminaʼ matani̱ rúʼko̱. Ma̱ngaa náa níʼkhóo rígi̱, na̱ʼkha̱ tikhuʼ graxe̱ rí ma̱ndoo mu̱ʼni̱, puntos rí ma̱ndoo mundxa̱ʼwa̱míjna̱ ga̱jma̱a̱ xtiʼkhuu rí ma̱ndoo mbuʼyáá.