Arathún eʼwíinʼ rí najmañaaʼ

Índo̱ nuʼnigajmaa Biblia nuʼda̱a̱lú tsiaki̱i̱, mú itháan makhánáaʼlú tsiaki̱i̱ á mu nuʼthúún eʼwíinʼ mbá rí gíʼdoo numuu dí nijmañulúʼ. Proverbios 11:25 naʼthí: “Bi̱ naʼni̱i̱ a̱jkiu̱ún eʼwíinʼ mbayáa tsiaki̱i̱”.

Á mu nuʼthúún eʼwíinʼ dí najmañulú mambáyulú mu makru̱ʼu̱lú itháan májánʼ ga̱jma̱a̱ magida̱ʼ edxu̱lúʼ ma̱ngaa maʼni dí makuwáanʼ gagi numuu dí nduʼyáá dí rígi̱ ma̱ngaa ma̱ndoo mambáñún eʼwíinʼ mu maʼni itháan gujkhuʼ fe ndrígún (Hech. 20:35).

Atagíminaʼ matani̱ rígi̱: Dí i̱mba̱ semana ataniminaʼ maratha̱a̱n mbá dí nijmañaaʼ mbáa bi̱ xtayáá, mbáa ndxájulú náa congregación, mbáa bi̱ natiejunʼ ga̱jmaaʼ o bi̱ nadxuu ga̱jmaaʼ escuela, mbáa xa̱bu̱ bi̱ xtáa mijngii náa xtáa. Gajmaaʼ ajngáa dí ramíʼskhoo ga̱jma̱a̱ dí ma̱ndoo makru̱ʼu̱u̱n.

Gármáʼáan a̱jkia̱a̱nʼ: Narathúún eʼwíinʼ dí najmañaaʼ mu maraxnu̱u̱n tsiaki̱i̱ raʼkháa mu matasngajmún dí ikháán itháan najmañaaʼ (1 Cor. 8:1).