Náa numuu rí bi̱ nutaraʼa numuu Jeobá nutaruʼun xa̱bu̱ bi̱ guáʼdáá má religión rá.

Ndiya̱a̱xu rí xa̱bu̱ bi̱ guáʼdáá má religión nanigu̱nʼ muthi ga̱jma̱a̱ numuu mbaʼa rí na̱ʼkha̱ náa Biblia. Mú nduyamajkhúnxu xa̱bu̱ bi̱ guáʼdáá imbo̱o̱ religión ga̱jma̱a̱ tseni kañún mu mudxawíín ajngáa rí na̱jkuá kuyuxu.

Índo̱ nuʼthá ga̱jma̱a̱ numuu religión, nuʼgíʼ nunimbániixu xtágabu rí na̱ʼkha̱ náa Biblia nunixu ga̱jma̱a̱ ‹wabaʼ a̱jkiu̱xuʼ› ma̱ngaa ‹ga̱jma̱a̱ gamajkhu› índo̱ nuthu̱u̱nxu eʼwíínʼ xa̱bu̱ (1 Pedro 3:15). Raʼkháa xúgínʼ bi̱ nutaruʼun maʼndún mudxawíín (Mateo 10:14). Mú tséʼyáá xú guriʼña xa̱bu̱ asndu índo̱ gúʼtámíjná gajmiúlú. Ma̱ngaa nduʼyáá rí xa̱bu̱ nuriʼkhumijná.

Mbá xkri̱da, nguáná mbáa xa̱bu̱ tsíguaphaa kayuʼ, mú ma̱ndoo muʼtámíjná gajmiúlú imbo̱o̱ mbiʼi. Nguáná xa̱bu̱ nuraʼníí i̱ʼwáʼ xkujndu, rígi̱ naʼniún mudxawíín rí naʼthí náa Biblia. Ikha jngó nuʼni mbá tsiakii mu muʼthúún xa̱bu̱ mbaʼa nuthu.