Gamíi dí narígá náa guerra

“Xúgíʼ mbiʼi natayáá dí xtáa rarígá, natayáá xóo eradíin xa̱bu̱ o nuni̱ gawúunʼ. Natatsaʼwáminaʼ má xúʼko̱ ga̱jma̱a̱ numuu dí gamíi marigá” (Gary, Gran Bretaña).

“Nigawúnʼ ga̱jma̱a̱ xndúu ajua̱nʼ náa tsu̱du̱ʼ ga̱jma̱a̱ náa inuʼ ga̱jma̱a̱ ndi̱yo̱o̱ xóo niradíin mbaʼin xa̱bu̱ ma̱ngaa asndu e̱ji̱n ga̱jma̱a̱ xabuanii. Guerra naʼni dí ní xágáwíinʼ a̱jkia̱a̱nʼ xtañún xa̱bu̱ índo̱ numíniiʼ ga̱jma̱a̱ índo̱ nakháñún” (Wilmar, Colombia).

“Nditháan tsémbumaaʼ índo̱ natayáá xóo exiyáa mbáa xa̱bu̱, índo̱ natayáá xóo endxa̱ʼwá ga̱jma̱a̱ xóo mínuuʼ, gíwáanʼ má xúʼko̱ a̱jkia̱a̱nʼ eʼni xa̱bu̱ buʼko̱” (Zafirah, Estados Unidos).

“Niku̱mu̱ʼ dí ni xátangu̱ún maxtáá gagi, nimíñúʼ makhañúʼ mú itháan má nimíñúʼ rí makhañún bi̱ kañun ga̱jma̱a̱ bi̱ nambájxu̱ʼ gajmíʼ” (Olexandra, Ucrania).

“Asndu nákha las 2 dí miʼcha̱ asndu las 11 rí wakíʼ nani fila mu makhánúʼ ganitsu. Asndu namíñúʼ gúju̱nʼ ikhí numuu dí nda̱yo̱o̱ dí gamíi magawúnʼ ga̱jma̱a̱ xndúu ajua̱nʼ dí narmidá xa̱bu̱ bi̱ nuxmijná mijngii ikhí” (Daler, Tayikistán).

“Anu̱ʼ ga̱jma̱a̱ ru̱dúʼ nikháñún náa guerra, niguanúʼ xóo a̱ʼdá xuáʼa, ndawa̱a̱ nimbáa bi̱ mañe̱wu̱nʼ ni má bi̱ maʼni̱i̱ a̱jkiu̱nʼ” (Marie, Ruanda).