Ndíjkha jngóo kaʼníí rígá guerra ga̱jma̱a̱ nuxmijná xa̱bu̱ rá.

GA̱JMA̱A̱ NUMUU AʼKHÁ

Dios niʼnii Adán ga̱jma̱a̱ Eva xó má ikhaa mu xúʼko̱ musngajma cualidad dí ikhaa gíʼdoo, xóo dí maʼndún makuwá tsímáá ga̱jma̱a̱ dí maʼndún kuñún eʼwíinʼ (Génesis 1:27; 1 Corintios 14:33; 1 Juan 4:8). Mú ngíná dí ikhiin túnimbu̱u̱n kuyáá Dios ga̱jma̱a̱ nixudami̱jna̱ aʼkhá, numuu rí xúgiáánʼ ikháanʼlú naguwaʼ náa ikhiin, ikha jngóo nindxu̱lú xa̱bu̱ aʼkhá ga̱jma̱a̱ nakháñulú (Romanos 5:12). Numuu dí nindxu̱lú xa̱bu̱ aʼkhá nundxaʼwamíjna̱ dí ra̱májánʼ, ga̱jma̱a̱ rúʼko̱ ma̱ndoo maʼni dí mu̱ʼni̱ dí ra̱májánʼ (Génesis 6:5; Marcos 7:​21, 22).

GA̱JMA̱A̱ NUMÚN XA̱BU̱ ÑAJUNʼ

Dios na̱nguá niʼniáánʼ dí majmáánʼ muʼtáñajunmi̱jná. Náa Biblia naʼthí: “Na̱nguá kaʼyoo xa̱bu̱ numbaaʼ maraʼwíí náá gájngríga” (Jeremías 10:23). Ikha jngóo xa̱bu̱ ñajunʼ tséʼngu̱u̱n gúni gámbáa mbá kayuuʼ guerra ga̱jma̱a̱ dí nuxmijná xa̱bu̱.

GA̱JMA̱A̱ NUMUU GIXA̱A̱ MA̱NGAA XA̱BU̱ WÉÑIIʼ

Náa Biblia naʼthí dí “náa xúgíʼ numbaaʼ rígá tsiakii ndrígóo Gixa̱a̱” (1 Juan 5:19). Gixa̱a̱ nindxu̱u̱ bi̱ nagudíin xa̱bu̱ (Juan 8:44). Ikhaa ga̱jma̱a̱ xa̱bu̱ wéñiiʼ nuxkajxi̱i̱n xa̱bu̱ dí mu̱ni̱ guerra ga̱jma̱a̱ dí muxmijná (Apocalipsis 12:​9, 12).