Oinsá atu uza livru neʼe

Iha pájina sira tuirmai, Ita sei haree eskritura ba loron ida-idak no komentáriu ba eskritura sira. Maski Ita bele lee eskritura no komentáriu sira iha tempu naran deʼit, maibé ema barak gosta atu lee iha dadeer. No durante loron neʼe sira bele hanoin fila fali buat neʼebé sira lee. Hodi lee eskritura ba loron neʼe nuʼudar família bele ajuda duni sira. Família Betel iha mundu tomak mós halo nuneʼe iha tempu matabixu.

Komentáriu sira foti husi Livru Haklaken (w) husi fulan-Abríl 2015 toʼo fulan-Marsu 2016. Númeru neʼebé hakerek depois data ba Livru Haklaken nian mak hatudu kona-ba númeru ba lisaun sira (1, 2, 3, 4, ka 5), no númeru tuirmai hatudu kona-ba parágrafu sira neʼebé fó sai informasaun neʼe. (Haree ezemplu iha kraik.) Bele mós haree ba lisaun neʼe atu hetan informasaun liután. Atu hatene lisaun neʼe hahú iha pájina ida-neʼebé, haree ba Livru Haklaken nia oin.