LIVRU ATU ESTUDA

Bíblia kompara Satanás hanesan ho leaun hamlaha neʼebé hasai lian makaʼas. Nia iha forsa boot, siʼak no laran-aat, no lohidór. Lisaun rua neʼe sei ajuda ita atu haree tansá mak ita tenke hamriik metin hasoru inimigu perigu neʼe. Ita mós bele haree saida mak ita bele halo atu proteje ita-nia an husi ninia lasu sira.

Jeová kria ita ho kbiit atu bele hanoin kona-ba buat neʼebé ita nunka haree ka koko. Maibé, ita bele uza ita-nia kbiit neʼe iha dalan neʼebé diʼak ka iha dalan neʼebé sala. Iha lisaun rua neʼe, ita sei koʼalia kona-ba ema balu iha Bíblia nia tempu no oinsá mak sira-nia ezemplu bele ajuda ita atu uza didiʼak kbiit neʼe hodi hametin ita-nia fiar. Ita mós sei haree oinsá mak kbiit neʼe bele ajuda ita atu tau fiar no banati-tuir Jeová nia domin, laran-diʼak, matenek, no solok.