Saida mak Bíblia hanorin?

Ita moris iha “loron ikus sira” ka lae?

Tuir Ita-nia hanoin?

• Sin

• Lae

• Karik

Saida mak Bíblia hatete?

“Iha loron ikus sira sei mosu problema barak neʼebé susar atu tahan.” (2 Timóteo 3:1) Bíblia nia profesia no buat neʼebé akontese ohin loron hatudu katak ita moris duni iha “loron ikus sira”.

Saida tan mak Bíblia hanorin?

• Iha loron ikus sira, sei iha funu, rai hamlaha, rai-nakdoko, no moras aat oioin.—Mateus 24:3, 7; Lucas 21:11.

• Durante loron ikus sira, ema barak sei la iha morál, no sira-nia fiar ba Maromak sei sai fraku.—2 Timóteo 3:2-5.

Iha futuru, saida mak sei akontese ba ema?

Ema balu fiar . . . katak lakleur tan mundu no ema hotu sei lakon mohu, ema seluk fiar katak situasaun iha mundu neʼe sei sai diʼak fali. Oinsá ho Ita?

Saida mak Bíblia hatete?

“Ema laran-loos sira sei simu rai nuʼudar sira-nian, no sira sei hela ba nafatin iha neʼebá.”—Salmo (Mazmur) 37:29.

Saida tan mak Bíblia hanorin?

• Iha loron ikus sira-nia rohan, Maromak sei halakon buat aat hotu.—1 João 2:17.

• Mundu neʼe sei sai furak.—Isaías (Yesaya) 35:1, 6.