Programa ba Reuniaun Serbisu

Semana komesa 14 Jullu

Knananuk 126

Min 10: Avizu kongregasaun nian. Halo drama kiʼik hodi hatudu oinsá mak bele fahe Menara Pengawal 1 Juni no Sedarlah! Juni, hodi uza ezemplu iha pájina 4 ka uza ezemplu neʼebé diʼak ba ita-nia haklaken-fatin.

Min 15: Ita iha “liberdade atu koʼalia” ka lae? Diskursu hodi uza Menara Pengawal 15 Mei 2006, pájina 13-​16. Hatudu tansá mak importante atu haklaken ho aten-barani.

Min 20: “Halo planu ba buat neʼebé espirituál.”a Kuandu koʼalia kona-ba parágrafu lima, fó laran-manas ba rona-naʼin kona-ba serbisu nuʼudar pioneiru regulár, misionáriu, no serbisu iha Betél. Bele hetan informasaun neʼe husi livru Diorganisasi, pájina 112-​16.

Knananuk 147

Semana komesa 21 Jullu

Knananuk 95

Min 10: Avizu kongregasaun nian. Hili avizu balu husi Ita-nia Serbisu Reinu nian. Fó-hanoin rona-naʼin atu lori Menara Pengawal 1 Juli no Sedarlah! Juli ba Reuniaun Serbisu iha semana oinmai no prepara komentáriu kona-ba oinsá atu fahe livru sira-neʼe.

Min 15: Kongregasaun nia presiza.

Min 20: “Preparasaun mak importante atu halo vizita fali neʼebé diʼak.”b Uza minutu haat atu halo drama kiʼik neʼebé hatudu haklaken-naʼin ida koʼalia ba nia an rasik kona-ba prepara ba vizita fali. Nia haree fali buat neʼebé nia hakerek ona no halo planu atu vizita ema naʼin-rua iha semana neʼe. Kona-ba ema naʼin-rua neʼe, nia haree fali buat neʼebé nia koʼalia uluk, halo planu kona-ba saida mak nia sei hatete, no prepara atu vizita sira. Ba ema ida, nia prepara atu komesa estuda Bíblia ho nia. Ba ida seluk, nia prepara atu haburas ema neʼe nia interese hodi uza informasaun iha parágrafu 5.

Knananuk 189

Semana komesa 28 Jullu

Knananuk 6

Min 10: Avizu kongregasaun nian. Fó-hanoin haklaken-naʼin atu fó relatóriu haklaken nian ba fulan-Jullu. Fó sai informasaun kona-ba kongregasaun nia osan no lee karta kona-ba kontribuisaun. Fó-hatene rona-naʼin kona-ba livru sira neʼebé atu fahe iha serbisu haklaken iha fulan-­Agostu, no halo drama kiʼik ida.

Min 15: Nafatin matan-moris. Diskursu hodi uza Menara Pengawal 15 Desember 2006, pájina 18-​19, parágrafu 17-​21.

Min 20: Prepara atu fahe livru fulan-fulan nian. Husu rona-naʼin atu fó komentáriu. Uza tempu uitoan atu koʼalia kona-ba informasaun iha Sedarlah! Juli no Menara Pengawal 1 Juli, depois husu ba rona-naʼin kona-ba informasaun saida mak diʼak ba ema iha haklaken-fatin no tanbasá. Konvida rona-naʼin atu fó komentáriu kona-ba pontu neʼebé sira hakarak atu koʼalia iha serbisu haklaken. Atu komesa koʼalia ho uma-naʼin, ita bele husu pergunta saida? Eskritura saida mak diʼak atu lee? Halo drama kiʼik atu hatudu oinsá mak bele fahe livru sira-neʼe hodi uza ezemplu husi Ita-nia Serbisu Reinu nian ka hodi tuir rona-naʼin nia komentáriu neʼebé diʼak.

Knananuk 106

Semana komesa 4 Agostu

Knananuk 222

Min 10: Avizu kongregasaun nian.

Min 15: Ita-nia oan sira prepara ona atu hasoru problema ruma neʼebé mosu iha eskola ka lae? Diskursu no husu rona-naʼin atu fó komentáriu. Koʼalia kona-ba problema balun neʼebé joven kristaun sira hasoru iha eskola. Esplika kona-ba oinsá mak inan-aman bele uza Indeks Pokok Bahasan iha Menara Pengawal husi 15 Dezembru tinan-tinan nian, Indeks Sedarlah! iha Sedarlah! husi 22 Dezembru tinan-tinan nian, ka livru seluk husi Testemuña ba Jeová, atu hetan informasaun hodi ajuda sira-nia oan. Fó ezemplu balun. (Haree títulu boot “Eskola”, no títulu kiʼik “esperiénsia” iha Watchtower Publications Index, se iha.) Konvida rona-naʼin atu fó komentáriu kona-ba oinsá sira-nia inan-aman kristaun fó treinu ba sira kuandu sei kiʼik hodi sira bele halo tuir matadalan husi Bíblia no hasoru problema iha eskola. Karik sira bele fó komentáriu kona-ba oinsá sira uza informasaun iha Sedarlah! atu halo makalah iha eskola. Husu sira atu esplika oinsá mak haklaken ba kolega iha eskola bele proteje sira.

Min 20: “Ita sobu rahun uma fatuk nian.”c Husu rona-naʼin kona-ba oinsá sira-nia mestre Bíblia nian ajuda sira atubele husik hanorin husi relijiaun falsu neʼebé sira fiar metin ba tempu kleur.

Knananuk 83

[Nota–rodapé]