Programa ba Reuniaun Serbisu

Semana komesa 10 Novembru

Knananuk 205

Min 10: Avizu kongregasaun nian. Inklui komentáriu husi katuas haklaken nian kona-ba kongregasaun nia hakaʼas an atu fahe tratu, Ita Hakarak Hatene Lia-Loos ka lae? iha sira-nia haklaken-fatin tomak. Tanba haklaken-naʼin barak fahe ona Menara Pengawal 1 Oktober no Sedarlah! Oktober, husu sira-nia esperiénsia kona-ba oinsá mak sira fahe livru sira-neʼe.

Min 15: Haburas domin no laran-luak. Diskursu husi katuas ida, hodi uza informasaun husi Menara Pengawal 15 November 2008, iha pájina 6-7.

Min 20: “Ita iha rikusoi neʼebé folin boot atu fahe.”a Kuandu koʼalia kona-ba parágrafu 2, konvida rona-naʼin atu fó komentáriu kona-ba lia-loos ida-neʼebé dada sira atu hamutuk ho Maromak Jeová nia organizasaun, ka lia-loos ida-neʼebé sira hatene no hafolin liután depois sira hetan batizmu.

Knananuk 71

Semana komesa 17 Novembru

Knananuk 80

Min 10: Avizu kongregasaun nian. Hili avizu balu husi Ita-nia Serbisu Reinu nian.

Min 15: Pergunta husi haklaken-naʼin.b

Min 20: “Ita bele sai mestre ka mestra ida!”c Halo entrevista ho haklaken-naʼin ka pioneiru neʼebé uluk sente katak nia la iha matenek atu halaʼo estudu Bíblia ho ema seluk. Oinsá mak nia sadere ba Maromak Jeová atu fó tulun ba nia? Iha dalan saida deʼit mak ita-nia organizasaun ajuda nia hodi nia bele halaʼo estudu Bíblia ho ema seluk? Nia simu tiha bensaun saida deʼit tanba nia estuda Bíblia ho ema seluk?

Knananuk 143

Semana komesa 24 Novembru

Knananuk 217

Min 10: Avizu kongregasaun nian. Fó sai informasaun kona-ba kongregasaun nia osan no lee karta kona-ba kontribuisaun. Koʼalia uitoan kona-ba livru neʼebé kongregasaun sei fahe iha fulan-Dezembru no halo drama kiʼik ida ka rua kona-ba neʼe.

Min 20: Kongregasaun nia presiza.

Min 15: Prepara atu fahe Menara Pengawal 1 Desember no Sedarlah! Desember. Uza tempu uitoan atu koʼalia kona-ba livru sira-neʼe, depois husu ba rona-naʼin kona-ba informasaun saida mak diʼak ba ema iha haklaken-fatin. Husu rona-naʼin kona-ba pergunta saida no eskritura saida mak sira planu atu uza hodi komesa koʼalia ho uma-naʼin kona-ba livru sira-neʼe. Halo drama kiʼik hodi uza ezemplu husi Ita-nia Serbisu Reinu nian. Uza katuas ida atu halo drama kiʼik ida tan kona-ba informasaun husi livru sira-neʼe neʼebé diʼak ba Ita-nia haklaken-fatin.

Knananuk 208

Semana komesa 1 Dezembru

Knananuk 84

Min 10: Avizu kongregasaun nian. Fó-hanoin haklaken-naʼin atu fó relatóriu haklaken nian ba fulan-Novembru.

Min 15: Esperiénsia husi kongregasaun. Fó-hatene kona-ba kongregasaun nia haklaken-fatin neʼebé simu tiha tratu Ita Hakarak Hatene Lia-Loos ka lae? Konvida rona-naʼin atu konta sira-nia esperiénsia kona-ba fahe tratu neʼe, ka uza tratu neʼe atu komesa estuda Bíblia ho ema seluk. No mós, konta esperiénsia kona-ba fahe livru Bíblia Hanorin durante fulan-Novembru. Bele mós halo drama kiʼik kona-ba esperiénsia ida ka rua neʼebé diʼak liu.

Min 20: “Ajuda ema foun atu bele hasoru terus.”d Kuandu koʼalia kona-ba parágrafu 2, uza informasaun iha livru Bertukar Pikiran kona-ba “Saksi-Saksi Yehuwa”, hodi esplika oinsá estudante Bíblia nian bele hatán pergunta sira neʼebé família ka kolega husu ba sira.

Knananuk 105

[Nota–rodapé]