“Haʼu sura oras hira?”

Kuandu haklaken hotu tiha, dala ruma Ita mós husu pergunta ida-neʼe ka lae? Ita bele hetan matadalan kona-ba pergunta neʼe husi livru Diorganisasi iha pájina 86-87. Ita mós dala ruma simu informasaun liután kona-ba neʼe, hanesan husi “Pergunta husi haklaken-naʼin” iha Ita-nia Serbisu Reinu nian Setembru 2008. Tanba ita-nia situasaun la hanesan ba malu, Maromak nia organizasaun la fó ukun-fuan barak atu ita halo tuir. Tan neʼe, ladiʼak ba katuas sira ka ema ruma iha kongregasaun atu fó sai sira rasik nia ukun-fuan kona-ba neʼe.

Se Ita iha pergunta ruma maibé ita-nia livru sira la fó informasaun kona-ba neʼe, Ita bele husu ba Ita-nia an pergunta tuirmai neʼe: Haʼu uza oras neʼe ba serbisu haklaken, ka atu koʼalia kona-ba lia-loos ka lae? Ka haʼu uza oras neʼe atu halo buat seluk neʼebé tuir loloos laʼós serbisu haklaken ka la koʼalia kona-ba lia-loos? Buat neʼebé ita hakerek iha ita-nia relatóriu haklaken nian labele halo ita-nia laran lamoos, maibé tenke halo ita sente kontente. (Apos 23:1) Klaru katak ita hanoin liuliu, laʼós kona-ba sura oras hira, maibé kona-ba oinsá ita uza didiʼak oras neʼebé ita haklaken.—Ebr 6:11.