Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Jullu

“Dala ruma, Ita hanoin tanbasá mak Maromak husik buat aat no terus akontese ka lae? [Hein ba resposta.] Haʼu iha informasaun diʼak kona-ba neʼe.” Lee no koʼalia hamutuk kona-ba pergunta primeiru iha pájina 16 husi Livru Haklaken Jullu-Setembru, no lee mós eskritura ida husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk kona-ba pergunta tuirmai.

Livru Haklaken Jullu-Setembru

Lee Salmo 37:10, 11. Depois hatete: “Tuir Ita-nia hanoin, lakleur ita sei haree liafuan neʼe sei sai loos ka lae? [Hein ba resposta.] Livru ida-neʼe koʼalia kona-ba sinál neen husi Bíblia neʼebé ita haree sai loos daudauk. Sinál sira-neʼe hatudu katak buat kapás neʼebé ita foin lee husi Bíblia besik ona atu sai loos.”

Livru Haklaken Jullu-Setembru

“Ema barak fiar katak ema diʼak hotu sei bá lalehan kuandu sira mate. Ita mós hanoin hanesan neʼe ka lae? [Hein ba resposta.] Haree toʼok saida mak Jesus hatete kona-ba ema neʼebé bá lalehan. [Lee Joao 3:13.] Informasaun iha pájina 18 esplika kona-ba pergunta: Ema kristaun hotu neʼebé laran-metin bá lalehan kuandu mate ka lae?”