Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Marsu

“Tanba ema barak hakarak atu iha moris família nian neʼebé kontente, tuir Ita-nia hanoin, matadalan husi Maromak nia Liafuan bele ajuda família sira ka lae?” Hein ba resposta. Depois fó Livru Haklaken Janeiru-Marsu ba uma-naʼin no koʼalia hamutuk kona-ba pergunta 3 iha pájina 16, no mós lee eskritura ida. Rai hela livru ba uma-naʼin no halo arranju atu vizita fali hodi koʼalia hamutuk kona-ba pergunta tuirmai.

Livru Haklaken Janeiru-Marsu

“Tuir Ita-nia hanoin, Bíblia iha kbiit atu troka ema nia moris ka lae? [Hein ba resposta.] Haree oinsá ema balu troka sira-nia moris kuandu sira aprende buat neʼebé Bíblia hanorin. [Lee 1 Korinto 6:9-11.] Informasaun iha livru neʼe esplika oinsá ita bele hetan buat diʼak hodi moris tuir Bíblia nia matadalan kona-ba buat morál nian.” Hatudu informasaun neʼebé komesa iha pájina 8.

Livru Haklaken Janeiru-Marsu

“Ema balu fiar katak Maromak iha lista kona-ba sala hotu neʼebé ita halo. Tuir Ita-nia hanoin, ida-neʼe loos ka lae? [Hein ba resposta.] Informasaun iha livru neʼe, hanorin kona-ba Maromak nia laran-diʼak. Haree ba buat neʼebé Jesus hatete ba apóstolu Tiago no João kuandu sira sente hirus tebes ba ema samaritanu sira. [Lee Lucas 9:54, 55.]” Hatudu informasaun neʼebé komesa iha pájina 18.