Mudansa ba reuniaun iha semana nia laran

Husi semana komesa loron 3 Setembru, Estudu Bíblia iha Kongregasaun sei la halaʼo tan ba minutu 25, maibé ba minutu 30. Atu loke parte neʼe, irmaun neʼebé dirije sei uza minutu ida atu koʼalia fila fali kona-ba informasaun husi semana kotuk. Reuniaun Serbisu mós sei la halaʼo tan ba minutu 35, maibé ba minutu 30 deʼit. Husi tempu neʼe, sei la iha ona parte ketak atu hatoʼo avizu sira. Irmaun neʼebé halaʼo parte primeiru sei hatoʼo avizu neʼebé importante deʼit. La presiza ona atu fó avizu kona-ba saida deʼit mak atu koʼalia iha parte sira tuirmai. No mós, la presiza atu fó avizu kona-ba grupu haklaken, kona-ba sé mak iha knaar atu hamoos Reuniaun-Fatin, no mós kona-ba fó benvindu ka kumprimentu. (km-TTP 10/08 p. 1, par. 4) Se presiza hatoʼo avizu neʼebé naruk uitoan, diʼak se sira neʼebé iha parte hatene nanis kona-ba neʼe hodi sira bele habadak uitoan sira-nia parte.