“Laʼo hodi fiar, laʼós hodi haree”

Apóstolu Paulo hakerek katak nuʼudar Kristu nia soldadu, ema kristaun tenke hatene katak sira sei hetan susar no sira la bele hanoin deʼit atu hetan moris diʼak ka moris halimar deʼit. Bainhira nia hakerek liafuan sira-neʼe, hela tempu uitoan deʼit ona ba inimigu sira atu serka no harahun Jeruzalein. (2 Timóteo 2:3, 4) Susar mós besik ona atu kona mundu aat neʼe, tan neʼe ita presiza iha fiar neʼebé metin atu ita bele tau fokus nafatin ba ita-nia adorasaun. (2 Korinto 4:18; 5:7) Haree vídeo kona-ba ‘Berjalanlah dengan Iman, Bukan dengan Apa yang Kelihatan’. (Loke jw.org iha lia-indonézia no buka iha PUBLIKASI > VIDEO.) Fó atensaun kona-ba oinsá mak domin ba sasán sai lasu ida ba Naham ho Abital. Haree tiha vídeo neʼe, hanoin pergunta sira tuirmai neʼe.

(1) Iha apóstolu sira-nia tempu, “buat neʼebé foʼer hamriik iha fatin santu” mak saida, no ema kristaun neʼebé hela iha Jeruzalein tenke foti desizaun lalais kona-ba saida? (Mateus 24:15, 16) (2) Tanbasá mak presiza iha fiar atu bele halai sai husi sidade? (3) Atu halai, sira presiza husik saida deʼit? (4) Saida mak halo Naham ho Abital demora? (Mateus 24:17, 18) (5) Saida mak koko Raquel nia fiar bainhira atu halai husi Jeruzalein? (Mateus 10:34-37; Marcos 10:29, 30) (6) Etan hatudu ezemplu diʼak saida kona-ba tau fiar ba Jeová? (7) Susar saida mak ema kristaun sira hasoru iha Pella? (8) Saida mak halo Naham ho Abital nia fiar neineik-neineik sai fraku tiha? (9) Oinsá mak Jeová tau matan ba ema kristaun sira neʼebé hela iha Pella? (Mateus 6:33; 1 Timóteo 6:6-8) (10) Oinsá mak Abraão ho Sara nia ezemplu bele ajuda ita atu hasoru mundu nia rohan? (Ebreu 11:8-10) (11) Saida mak halo Naham ho Abital bosok sira-nia an hodi fila ba Jeruzalein, no tanbasá mak sira-nia hanoin sala? (Lucas 21:21) (12) Bainhira Naham ho Abital fila toʼo iha Jeruzalein, sira haree moris loloos iha neʼebá hanesan saida? (13) Tanbasá mak ita tenke hametin ita-nia fiar agora kedas antes mundu nia rohan toʼo mai?—Lucas 17:31, 32; 21:34-36.

Laʼo ho fiar katak (1) tau fiar ba Jeová nia matadalan, (2) husik ninia matadalan mak hatudu dalan ba ita, no (3) ita hafolin ita-nia adorasaun liu fali sasán sira. Mai ita hakaʼas an liután atu laʼo ho fiar, tanba ita fiar katak “mundu neʼe no ninia hakarak liu daudaun, maibé ema neʼebé halo Maromak nia hakarak sei hela ba nafatin”.—1 João 2:17.