Aumenta ita-nia matenek iha serbisu haklaken​—Haklaken liuhusi kámera ka intercom

TANBASÁ IMPORTANTE: Tanba teknolojia laʼo ba oin no krime aumenta ba beibeik, agora ema iha rai barak uza kámera no intercom iha sira-nia uma. Karik ita dada an atu fahe lia-loos ba ema neʼebé ita labele haree maibé sira bele haree ita. Buat sira tuirmai neʼe sei ajuda ita atu sai brani liután. Prinsípiu sira iha informasaun neʼe mós bele aplika iha situasaun seluk, porezemplu, bainhira haklaken liuhusi telefone.

OINSÁ ATU HALO IDA-NEʼE:

• Nafatin hanoin pozitivu. Uma-naʼin barak neʼebé uza kámera ka intercom kontente atu koʼalia ho ita

• La haluha katak kámera balu komesa grava antes ita hakbesik odamatan, no karik uma-naʼin haree no rona ona ita husi tempu neʼebé ita tama sira-nia fatin

• Bainhira uma-naʼin hatán, koʼalia ba intercom ka kámera hanesan Ita koʼalia ba ema neʼe rasik. Hatudu oin-midar no labele hatudu hahalok neʼebé halo ema deskonfia. Koʼalia buat neʼebé ita planu atu koʼalia se karik ema neʼe loke odamatan. Labele see Ita-nia oin rabat demais ba kámera kuandu koʼalia. Se uma-naʼin la foti, lalika rai hela mensajen

• Depois koʼalia tiha ho uma-naʼin, la haluha katak karik nia nafatin rona no haree hela ita