Hatudu respeitu bainhira hamriik iha ema nia uma oin

Bíblia dehan katak ema iha ‘mundu tomak hateke ba ita’. (1Ko 4:9) Tan neʼe, ita la hakfodak katak uma-naʼin balu iha uma laran haree hela ba ita liuhusi janela ka rona hela ita husi odamatan. Ema balu mós monta kámera no mikrofone iha liʼur atu sira bele haree, rona no grava buat neʼebé ita halo ka koʼalia. Tuirmai neʼe mak dalan balu atu hatudu respeitu bainhira ita hamriik iha ema nia uma.—2Ko 6:3.

LIUHUSI ITA-NIA HAHALOK (Flp 1:27):

• Hatudu respeitu ba uma-naʼin hodi la hafuhu ba sira-nia uma laran. Labele han, hemu, koʼalia iha telefone ka haruka mensajen bainhira hamriik iha ema nia uma oin

LIUHUSI ITA-NIA KOʼALIA (Éf 4:29):

• Bainhira hamriik iha ema nia uma oin, keta koʼalia buat ruma neʼebé ita lakohi uma-naʼin atu rona. Karik ita presiza para atu la koʼalia iha tempu neʼe hodi hanoin kona-ba liafuan saida mak ita sei hatete ba uma-naʼin

Iha dalan saida tan mak ita bele hatudu respeitu bainhira hamriik iha ema nia uma oin?