Aumenta ita-nia matenek iha serbisu haklaken—Hahú kedas estuda Bíblia hodi uza broxura Liafuan Diʼak husi Maromak
Tanbasá importante: Atu ajuda ema sai Jesus nia dixípulu, ita presiza sai matenek hodi hanorin Maromak nia Liafuan. (Mateus 28:19, 20) Ita hotu bele hanorin lia-loos ho didiʼak liuhusi uza livru sira neʼebé Maromak nia organizasaun fó ba ita. Broxura Liafuan Diʼak husi Maromak mak atu ajuda ita hanorin lia-loos ba ema seluk. Ita mós bele uza broxura neʼe atu hahú kedas estuda Bíblia ho ema iha dala primeiru ita hasoru nia.
Koko ida-neʼe durante fulan neʼe:
Halo orasaun ba Jeová atu haburas hakarak estuda Bíblia ho ema. Husu ajuda ba Jeová atu bele hahú estuda Bíblia no mós atu ita bele sai mestre neʼebé matenek atu hanorin lia-loos.—Filipe 2:13.
Bainhira halaʼo adorasaun família nian ka estuda mesak, uza tempu uitoan atu hatene didiʼak liafuan saida mak ita atu koʼalia. Hodi nuneʼe, ita bele koʼalia ho fiar an no komesa estuda Bíblia ho ema iha dala primeiru ita hasoru nia.